१ तिमोथी 6:13 - कोन्छ्‌योककी सुङ

¹³ मी तेरीला मिजी नङ्‍गुप कोन्‍छ्‍योक ताङ पन्‍तियस पिलातसकी दोङ्‍ला पङ्‍बु टेङ्‍बु नङ्‍गुप येशू ख्रीष्‍टकी थोङ्‍दाङला

१ तिमोथी 6:13 Iomraidhean Croise

मत्ती 27:11

ती ज्‍युक्‍ला येशू रोमी ठिम कितुप मी छ्‍ये पिलातसकी दोङ्‍ला लासुङ। तमा तीकी येशूला “काङ ख्‍युरुङ यहूदीतिवी ग्‍येल्‍वु यिन?” सिनी टिसुङ। तमा येशूकी तीला “यिन, ख्‍योरे सिक्‍यावु दोके राङ यिन।” सिनी सुङ्‍सुङ।

मत्ती 27:2

तमा तिवी येशूला कोङ किन्‍नी तेसुर टि गल्‍नी रोमी ठिम कितुप मी छ्‍ये पिलातसला चेक तेसुङ।

यूहन्‍ना 14:6

येशूकी तीला सुङ्सुङ, “लाम ताङ टेङ्‍बु ताङ मिजी ति ङ राङ यिन। ङ नेसुर मिसिन सु साङ पपी ते डो मुथुपी।

यूहन्‍ना 19:11

तमा येशूकी पिलातसला “दोजो कोन्‍छ्‍योककी दुक कितुप ओङ ख्‍युरुङला मानाङ्‍सुङ सिसिन ख्‍योरो ङला काङ साङ कि मुथुपुप्‍जा। तुक क्‍यानी ङला ख्‍योरो लकला चेक तेतुप मी तीला मङ दिक्‍पाकी क्‍येन फोकिवी।” सिनी सुङ्‍सुङ।

यूहन्‍ना 5:21

पपी शेपतिवाला सेन्‍बु लङ च्‍यिनी तिवाला नाम्‍साङ मिशिवु मिजी नङ्‍गुप दोके खोकी पुज्‍युङकी साङ सुला मिजी तेरुप नोवा नोके, तीला नाम्‍साङ मिशिवु मिजी तेर्किवी।

यूहन्‍ना 5:26

पपा खोरे मुला मिजी वोतुप दोके खोकी खोरे पुज्‍युङला साङ मिजी वोतुप जो नाङ्‍सुङ।

लोमा छ्‍येतिवी लाका 17:25

कोन्‍छ्‍योककी जम्‍बुलिङ तेरी ज्‍येवु तप्‍की खोला कतुकारला ख्‍येल्‍नोक सिनी मी लक नेसुर खोला शब्‍ज्‍यी बुल मोगोवी। च्‍यिलासिसिन खो तेरी मीतिवाला मिजी ताङ उ ताङ यम्‍बा तेरी गोवु च्‍यालकतिवा नङ्‍गुप कोन्‍छ्‍योक यिन।

२ कोरिन्थी 9:13

ख्‍यिरा तिवी थोक्‍ला बुल्‍वा बिन्‍नी ख्रीष्‍टकी लेन ल्‍यामुला वोतुप सुङला युसुङ, तमा ख्‍यिरा सेम पेनी कोन्‍छ्‍योकला तेपा कितुप मीतिवा ताङ मी बङीकी थोक्‍ला दाल्‍जा किटे क्‍यानी पङ्‍बु छ्‍या तेन्‍दुप तप्‍की मीतिवी कोन्‍छ्‍योकला मोवा किवी।

गलाती 3:26

तमा ख्रीष्‍ट येशूला तेपा क्‍यावु तप्‍की ख्‍यिराङ तेरी कोन्‍छ्‍योककी पेजातिवा यिन।

१ तिमोथी 1:12

ङला ङार नङ्‍गुप दाक्‍पी चोवो ख्रीष्‍ट येशूला थुचिछे बुलिन, च्‍यिलासिसिन खोकी खोरुङला शब्‍ज्‍यी कितुपकी थोक्‍ला ङला खोङ्‍तेर्मु वोतुप सिनी चिसुङ।

