१ तिमोथी 6:17 - कोन्छ्‌योककी सुङ

¹⁷ दी जम्‍बुलिङकी मी छ्‍युक्‍पुतिवाला दुक सिनी क बिन, “अम्‍बारङ्‍शिङ माकी, चेयी पर सेक तिराङ लुवु टोङ्‍बाला मिन, यिने दाक्‍पुला गोवु तेरी च्‍यालकतिवा लोदिमुकी थोक्‍ला ग्‍यक्‍चे क्‍यानी नङ्‍गुप कोन्‍छ्‍योकला तिराङ रेवा की।”

१ तिमोथी 6:17 Iomraidhean Croise

मत्ती 12:32

तमा चुका मी तीकी ङ मी पुज्‍युङला ताम्‍ङे मेलोवा सिवे, तीकी दिक्‍पा माफ ङ्‍येकिवी, यिने कोन्‍छ्‍योककी थु चाङ्‍माला ताम्‍ङे मेलोवा सिरुप तीला दी कल्‍वाला ताङ वुङ्‍गुप कल्‍वाला साङ तीकी दिक्‍पा माफ मेङ्‍येवी।”

मत्ती 19:23

तमा येशूकी लोमातिवाला सुङ्‍सुङ, “वुतुङ के ङ ख्‍यिराङला सिरिन, मी छ्‍युक्‍पुतिवाला याङ कोन्‍छ्‍योककी ग्‍येल्‍खापला शुकुप ति छासे कले गिवी।

मत्ती 25:16

तमा सेरकी डप्‍बु ङ ङ्‍येतुप लावा ति शार्क्येक गल्‍नी ती टङ्‍गा ति छोङ क्‍यानी यम्‍बा सेरकी डप्‍बु ङ ल्‍हक्‍पा शम्‍सुङ।

मत्ती 27:57

तमा नाम ल्‍होसिमा योसेफ सिरुप अरिमाथियाकी मी छ्‍युक्‍पु यी ते लेसुङ। ती साङ येशूला तेपा क्‍यानी खोकी सुङला युकुप मी यिनोक।

मत्ती 6:32

दिवा तेरी ति कोन्‍छ्‍योकला ङो माशेवु मिरिक यम्‍बातिवी छोल्‍गिवी। यिने देवाच्‍येनला ज्‍यु वोतुप पपा कोन्‍छ्‍योककी ख्‍यिराङला ती तेरी गोकिवी सिनी छ्‍या वे।

मर्कूस 10:24

ती थोनी लोमातिवा हलेवा क्‍यासुङ। येशूकी तिवाला लोङ सुङ्‍सुङ, “आङातिवा, कोन्‍छ्‍योककी ग्‍येल्‍खापला शुकुप ति छासे कले गिवी।

लूका 19:2

ते जखायस सिरुप से दुतुप मी छ्‍ये यी नोक, ती ति छ्‍युक्‍पु यिनोक।

लूका 3:11

यूहन्‍नाकी तिवाला सिक्‍यासुङ, “सी मुला छ्‍योवा ङ्‍यी नोके, तीकी मेतुपतिवाला तेर्शी। सी मुला साप समा नोके, तीकी साङ मेतुपतिवाला तेर्शी।”

लोमा छ्‍येतिवी लाका 14:17

यिन्‍सिनाङ खोकी क्‍या नङ्‍गुप लाका ति टेङ्‍बु यिन सिनी पङ्‍बु तेरुप क्‍युर्नी माज्‍याक। च्‍यिलासिसिन खोकी ख्‍यिराङला नाम नेमा छ्‍यर्वा तङ्‍नी डेलु ताङ डुप्‍सेन ताङ ख्‍यिराङला गोवु समातिवा गोरुप तुजे नङ्‍नी ख्‍यिराङला सेम किर्मु जो नाङ्‍सुङ।”

