१ तिमोथी 6:12 - कोन्छ्‌योककी सुङ

¹² तमा चिर्मु चेपला छ्‍योङ्‍बाल ग्‍यकुप मी दोके तेपा रम्‍बु क्‍यानी नाम्‍साङ मिशिवु मिजी ङ्‍ये थुपा की। तीकी थोक्‍ला राङ कोन्‍छ्‍योककी ख्‍युरुङला पेन नङ्‍गुप यिन। तीकी कोर्ला ख्‍योरो मी बङीकी मिङ्‍गाला पङ्‍बु साङ बिन्‍दुप यिन।

१ तिमोथी 6:12 Iomraidhean Croise

२ कोरिन्थी 6:7

सुङ टेङ्‍बु तेरुप ताङ कोन्‍छ्‍योककी नङ्‍गुप ङारला ती लाका तेरी किवी। सु ताङ मुला थमु ग्‍यक गोसिनाङ ङ्‍यिरा टेङ्‍बु वोतुप लक्‍च्‍ये थ्‍वोनी

२ कोरिन्थी 9:13

ख्‍यिरा तिवी थोक्‍ला बुल्‍वा बिन्‍नी ख्रीष्‍टकी लेन ल्‍यामुला वोतुप सुङला युसुङ, तमा ख्‍यिरा सेम पेनी कोन्‍छ्‍योकला तेपा कितुप मीतिवा ताङ मी बङीकी थोक्‍ला दाल्‍जा किटे क्‍यानी पङ्‍बु छ्‍या तेन्‍दुप तप्‍की मीतिवी कोन्‍छ्‍योकला मोवा किवी।

फिलिप्पी 1:30

तमा ङे कशेन दुक्‍पा खुरुप ति ख्‍यिरा थोङ वे। तन्‍दा साङ ङ ती दुक्‍पा राङ खुरिन वोतुप ति ख्‍यिरा थोनी वे, ख्‍यिरा साङ ङे दोके राङ क्‍यानी ती दुक्‍पा ति खुरिन वे।

कलस्सी 3:15

ख्रीष्‍टकी ख्‍यिराङला लोदिमु नङ्‍गुप तप्‍की ख्‍यिराङ च्‍यिककी च्‍यिकला नरी ङ्‍यिङ्‍ज्‍ये की। च्‍यिलासिसिन ख्‍यिराङ च्‍यिककी च्‍यिकला लोदिमु क्‍यानी सेम थिन्‍नी देतुपला राङ कोन्‍छ्‍योककी ख्‍यिराङला कताङ नङ्‍गुप यिन। तीकी थोक्‍ला ख्‍यिरा खोला थुचिछे पुल।

२ थेसलोनिकी 2:14

तीकी थोक्‍ला राङ ङ्‍यिरा ख्‍यिराङला ख्‍याप्‍टाक क्‍यावु लेन ल्‍यामु नेसुर दाक्‍पी येशू ख्रीष्‍टकी मोवा थोपुपला खोकी ख्‍यिराङला कताङ नङ्‍गुप यिन।

१ तिमोथी 1:18

ङे ङ्‍यिङ्‍ज्‍येवु आङ तिमोथी, गोमाला के कोन्‍छ्‍योककी लुङ्‍तेम्‍बातिवी ख्‍योरो थोक्‍ला नम्‍दर शेतुप ताम्‍ङे दोके ङ येलुङ क तेरिन। मक्‍मीतिवी ङाडेङ क्‍यानी थमु ग्‍यकुप दोके क्‍यानी चोवो कोन्‍छ्‍योककी थोक्‍ला लाका ल्‍यामु की।

१ तिमोथी 1:19

तमा येशू ख्रीष्‍टला तेपा कितुप ताङ सेम टेङ्‍बु क्‍यानी दे। ललाइ ललाइकी सेम टेङ्‍बु माक्‍यानी खोरो क्‍यावु तेपा साङ ना गाल्‍सुङ।

१ तिमोथी 4:14

ख्‍युरुङला थोपुप कटिनकी ङ्‍येम्‍बाला खोङ्‍याम की। ती कटिनकी ङ्‍येम्‍बा ति चर्चकी गोमा कितुपतिवी ख्‍योरो गोला लाक्‍पा ज्‍याक्‍नी मोपोर कितुप पेला नम्‍दर शेनी ख्‍युरुङला थोपुप यिन।

१ तिमोथी 6:13

मी तेरीला मिजी नङ्‍गुप कोन्‍छ्‍योक ताङ पन्‍तियस पिलातसकी दोङ्‍ला पङ्‍बु टेङ्‍बु नङ्‍गुप येशू ख्रीष्‍टकी थोङ्‍दाङला

१ तिमोथी 6:19

तुक क्‍यानी तिवा डम्‍ज्‍यी रम्‍बु तिङ्‍गुप दोके खोप्‍रे थोक्‍ला ज्‍युक्‍थमी नासाम तङ्‍नी मिजी टेङ्‍बु क्‍योङ थुप्‍शी।

२ तिमोथी 1:9

खोकी दाक्‍पुला दिक्‍पा ने थर च्‍यिनी दाक्‍पु टेङ्‍बु च्‍युङ्‍गुपला कताङ नाङ्‍सुङ। ती ति दाक्‍पी लाका ल्‍यामु क्‍यावु तप्‍की मिन, यिने खोकी नोवा ताङ कटिनकी जोसालेन्‍सिन यिन। ती कटिन ति जम्‍बुलिङ ज्‍येङ्‍गुप पेला नेज्‍युनी येशू ख्रीष्‍ट नेसुर खोकी दाक्‍पुला नङ वे।