१ तिमोथी 1:15

दी सुङ ति मी तेरीकी यिन्‍ज्‍यिक मिन्‍ज्‍यिक सेमला लिङ गोकिवी। च्‍यिलासिसिन दी सुङ ति दिक्‍छेनतिवाला दिक्‍पा ने थर ज्‍यितुपला येशू ख्रीष्‍ट दी जम्‍बुलिङला फेपुपकी कोर्ला यिन। ती दिक्‍छेनतिवी नाङ्‍ला तेरी सिनाङ दिक्‍छेन ति ङ राङ यिन।

१ तिमोथी 2:5

कोन्‍छ्‍योक ति च्‍यिक राङ ज्‍यु वे। तमा कोन्‍छ्‍योक ताङ मीतिवी पर्ला डिक्‍नी तम्‍जी ल्‍यामु जोप मिरा च्‍यिक वे। ती मी ति ख्रीष्‍ट येशू यिन।

१ तिमोथी 5:21

कोन्‍छ्‍योक ताङ येशू ख्रीष्‍ट ताङ कोन्‍छ्‍योककी पेन नङ्‍गुप देवाच्‍येनकी मीतिवी थोङ्‍दाङला ङ ख्‍युरुङला क छ्‍येम्‍बु तेरिन। ख्‍ये मापेवा क्‍यानी ख्‍युरुङ ङे सिक्‍यावु ठिमला वोतुप दोके क्‍यानी किसा।

१ तिमोथी 6:12

तमा चिर्मु चेपला छ्‍योङ्‍बाल ग्‍यकुप मी दोके तेपा रम्‍बु क्‍यानी नाम्‍साङ मिशिवु मिजी ङ्‍ये थुपा की। तीकी थोक्‍ला राङ कोन्‍छ्‍योककी ख्‍युरुङला पेन नङ्‍गुप यिन। तीकी कोर्ला ख्‍योरो मी बङीकी मिङ्‍गाला पङ्‍बु साङ बिन्‍दुप यिन।

ज्‍यल्‍का 1:5

तमा पङ्‍बु टेङ्‍बु वोतुप ताङ तेरी सिनाङ थल्‍माला शेप ने ङोसु लङ्‍गुप जम्‍बुलिङकी ग्‍येल्‍वी खकी ग्‍येल्‍वु येशू ख्रीष्‍ट नेसुर कटिन ताङ लोदिमु वुङ्‍शिता। येशू ख्रीष्‍टकी दाक्‍पुला ङ्‍यिङ्‍ज्‍ये क्‍या नङ्‍गुप ताङ खो ग्‍यङ्‍शिङला टुङ्‍नी खोकी ठक नेसुर दाक्‍पी दिक्‍पा ता च्‍यिसुङ।

ज्‍यल्‍का 21:6

येलुङ खोकी ङला सुङ्‍सुङ, “त याङ तेरी छेसुङ। ङ अल्‍फा ताङ ओमेगा यिन। तीकी तेन्‍दोक ति थल्‍मा ताङ तिङ्‍मा ङ राङ यिन। सु कोम्‍बा लङ्‍गिवे, तिवाला मिजी तेरुप छ्‍यु दोलुप दासा नेसुर थेन्‍दुप छ्‍यु ति तुक राङ थुङ ज्‍यितिनो।

ज्‍यल्‍का 22:1

येलुङ देवाच्‍येनकी लेन क्‍योलुप थु तीकी ङला शेल दोके सल्‍वु वोतुप मिजीकी चङ्‍बु च्‍यिक छ्‍या तेन्‍सुङ। ती चङ्‍बु ति कोन्‍छ्‍योक ताङ लुक रुककी ग्‍येल्‍ठिक नेमा थेन्‍नी

ज्‍यल्‍का 3:14

“लाउडिकियाला वोतुप चर्चला ल्‍हटे कितुप देवाच्‍येनकी लेन क्‍योलुप थुला दी ताम्‍ङे ति टिसा। ‘दी ताम्‍ङे ति आमिन वोतुप तीकी सुङ्‍गुप यिन। खो ति कोन्‍छ्‍योककी कोर्ला खोङ्‍तेर्मु क्‍यानी पङ्‍बु टेङ्‍बु तेरुप यिन। तमा खो नेसुर राङ कोन्‍छ्‍योककी तेरी जम्‍बुलिङ ज्‍ये नङ्‍गुप यिन।