लोमा छ्‍येतिवी लाका 14:27

तिवा एन्‍टिओखिया लेप्‍सिमा तेकी चर्चकी मीतिवाला मुला राङ कताङ्‍नी कोन्‍छ्‍योककी तिवा नेसुर क्‍या नङ्‍गुप तेरी लाका ताङ कोन्‍छ्‍योककी यहूदी मिन्‍दुप मिरिक यम्‍बाकी मीतिवा चुक क्‍यानी खोला तेपा कि थुपुप जो नाङ्‍सुङ सिरुप ताम्‍ङे ति तिवाला शेसुङ।

लोमा छ्‍येतिवी लाका 17:25

कोन्‍छ्‍योककी जम्‍बुलिङ तेरी ज्‍येवु तप्‍की खोला कतुकारला ख्‍येल्‍नोक सिनी मी लक नेसुर खोला शब्‍ज्‍यी बुल मोगोवी। च्‍यिलासिसिन खो तेरी मीतिवाला मिजी ताङ उ ताङ यम्‍बा तेरी गोवु च्‍यालकतिवा नङ्‍गुप कोन्‍छ्‍योक यिन।

रोमी 11:20

ती ताम्‍ङे ति टेङ्‍बु राङ यिन। यहूदीतिवी तेपा माक्‍यावु तप्‍की वुतुङ्‍की जैतुन दोङ्‍बी येल्‍कातिवा च्‍येतुप दोके गलुप यिन। यिने ख्‍यिराङ ति तेपा क्‍यावु तप्‍की वुतुङ्‍की जैतुन दोङ्‍बुला थितुप दोके यिन। तुक क्‍यानी ख्‍यिराङ ङराङ यिन सिनी अम्‍बारङ्‍शिङ माकी, यिने ज्‍यिवा क्‍यानी दे।

एफिसी 5:5

दी ताम्‍ङे ति ख्‍यिरा तेन्‍तेन क्‍यानी हाक्‍कोवा की। शम्‍डेन कितुप ताङ मेटेङ्‍बु कितुप ताङ देर्पा कितुप ति कुला छ्‍यो तङ्‍गुप च्‍यिन्‍दै यिन। तुका मीतिवा ख्रीष्‍ट ताङ कोन्‍छ्‌योककी ग्‍येल्‍खापला शुक मोछ्‍योवी।

कलस्सी 3:16

ख्रीष्‍टकी सुङ ति छासे क्‍यानी ख्‍यिरा सेमला नरी लुशी। तमा तेरी च्‍यु ताङ रिक्‍पाकी च्‍यिककी च्‍यिकला लोपुप ताङ टोङ्‍गु बिन। कोन्‍छ्‍योकला सोवा देकुप लुतिवा ताङ कोन्‍छ्‍योककी थु चाङ्‍माकी नङ्‍गुप लुतिवा लानी सेमगी दिङ नेज्‍युनी कोन्‍छ्‍योकला थुचिछे पुल।

१ थेसलोनिकी 1:9

तमा ङ्‍यिराङ ख्‍यिरा पर्ला वुङ्‍गुप पेला ख्‍यिरा ङ्‍यिराङला गासो शुवु ताङ कुतिवाला शब्‍ज्‍यी बुलुप क्‍युर ज्‍याक्‍नी ङोसु ताङ टेङ्‍बु वोतुप कोन्‍छ्‍योकला सोवा पुलुप ताम्‍ङे ति माकेडोनिया ताङ अखैयाकी मीतिवी खोप्‍रे राङ लप्‍किवी।

१ तिमोथी 1:3

ङ माकेडोनिया डोप पेला ख्‍युरुङला ङे एफिससला राङ दे सिक्‍यावु तेन्‍दोक ति तेकी येन्‍देन मेटेङ्‍बु लोपुप मीतिवाला तुक माकी सिनी क तेरुपला यिन।