२ तिमोथी 2:2

मी मङ्‍मुकी मिङ्‍गाला ङे ख्‍युरुङला येन्‍देन बिन्‍दुप ताम्‍ङे ति खोङ्‍तेर्मु वोतुप मी यम्‍बाला साङ लोप। तमा तिवी येलुङ मी यम्‍बातिवाला लोप थुप्‍शी।

२ तिमोथी 4:7

ख्रीष्‍टकी थोक्‍ला ङे कि गोवु लाकातिवा तेरी क्‍यानी सिन वे। त याङ ङे छ्‍योङ्‍बाल ग्‍यक गोवु लाका ति तेरी छेसुङ। ङे क्‍यावु तेपा साङ ङे र्‍होक्‍नी ज्‍यकिन।

हिब्रू 13:23

ङ ख्‍यिराङला दी ताम्‍ङे ति हाक्‍को ज्‍यितिन, दाक्‍पी नुप तिमोथी साङ चोन्‍खाङ ने थेन वोतो। दोजो ती ङमु राङ वासिन ङ तीकी मुला ख्‍यिराङला ठेतुपला वुङ्‍गुप्‍नो।

हिब्रू 3:14

दाक्‍पी गोमाला तेपा कितुप पेला तेन्‍तेन क्‍यावु ताम्‍ङेला तिङ्‍ला सेक डेकला देसिन दाक्‍पु ख्रीष्‍टला वोतुप ति तेरी मुला राङ थोप्‍किवी।

हिब्रू 6:18

कोन्‍छ्‍योककी दाक्‍पुला थाक्‍छ्‍येन नङ्‍गुप ताङ न क्‍यल नाङ्‍सुङ। ती ताम्‍ङे ङ्‍यी ति नाम्‍साङ मोफोवी, च्‍यिलासिसिन कोन्‍छ्‍योककी जिनोक जो मुथुपी। तुक क्‍यानी दाक्‍पु र्‍होकुपकी थोक्‍ला टोनी वावुतिवाला दाक्‍पी दोङ्‍ला ज्‍यकुप रेवा ति थोपुपला छासे ङाडेङ ग्‍येर्पु ङ्‍येन वे।

१ पत्रुस 3:9

ख्‍यिराङला मेलोक्‍पा कितुपतिवाला मेलोक्‍पा माकी, याङ्‍ना मारे तोङ्‍गुपतिवाला ङ्‍येन मालाङ, यिने तिवाला मोलाम बिन। च्‍यिलासिसिन तीकी थोक्‍ला राङ कोन्‍छ्‍योककी ख्‍यिराङला पेन नङ्‍गुप यिन। तुक क्‍यासिन खोकी ख्‍यिराङला मोलाम नङ्‍गिवी।

१ पत्रुस 5:10

कोन्‍छ्‍योक ति ख्‍यिराङला तेरी कटिन नङ्‍गुप कोन्‍छ्‍योक यिन। खोकी येशू ख्रीष्‍ट ताङ मुला नाम्‍साङ ना मोडोवु मोवाला ख्‍यिराङला कताङ नङ वे। तमा चेयी पर सेक ति ख्‍यिरा छेटाङ खुर्सिनाङ खोकी ख्‍यिरा क्‍यावु दुक्‍पा नेसुर ख्‍यिराङला छ्‍ये जो नङ्‍गिवी। तमा ख्‍यिराङला फार छुर मोयोम्‍बुप ताङ ङार छ्‍येवु जोनी ख्‍यिरा तेपा ति डम्‍ज्‍यी रम्‍बु तिङ्‍गुप दोके जो नङ्‍गिवी।

१ यूहन्‍ना 2:25

खोकी ख्‍यिराङला थाक्‍छ्‍येन नङ्‍गुप ति ती नाम्‍साङ मिशिवु मिजी यिन।

यहूदा 1:3

ङे ङ्‍यिङ्‍ज्‍येवु अच्‍युनुपतिवा, दाक्‍पु तेरीला थोपुप थर्वाकी कोर्ला ङ ख्‍यिराङला टिकुपला छासे नो लासुङ। यिने त याङ कोन्‍छ्‍योककी खोरे मीतिवाला थेङ्‍मा च्‍यिक नङ्‍सिमा नरीकी नरी लुवु तेपा ति ख्‍यिरा छासे रम्‍बु क्‍यानी र्‍होक सिनी ङाडेङ तेरुपला ङे दी यिकी टिकुप ति ल्‍यामु यिन सिनी नोसुङ।

ज्‍यल्‍का 3:3

ती तप्‍की गोमाला ख्‍योरो लापुप ताङ थोवु ताम्‍ङे ति नासाम तोङ। तमा तीला ङ्‍येन्‍नी दिक्‍पा ने ग्‍युर। ख्‍युरुङ मालासिन ङ ख्‍यिरा हाक्‍माकोवा क्‍यानी शार्क्येक वुङ्‍यिनो। ङ चो पेला गिवी सिरुप तुजे ति ख्‍यिरा हाक्‍मोकोतो।