१ तिमोथी 5:8 - कोन्छ्‌योककी सुङ

⁸ ललाइ ललाइकी याङ खोरो छेङ्‍गाछालीतिवा ताङ खक्‍छ्‍येवुला खोरो मिछाङला साङ ल्‍हाटे मिकिवी। तुकातिवी तेपा कितुप साङ क्‍युर्नी ज्‍यकुप गिवी, तमा तिवा तेपा मिकिवुतिवा सिनाङ मङ दुक्‍टा डिवी।

१ तिमोथी 5:8 Iomraidhean Croise

मत्ती 18:17

यिने तीकी तिवी ताम्‍ङे साङ माङ्‍येन्‍सिन ती ताम्‍ङे ति चर्चला सी। चर्चकी ताम्‍ङे साङ तीकी माङ्‍येन्‍सिन तीला कोन्‍छ्‍योकला ङा माशेवु मिरिक यम्‍बाकी मी याङ्‍ना से दुतुप मी दोके नासाम तोङ।

मत्ती 7:11

ख्‍यिराङ दुक्‍टा वोनी साङ रङगी पेजातिवाला च्‍यालक ल्‍यामु तेर शेकिवी सिसिन देवाच्‍येनला ज्‍यु वोतुप ख्‍यिरा पपा कोन्‍छ्‍योककी याङ खोला लोङ्‍गुपतिवाला मङ च्‍यालक ल्‍यामु मनङ्‍गिवी रो?

यूहन्‍ना 15:22

दोजो ङ जम्‍बुलिङला वानी तिवाला सिमाक्‍यावु यिन्‍सिन तिवाला दिक्‍पाकी क्‍येन मोफोकुप्‍जा, यिने त याङ तिवी खोप्‍रे दिक्‍पी थोक्‍ला काङ साङ खुङ कि मुथुपी।

१ कोरिन्‍थी 6:6

यिने ख्‍यिरा पर्ला मिरा च्‍यिक ति यम्‍बा नुप ताङ मुला थमु शोर्सिन ती डिकुपला ख्‍यिराङ कोन्‍छ्‍योकला तेपा मिकिवु मीतिवी ठिम्‍खाङला डिवी?

२ कोरिन्थी 12:14

त येलुङ ङ थेङ्‍मा सुमला ख्‍यिरा ते वुङ्‍गुप सिनी टडिक क्‍यान वे। ङ वासिनाङ ख्‍यिराङला ति कले ख्‍येल मिज्‍यी। च्‍यिलासिसिन ङ ख्‍यिरा ते वावु ति ख्‍यिरा टोङ्‍बा थोपुपला वावु मिन, ख्यिरा थोक्‍ला वावु यिन। पपाआमी थोक्‍ला पुज्‍युङपुमतिवी टोङ्‍बा मोशोम्‍बी, यिने पुज्‍युङपुमतिवी थोक्‍ला के पपाआमी टोङ्‍बा शोम गोकिवी।

२ कोरिन्थी 6:15

काङ ख्रीष्‍ट ताङ शैतान साङ थिन थुप्‍किवी रो? याङ्‍ना तेपा कितुपतिवा ताङ तेपा मिकिवुतिवा च्‍यिक्‍पा राङ यिन रो?

गलाती 6:10

तुक क्‍यानी च्‍यु वोतुप पेला राङ मी तेरीला लाका ल्‍यामु की। खक्‍छ्‍येवुला तेपा कितुपतिवी मिछाङतिवाला मङ ल्‍यामु कि गोकिवी।

२ तिमोथी 2:12

दाक्‍पु खोकी थोक्‍ला छेटाङ ख्‍येल्‍सिनाङ हम क्‍यानी दे थुप्‍सिन दाक्‍पु खोकी मुला राङ ग्‍येला कितुप ङ्‍येकिवी। यिने दाक्‍पी खोला सेमला मिलिङ्‍गिवी सिसिन खोकी साङ दाक्‍पुला ङो मेशेवी सिनी सुङ्‍गिवी।

२ तिमोथी 3:5

मी मिङ्‍गाला ति कोन्‍छ्‍योकला तेपा कितुप दोके जेवी, यिने कोन्‍छ्‍योकला तेपा क्‍यानी वुङ्‍गुप ओङला ति मेङ्‍येन्‍दुप गिवी। तुका मीतिवा नेसुर कुतुक देता।

तीतस 1:16

तिवा कोन्‍छ्‍योकला ङो शेकिवी सिनी सिरुप याङ सिवी, यिने रङगी किताङ नेसुर खोला मारे तोङ्‍गिवी। तिवा दुक्‍टा ताङ खोकी सुङला मेङ्‍येन्‍दुप गिवी। तमा काङ साङ लाका टेङ्‍बु कि छ्‍योवु मेङ्‍गिवी।

२ पत्रुस 2:1

गोमाला इस्राएलकी मीतिवी पर्ला लुङ्‍तेम्‍बा मेटेङ्‍बुतिवा वोतुप दोके ख्‍यिरा पर्ला साङ गेकेन मेटेङ्‍बुतिवा थेन्‍गितो। तिवी ख्‍यिराङला छ्‍याकला ना डोप येन्‍देन मेटेङ्‍बुतिवा लोप्‍किवी, तमा येशू ति दिक्‍पा ने थर्वा नङ्‍गुप चोवो मिन सिनी तिवा खोप्‍राङ ङमु राङ ना डोप लाका कितो।

यहूदा 1:4

च्‍यिलासिसिन ललाइ ललाइ मीतिवा ख्‍यिरा पर्ला खरक्‍पा सोक शुनी वे। तिवी कोन्‍छ्‍योकला मेतेन्‍वी। तमा खोकी दाक्‍पुला कटिन नङ्‍नी दाक्‍पु चाङ्‍मा जोवु तप्‍की दाक्‍पी लाका मेलोवा क्‍यासिनाङ गिवी सिनी मीतिवाला लोप्‍किवी। तोजो तिराङ मिन, येशू ख्रीष्‍टला च्‍यिक राङ वोतुप चोवो ताङ ज्‍यिन्‍दाक सिनी तेपा साङ मिकिवी। तुका मीतिवाला क्‍येन फोकुप कोर्ला गोमाला के कोन्‍छ्‍योककी सुङगी नाङ्‍ला टिनी नोक।

ज्‍यल्‍का 2:13

ख्‍यिराङ देतुप ग्‍येसा ति शैतानकी ग्‍येला कितुप दासा यिन सिरुप ति ङला छ्‍या वे। यिन्‍सिनाङ ख्‍यिराङ ङे थोक्‍ला तेपा रम्‍बु क्‍यानी डेकला देसुङ। तमा ख्‍यिराङ देतुप शैतानकी ग्‍येसाला ङे थोक्‍ला खोङ्‍तेर्मु क्‍यानी पङ्‍बु तेरुप एन्‍टिपासला सेसिनाङ ख्‍यिरा ङला तेपा कितुप क्‍युर्नी माज्‍याक।

ज्‍यल्‍का 3:8

ख्‍योरो लाकातिवा ङला छ्‍या वे। ल्‍होसा, ख्‍योरो चिप्‍ला ङे गो पेनी ज्‍याङ वे, ती गो ति सी साङ च्‍ये मुथुपी। ख्‍युरुङला ङार अला मेसिनाङ ङे सुङला सिक्‍यावु दोके मिजी क्‍याङ वे, तमा ङे मिङ हाक्‍माको सिनी सिमाक्‍या वे।