१ तिमोथी 5:20 - कोन्छ्‌योककी सुङ

²⁰ चर्चला तुका दिक्‍पा कितुप मीतिवा वोसिन तिवाला मी तेरीकी मिङ्‍गाला ज्‍याक्‍नी तुक कितुप मेवी सिनी लोप। तुक क्‍यासिन यम्‍बा तेपा कितुप मीतिवा साङ ज्‍यिवा किवी।

१ तिमोथी 5:20 Iomraidhean Croise

लोमा छ्‍येतिवी लाका 19:17

ती ताम्‍ङे ति एफिससला देतुप यहूदीतिवा ताङ ग्रीकतिवी हाक्‍कोसुङ। ती तप्‍की तिवा तेरी ज्‍यिवा लानी चोवो येशूकी मिङला सोवा तेक्‍सुङ।

लोमा छ्‍येतिवी लाका 5:11

तमा तेरी तेपा कितुप मीतिवा ताङ ती ताम्‍ङे थोवु तेरी मीतिवा छासे ज्‍यिवा क्‍यासुङ।

लोमा छ्‍येतिवी लाका 5:5

ती ताम्‍ङे थोलुङ्‍मे हननिया ति शार्क्येक सला तला ग्‍यप्‍नी शिसुङ। तमा ती थोनी मीतिवा तेरी ज्‍यिवा क्‍यासुङ।

२ कोरिन्थी 7:11

तुक क्‍यानी ल्हो ताङ, कोन्‍छ्‍योककी थोक्‍ला पप क्‍यासिमा ख्‍यिराङला काङ च्‍युङ्‍सुङ, ती ति नासाम तोङ। ख्‍यिराङ काङ लाका क्‍यासिनाङ छासे ङ्‍यम्‍ले क्‍यानी किवी, खुरुङ क्‍येन मेतुप च्‍युङ्‍गुपला ख्‍यिराङ टेमु किवी, तमा मेटेङ्‍बुकी थोक्‍ला चो ङ्‍यिर्मु किवी, काङ कितुप चुक कितुप सिनी ज्‍यिवा किवी, ङला ठेतुपला छासे नो किवी, चुका ङाडेङ नोक, तमा ख्‍यिरा पर्ला दिक्‍पा कितुप मीला पर्च्या फोक्‍शी सिनी चो नोकिवी। ती तेरी ताम्‍ङे नेसुर ख्‍यिराङ ति दिक्‍पा मेतुप यिन सिरुप छ्‍या तेन्‍सुङ।

एफिसी 5:11

नक्‍तोमी वुङगी तेर्मे वोतुप लाकातिवाला माशुक, बोरु तुका लाका ति मेलोक्‍पा यिन सिनी छ्‌या तेन।

१ तिमोथी 1:20

तिवी पर्ला हुमेनियस ताङ अलेक्‍जेन्‍डर साङ यिन। तिवी कोन्‍छ्‍योकला मारे तोङ्‍गुप मेङ्‍नोक सिरुप ति हाक्‍कोशी सिनी ङे तिवाला शैतानकी लकला ख्‍येल च्‍यितुप यिन।

२ तिमोथी 4:2

ख्‍युरुङ कोन्‍छ्‍योककी लेन ल्‍यामु ख्‍याप्‍टाक कितुप पेला मीतिवी ङ्‍येन्‍सिनाङ माङ्‍येन्‍सिनाङ चो पेला साङ टडिक क्‍यानी दे। ङ्‍येवु मीतिवाला ल्‍यामु जोप ताङ वोरु देन्‍दुप ताङ सेम सो। मीतिवाला येन्‍देन तेरुप पेला डेकला देनी ल्‍यामु क्‍यानी येन्‍देन बिन।

तीतस 1:13

दी ताम्‍ङे ति टेङ्‍बु यिन। तुक क्‍यानी तिवाला कशेन वोरु तेन! तमा तिवी तेपा ति रम्‍बु च्‍युङ्‍शी।

तीतस 2:15

तुक क्‍यानी ख्‍युरुङ दी तेरी ताम्‍ङेतिवा मीतिवाला येन्‍देन बिन, ओङ्‍ज्‍येन ताङ मुला टोङ्‍गु बिन्‍नी वोरु तेन। तमा सी साङ ख्‍युरुङला ङ्‍यिङ्‍मर मिकिशी।