१ तिमोथी 3:15

ङ वुङ्‍गुप फिमु गल्‍सिनाङ दी यिकी रानी दाक्‍पु कोन्‍छ्‍योककी मिछाङला चुक क्‍यानी मिजी क्‍योङ गोकिवी सिरुप ति हाक्‍कोवा किसा। ती कोन्‍छ्‍योककी मिछाङ ति ङोसु वोतुप कोन्‍छ्‍योककी चर्च यिनो। ती चर्च ति सुङ टेङ्‍बुकी डम्‍ज्‍यी रम्‍बु ताङ कज्‍यु यिन।

१ तिमोथी 4:10

तीकी थोक्‍ला राङ दाक्‍पु हुर्ताक ताङ टेमु कियी वे, च्‍यिलासिसिन दाक्‍पी रेवा ति ङोसु वोतुप कोन्‍छ्‍योकला वे। खो ति मी तेरीकी कोन्‍छ्‍योक यिन, खोकी खक्‍छ्‍येवुला तेपा कितुप मीतिवाला दिक्‍पा ने थर ज्‍यिकिवी।

१ तिमोथी 5:21

कोन्‍छ्‍योक ताङ येशू ख्रीष्‍ट ताङ कोन्‍छ्‍योककी पेन नङ्‍गुप देवाच्‍येनकी मीतिवी थोङ्‍दाङला ङ ख्‍युरुङला क छ्‍येम्‍बु तेरिन। ख्‍ये मापेवा क्‍यानी ख्‍युरुङ ङे सिक्‍यावु ठिमला वोतुप दोके क्‍यानी किसा।

१ तिमोथी 6:13

मी तेरीला मिजी नङ्‍गुप कोन्‍छ्‍योक ताङ पन्‍तियस पिलातसकी दोङ्‍ला पङ्‍बु टेङ्‍बु नङ्‍गुप येशू ख्रीष्‍टकी थोङ्‍दाङला

१ तिमोथी 6:9

यिने छ्‍युक्‍पु डोप नो कितुपतिवा शैतानकी जिनोकला ख्‍येल्‍नी तोर्वाला ख्‍येलुप दोके डिवी। तमा तिवा अम्‍बारङ्‍शिङ कितुप ताङ मीला ना तोङ्‍गुप नासाम तिराङ तङ्‍नी खोरो राङ खुरुङला मेताला जोनी ना डिवी।

२ तिमोथी 4:10

च्‍यिलासिसिन डेमासकी दी जम्‍बुलिङकी ताम्‍ङेला नासाम तङ्‍नी ङला क्‍युर ज्‍याक्‍नी थेसलोनिकेला गाल्‍सुङ। क्रेसेन्‍स साङ गलातियाला गाल्‍सुङ। तमा तीतस ति दलमातियाला गाल्‍सुङ।

तीतस 2:12

ती कटिनकी राङ दाक्‍पु ति कोन्‍छ्‍योकला गा मलङ्‍गुप लाका ताङ तेपा मिकिवु मीतिवी दोके जम्‍बुलिङकी च्‍यालकतिवाला ङ्‍यिङ्‍ज्‍ये कितुप क्‍युर्नी दी जम्‍बुलिङला देतुप पेला खुरुङला डेकला ज्‍योकुप ताङ टेङ्‍बु वोतुप कोन्‍छ्‍योकला गा लङ्‍गुप मिजी क्‍योङ्‍गुपला येन्‍देन नङ्‍गिवी।

तीतस 3:6

ती थु चाङ्‍मा ति खोकी दिक्‍पा ने थर ज्‍यितुप येशू ख्रीष्‍ट नेसुर दाक्‍पुला ग्‍यक्‍चे क्‍यानी नाङ्‍सुङ।

२ पत्रुस 1:11

तमा दिक्‍पा ने थर ज्‍यितुप दाक्‍पी चोवो येशू ख्रीष्‍टकी ख्‍यिराङला नाम्‍साङ ना मोडोवु खोकी ग्‍येल्‍खापला छासे ताङ्‍देन ताङ मुला शुक ज्‍यिकिवी।