१ तिमोथी 6:16 - कोन्छ्‌योककी सुङ

¹⁶ खो तिराङ नरीकी नरी लुवु वे। खो ति वोसिरला ज्‍युकिवी, तमा ती वोसिरकी चिप्‍ला सु साङ डो मुथुपी। खोला सी साङ नाम्‍साङ माथोङ वे, याङ्‍ना थोङ साङ मुथुपी। खोला राङ ताङ्‍देन ताङ ओङ्‍ज्‍येन ति नरीकी नरी वुङ्‍शी। आमिन।

१ तिमोथी 6:16 Iomraidhean Croise

यूहन्‍ना 1:18

सी साङ नाम्‍साङ कोन्‍छ्‍योकला माथोङ वे। यिने पपा कोन्‍छ्‍योककी मुला च्‍यिक राङ वोतुप खोकी सेवुकी कोन्‍छ्‍योक सु यिन सिरुप ति दाक्‍पुला छ्‍या तेन्‍सुङ।

यूहन्‍ना 14:9

येशूकी तीला सुङ्‍सुङ, “फिलिप, दोजोयी पेला सेक ङ ख्‍यिरा मुला वोसिनाङ ख्‍योरो ङला ङो मेशेवी? सी ङला थोङ वे, तीकी पपाला थोङ्‍गुप यिन। यिने च्‍यिला ख्‍युरुङ ‘ङ्‍यिराङला पपा छ्‍या तेन।’ सिनी सिवी?

यूहन्‍ना 6:46

सी साङ पपाला माथोङ वे, यिने कोन्‍छ्‍योक नेमा वावु तीकी तिराङ पपाला थोङ वे।

यूहन्‍ना 8:58

तमा येशूकी तिवाला “वुतुङ के ङ ख्‍यिराङला सिरिन, अब्राहाम क्‍येप सिनाङ गोमाला के ङ वोतुप यिन।” सिनी सुङ्‍सुङ।

एफिसी 3:21

ती कोन्‍छ्‌योकला राङ थल्‍मा नेज्‍युनी तिङ्‍मा सेक चर्च ताङ येशू ख्रीष्‍ट नेसुर नरीकी नरी मोवा वुङ्‍शी। आमिन।

फिलिप्पी 4:20

त याङ दाक्‍पी पपा कोन्‍छ्‍योकला नरीकी नरी मोवा वुङ्‍शी। आमिन।

कलस्सी 1:15

येशू ख्रीष्‍ट ति दाक्‍पी मिककी मोथोङ्‍गुप कोन्‍छ्‍योककी जुजमला वोतुप चोवो यिन। खो ति जम्‍बुलिङला वोतुप तेरी च्‍यालकतिवा सिनाङ थल्‍माला वोतुप कोन्‍छ्‍योककी सेवु यिन।

१ तिमोथी 1:17

तमा थल्‍मा नेज्‍यु नरीकी नरी सेक ज्‍यु वोतुप दाक्‍पी मिककी मोथोङ्‍गुप ग्‍येल्‍वु ताङ च्‍यिक राङ वोतुप कोन्‍छ्‍योकला ताङ्‍देन ताङ मोवा ति नरीकी नरी वुङ्‍शी। आमिन।

हिब्रू 13:8

येशू ख्रीष्‍ट दाङ ताङ हारिङ तमा नरीकी नरी च्‍यिक्‍पा राङ ज्‍युकिवी।

याकूब 1:17

ल्‍यामु वोतुप ताङ काङ साङ ङ्‍युङ्‍मु मेतुप कटिनकी ङ्‍येम्‍बातिवा तेरी पपा कोन्‍छ्‍योक नेमा गिवी। खोकी वोसिर तेरी ज्‍येनी नाङ्‍सुङ। खो ति नाम्‍साङ मोफोवी, तमा उलाकी नक्‍तोमी फोवु दोके मोफोवी।

१ यूहन्‍ना 1:5

ङ्‍यिरा येशू ख्रीष्‍ट नेमा थोवु लेन ल्‍यामु ति ख्‍यिराङला शेतिनो। ती ति काङ यिन सिसिन कोन्‍छ्‍योक ति ठछ्‍येली वोतुप वोसिर टेङ्‍बु वे। खोकी मुला काङ साङ नक्‍तोमी वोतुप दोके मेटेङ्‍बु मे।

