१ तिमोथी 6:15 - कोन्छ्‌योककी सुङ

¹⁵ कोन्‍छ्‍योककी तुजे छेसिमा चोवो येशू ख्रीष्‍ट ति येलुङ फेप्‍किवी। कोन्‍छ्‍योक ति च्‍यिक राङ वोतुप ताङ ग्‍येल्‍वी खकी ग्‍येल्‍वु ताङ चोवी खकी चोवो यिन। खोला दाक्‍पी सोवा बुल्‍गिवी।

१ तिमोथी 6:15 Iomraidhean Croise

मत्ती 6:13

ङ्‍यिराङला शैतानकी खोक्‍पा ल्‍हापला ख्‍येल माज्‍यी, यिने दुक्‍टा नेसुर र्‍होक्‍टे की। ग्‍येल्‍खाप ताङ ङार ताङ मोवा ति नरी पपा कोन्‍छ्‍योककी ति यिन। आमिन।’

१ तिमोथी 1:11

दाक्‍पी येन्‍देन ति मोलाम नङ्‍गुप कोन्‍छ्‍योक टेङ्‍बुकी मोवा वोतुप लेन ल्‍यामु ताङ मुला डिकिवी। ती ति खोकी ङला चेक तेन नङ्‍नी वे।

१ तिमोथी 1:17

तमा थल्‍मा नेज्‍यु नरीकी नरी सेक ज्‍यु वोतुप दाक्‍पी मिककी मोथोङ्‍गुप ग्‍येल्‍वु ताङ च्‍यिक राङ वोतुप कोन्‍छ्‍योकला ताङ्‍देन ताङ मोवा ति नरीकी नरी वुङ्‍शी। आमिन।

१ तिमोथी 2:6

खोकी तेरी मीतिवाला दिक्‍पा ने थर ज्‍यितुपला खोरे मिजी साङ मी थोक्‍ला जिन्‍बा च्‍युङ्‍सुङ। तीकी कोर्ला पङ्‍बु छ्‍या देन्‍दुप टेके तुजे ति तन्‍दा राङ यिन।

ज्‍यल्‍का 17:14

तिवा लुक रुक ताङ मुला थमु ग्‍यकिवी, यिने लुक रुककी तिवी मुला थमु ग्‍यप्‍नी तिवी खला ग्‍येल्‍गिवी। च्‍यिलासिसिन खो ति चोवो खकी चोवो, ग्‍येल्‍वी खकी ग्‍येल्‍वु यिन। तमा खोकी कताङ नङ्‍गुप ताङ खोकी पेतुप खोङ्‍तेर्मु वोतुप मीतिवा खोकी मुला राङ वे।” सिनी सिक्‍यासुङ।

ज्‍यल्‍का 19:16

खोकी मज्‍या ताङ खोकी फिली लोला “ग्‍येल्‍वी खकी ग्‍येल्‍वु” ताङ “चोवो खकी चोवो” सिरुप मिङ टि वे।