3 वुतुङ के युक्सिम फोकुपतिवाला ल्हाटे की।
ती मी तीकी खोरो पपाआमाला शब्ज्यी कि मोगोवी सिनी सिवी। तुक क्यानी ख्यिरा रङगी लुक्सु तेन्दुपकी थोक्ला कोन्छ्योककी सुङ ति मेतेन्वी।
“ख्यिराङ यहूदी छ्योकी गेकेनतिवा ताङ फरिसीतिवाला मोताप सुकुप यिनो, ख्यिराङ खोनक्पुतिवा! च्यिलासिसिन ख्यिराङ ति कोन्छ्योककी ग्येल्खापकी गोला गोल्ज्याक ग्यम वे। तमा खुरुङ साङ तीकी नाङ्ला मुशुकिवी, शुकुप छोलुप मीतिवाला साङ शुक मिज्यिवी।
तमा युक्सिम फोक्नी लो खाल गे ताङ ज्यी लेपुप पेला सेक ल्हङाङला क्युर्नी माज्याक्नी ङ्युङ्ने र्हुङ्यिन ताङ मोपोर कियी ङ्यी ताङ नुप्ज्या कोन्छ्योकला सोवा देकिनोक।
येशू ग्येसाकी गे चाला लेप्तुछ्येप पेला मीतिवी शेप मी यीला खुर्नी तेमा थेनिन नोक। ती शेप मी ति पेर्मी युक्सिम यीकी च्यिक राङ वोतुप पुज्युङ यिनोक। ती युलकी मीतिवा बङी ती युक्सिम ताङ मुला नोक।
तमा नाथनेल ति खोरो चाला वुङ्यिन कितुप थोङ्नी येशूकी तीला “ल्हो ताङ, ती ति वुतुङ के टेङ्बु वोतुप इस्राएलकी मी यिनोक। तीकी मुला काङ साङ जिनोक मे।” सिनी सुङ्सुङ।
ती पेला तेपा कितुपतिवा बङी गाल्सुङ। तमा हिब्रू ताम्ङे लपुप यहूदीतिवी तेन्दोकला ग्रीक ताम्ङे लपुप यहूदीतिवी ङ्योशोक ङ्योशोक सिक्यासुङ। च्यिलासिसिन लोमातिवी ङ्यिमी टेङ साप समा गोतुप पेला ग्रीक ताम्ङे लपुप पेर्मी युक्सिमतिवाला लङ्गुप समा मोथोप्नोक।
तमा पत्रुस तिवी मुला ते गाल। ते लेप्सिमा तिवी पत्रुसला येला तेला वोतुप कोठाला क्याल्सुङ। ते पेर्मी युक्सिमतिवा तेरी पत्रुसकी गारी गुरीला लानी ङुयी सिरा तबीता तिवी मुला वोतुप पेला तीकी चेम्बुप मज्यातिवा छ्या तेन्सुङ।
तमा पत्रुसकी तीकी लाक्पाला जिम्नी खोक लाङ्सुङ। ती ज्युक्ला तेकी युक्सिमतिवा ताङ तेपा कितुपतिवाला नाङ्ला कताङ्नी ती शेप ने सेन्बु लावु ति तेरीला छ्या तेन्सुङ।
ङ्यिराङ ख्रीष्टकी लोमा छ्ये यिन्दुप तप्की ङ्यिरा ख्यिरा खला ओङ्ज्येन साङ कि थुप्किवी, यिने ख्यिराङ ताङ मी यम्बा सु नेसुर साङ ङ्यिरा ताङ्देन माछल्नी आमी खोरो आङातिवाला ल्हावु दोके ङ्यिराङ ख्यिरा पर्ला सेम बोल्मु च्युङ्यिन।
मी गामातिवाला रङगी आमाला दोके ताङ पुम्पेजा नाज्युङतिवाला सेम टेङ्बु क्यानी रङगी नुम दोके नासाम तोङ।
पपा कोन्छ्योककी थोङ्दाङला टेङ्बु वोतुप ताङ क्येन मेतुप किताङ नालु ति तप्रुक ताङ युक्सिमतिवाला कतुकारला ख्येलुप पेला ल्हटे कितुप ताङ दी जम्बुलिङकी दुक्टा नेसुर खुरुङला राङ कुतुक ज्योकुप यिन।
मी तेरीला ताङ्देन की, तेपा कितुप अच्युनुपतिवाला ङ्यिङ्ज्ये की, कोन्छ्योककी थोक्ला ज्यिवा की, चोछ्येवु ग्येल्वुला ताङ्देन की।
तुक राङ क्यानी ख्योवातिवी साङ रङगी पेर्मी ति रम्बु मेतुप यिन सिमाक्यानी तिवाला ताङ्देन क्यानी मुला राङ मिजी क्योङ, च्यिलासिसिन ख्योवा ताङ पेर्मी ति कोन्छ्योककी कटिन नङ्गुप मिजी मुला राङ क्योङ्गुपला जो नङ्गुप यिन। तुक क्यासिन ख्यिराङ मोपोर कितुप पेला ख्यिराङला कले मेङ्शी।