१ यूहन्‍ना 1:7

यिने खो ठछ्‍येलीला वोतुप दोके दाक्‍पु साङ खो मुला राङ ठछ्‍येलीला युकिवी सिसिन दाक्‍पु डिक्‍जोम ल्‍यामु च्‍युङ्‍गिवी। तमा खोकी सेवु येशू ग्‍यङ्‍शिङला कल्‍नी तेन्‍दुप ठक नेसुर दाक्‍पी दिक्‍पातिवा तेरी ताकिवी।

१ यूहन्‍ना 4:12

कोन्‍छ्‍योकला सी साङ नाम्‍साङ माथोङ वे। यिन्‍सिनाङ दाक्‍पी च्‍यिककी च्‍यिकला ङ्‍यिङ्‍ज्‍ये क्‍यासुङ सिसिन, खो दाक्‍पी मुला ज्‍युकिवी, तमा खोकी ङ्‍यिङ्‍ज्‍ये ति दाक्‍पी मिजीला छेकिवी।

यहूदा 1:25

खो ति च्‍यिक राङ ज्‍यु वोतुप कोन्‍छ्‍योक यिन, खो ति येशू ख्रीष्‍ट नेसुर दाक्‍पुला थर्वा नङ्‍गुप कोन्‍छ्‍योक यिन। खोला तेरी मोवा ताङ ताङ्‍देन ताङ ङार ताङ ओङ्‍ज्‍येन ति थल्‍मा नेज्‍यु तन्‍दा सेक तसाम नेज्‍यु तिङ्‍ला सेक नरीकी नरी वुङ्‍शी, आमिन।

ज्‍यल्‍का 1:6

तमा दाक्‍पुला खोकी ग्‍येल्‍खापकी मीतिवा जोनी पपा कोन्‍छ्‍योककी थोक्‍ला शब्‍ज्‍यी कितुप कोङ्‍यार जो नाङ्‍सुङ। खोला राङ नरीकी नरी मोवा ताङ ओङ्‍ज्‍येन वुङ्‍शी। आमिन।

ज्‍यल्‍का 1:8

“ङ ति अल्‍फा ताङ ओमेगा यिन।” सिनी तेरी सिनाङ चोछ्‍ये वोतुप चोवो कोन्‍छ्‍योककी सुङ्‍नी वे। खो हारिङ ज्‍यु वे, थल्‍माला साङ ज्‍यु वोतुप यिन, लोङ तिङ्‍ला साङ फेप्‍किवी।

ज्‍यल्‍का 21:3

ती ज्‍युक्‍ला ग्‍येल्‍ठिक नेमा दुक सिनी वोरु थोर ग्‍यपुप ति ङे थोसुङ, “ल्‍होसा, तफेन्‍ला कोन्‍छ्‍योककी देसा ति मीतिवी मुला गिवी। तमा खो मीतिवी मुला ज्‍युकिवी। मीतिवा खोकी गिपा च्‍युङ्‍गिवी। खो खुरुङ मीतिवी मुला ज्‍युकिवी, तमा खो ति तिवी कोन्‍छ्‍योक च्‍युङ्‍गिवी।

ज्‍यल्‍का 22:5

ते नाम्‍साङ नाम मोल्‍होनोक। तिवाला दिप्‍ली ताङ ङ्‍यिमी वो साङ मोगोनोक। च्‍यिलासिसिन चोवो कोन्‍छ्‍योक ति तिवी थोक्‍ला वोसिर यिनोक। ते तिवी नरीकी नरी ग्‍येला किनोक।

ज्‍यल्‍का 4:11

“ओ ङ्‍यिरा चोवो कोन्‍छ्‍योक, चोवो याङ ङ्‍यिरा मोवा ताङ ताङ्‍देन कि छ्‍योवु ताङ ङार वोतुप कोन्‍छ्‍योक यिन। च्‍यिलासिसिन तेरी च्‍यालकतिवा चोवोकी राङ ज्‍ये नङ्‍गुप यिन। चोवोकी नोवा नेमा ती च्‍यालकतिवा तेरी च्‍युङ्‍नी तिवाला मिजी साङ नाङ्‍सुङ।”

ज्‍यल्‍का 7:12

“आमिन! सोवा ताङ मोवा ताङ रिक्‍पा ताङ थुचिछे ताङ ताङ्‍देन ताङ ओङ ताङ ङार ति नरीकी नरी ज्‍युवु दाक्‍पी कोन्‍छ्‍योककी तिराङ यिन। आमिन!”