१ तिमोथी 5:9 - कोन्छ्‌योककी सुङ

⁹ लो खल टुक सिनाङ ल्‍हक्‍पा लेपुप युक्‍सिमतिवाला तिराङ युक्‍सिम यिन सिनी युक्‍सिमतिवी मिङ ति थो ग्‍यप। ती ति ख्‍योवा च्‍यिककी मुला तिराङ जेन्‍दी क्‍यावु वुङ गोकिवी।

१ तिमोथी 5:9 Iomraidhean Croise

१ तिमोथी 3:12

चर्चला ल्हाटे कितुप मी ति पेर्मी च्‍यिक राङ वोतुप वुङ गोकिवी। खोरो पुज्‍युङपुमतिवा ताङ खाङ्‍बा शिङ ल्‍यामु क्‍यानी च्‍योम च्‍योम कि थुपुप वुङ गोकिवी।

१ तिमोथी 3:2

यिने तुका चर्चला गोमा कितुप मीतिवा ति क्‍येन मेतुप ताङ पेर्मी च्‍यिक राङ वोतुप ताङ काङ किसिनाङ छे क्‍यानी कितुप ताङ सेम थिला ज्‍योकुप ताङ मीतिवी ताङ्‍देन क्‍यावु ताङ डेन्‍बुला ताङ्‍देन कितुप ताङ येन्‍देन लोप थुपुप वुङ गोकिवी।

१ तिमोथी 5:11

यिने नाज्‍युङ वोतुप पेला राङ युक्‍सिम फोकुप पुम्‍पेजातिवाला ति युक्‍सिम यिन सिनी मिङ थो माग्‍यक। च्‍यिलासिसिन तिवा जेन्‍दी कितुप नासाम शर्नी ख्रीष्‍टकी थोक्‍ला शब्‍ज्‍यी कितुप क्‍युर ज्‍याक्‍नी जेन्‍दी कि थुप्‍किवी।

१ तिमोथी 5:14

ती तप्‍की नाज्‍युङ वोतुप पेला राङ युक्‍सिम फोकुप पुम्‍पेजातिवा जेन्‍दी क्‍यानी पेजातिवा क्‍येनी खाङ्‍बा शिङ क्‍यानी सशी। तमा दाक्‍पी डतिवी दाक्‍पुला ताम्‍ङे जोप लाम मेङ्‍येशी।

१ तिमोथी 5:16

यिने तेपा कितुप पुम्‍पेजातिवी ति ललाइ छेङ्‍गाछाली युक्‍सिम वोसिन तीला दाल्‍जा किटे किशी। तुक क्‍यासिन चर्चला काङ साङ कले मेख्‍येल्‍वी। तमा खोरो मी सु साङ मेतुप युक्‍सिमतिवाला तिराङ चर्चकी दाल्‍जा कि थुप्‍किवी।