१ तिमोथी 6:10 - कोन्छ्‌योककी सुङ

¹⁰ च्‍यिलासिसिन टङ्‍गा डेवाला चा कितुप नासाम नेसुर राङ तेरी परकी दिक्‍पातिवा गिवी। टङ्‍गी देर्पाला ख्‍येल्‍नी ललाइ मीतिवा तेपा कितुप क्‍युर्नी ज्‍योकिवी, तमा तिवी सेमला छासे पप लङ्‍गिवी।

१ तिमोथी 6:10 Iomraidhean Croise

मत्ती 13:22

तमा छेर्माङ दोङ्‍बी पर्ला ख्‍येलुप सेन ति दी मी दोके यिन। तीकी सुङ ङ्‍येन्‍गिवी, यिने दी जम्‍बुलिङकी पप ताङ टोङ्‍बाकी नासामकी ती सुङला क्‍येक्‍नी डेलु मोगोर्वी।

मत्ती 23:13

“ख्‍यिराङ यहूदी छ्‍योकी गेकेनतिवा ताङ फरिसीतिवाला मोताप सुकुप यिनो, ख्‍यिराङ खोनक्‍पुतिवा! च्‍यिलासिसिन ख्‍यिराङ ति कोन्‍छ्‍योककी ग्‍येल्‍खापकी गोला गोल्‍ज्‍याक ग्‍यम वे। तमा खुरुङ साङ तीकी नाङ्‍ला मुशुकिवी, शुकुप छोलुप मीतिवाला साङ शुक मिज्‍यिवी।

मत्ती 6:19

“ख्‍यिरा थोक्‍ला जम्‍बुलिङला टोङ्‍बा माशोम। जम्‍बुलिङला याङ मुक्‍पा ग्‍यकिवी, च छ्‍यानी ना डिवी, कुर्मेनकी कुनी डिवी।

मर्कूस 4:19

यिने जम्‍बुलिङकी पप ताङ टोङ्‍बाकी नासाम ताङ यम्‍बा ताम्‍ङेकी देर्पाकी ती सुङला क्‍येक्‍नी डेलु मोगोर्वी।

कलस्सी 3:5

तुक क्‍यानी ख्‍यिरा जम्‍बुलिङकी मिजीला वोतुप नोवातिवा तेरी क्‍युर। ती नोवातिवा ति शम्‍डेन कितुप ताङ छ्‍येवु कितुप ताङ चोताम लपुप ताङ नासाम मेलोवा तोङ्‍गुप ताङ देर्पा कितुप यिन। देर्पा कितुप ति कुला छ्‍यो तङ्‍गुप दोके यिन।

१ तिमोथी 3:3

तमा छ्‍याङ्‍गेले मिकिवु ताङ टिम्‍बु ङ्‍यिर्मु मिकिवु, यिने कुसु ज्‍यम्‍बु वोतुप ताङ थमु मग्‍यकुप ताङ नोरला देर्पा मिकिवु ताङ

१ तिमोथी 6:21

ती रिक्‍पा मेतुप ताम्‍ङेकी जोसालेन्‍सिन ललाइ मीतिवा तेपा कितुप साङ क्‍युर्नी गल वे। कोन्‍छ्‍योककी कटिन ति नरी ख्‍योरो मुला लुशिता।

१ तिमोथी 6:9

यिने छ्‍युक्‍पु डोप नो कितुपतिवा शैतानकी जिनोकला ख्‍येल्‍नी तोर्वाला ख्‍येलुप दोके डिवी। तमा तिवा अम्‍बारङ्‍शिङ कितुप ताङ मीला ना तोङ्‍गुप नासाम तिराङ तङ्‍नी खोरो राङ खुरुङला मेताला जोनी ना डिवी।

२ तिमोथी 3:2

ती तुजेला मीतिवा खोरो थोक्‍ला तिराङ नासाम तोङ्‍गुप ताङ टङ्‍गा डेवाला तिराङ चा कितुप ताङ अम्‍बारङ्‍शिङ कितुप ताङ तेके कितुप ताङ मीला मारे तोङ्‍गुप ताङ पपाआमी खला मेङ्‍येन्‍दुप ताङ टेन मसम्‍बुप ताङ कोन्‍छ्‍योकला ताङ्‍देन मिकिवु ताङ

२ तिमोथी 4:10

च्‍यिलासिसिन डेमासकी दी जम्‍बुलिङकी ताम्‍ङेला नासाम तङ्‍नी ङला क्‍युर ज्‍याक्‍नी थेसलोनिकेला गाल्‍सुङ। क्रेसेन्‍स साङ गलातियाला गाल्‍सुङ। तमा तीतस ति दलमातियाला गाल्‍सुङ।

तीतस 1:11

तिवाला ख चुम्‍नी दे ज्‍यि गोकिवी, च्‍यिलासिसिन तिवा रङगी ख्‍येप्‍साङकी थोक्‍ला तेरुप मेङ्‍गुप येन्‍देन लाप्‍नी तेरी मिछाङतिवी पर्ला मेलोक्‍पा जेवी।

याकूब 5:19

अच्‍युनुपतिवा, ख्‍यिरा पर्ला ललाइकी कोन्‍छ्‍योककी सुङला युकुप क्‍युर्नी ज्‍याक्‍सिन तीला येलुङ लोक्‍नी टि शोक।

यहूदा 1:11

ती मीतिवा मोताप सुकुप यिनो! च्‍यिलासिसिन तिवा कयिनकी दला शुसुङ। टङ्‍गी देर्पाला ख्‍येल्‍नी बालामकी दोके मीतिवाला जिनोक जोसुङ। तमा कोरहकी दोके कोन्‍छ्‍योककी तेन्‍दोकला लानी तिवा कोरह दोके ना डिवी।

ज्‍यल्‍का 18:13

तमा दालचिनी ताङ मसला ताङ पोराङ ताङ टी जङ्‍बु खाप पो ताङ टेमा जङ्‍बु खाप मेन, रा गुन्‍डुम छ्‍याङ ताङ नुम ताङ फे ताङ ट, तमा छ्‍युङ्‍मातिवा ताङ लुकतिवा ताङ ततिवा ताङ तखुरतिवा, तमा योक्‍पुतिवा ताङ मक ग्‍यप्‍नी जिम टि वावु मीतिवा यिन।