१ तिमोथी 5:19 - कोन्छ्‌योककी सुङ

¹⁹ मिरा ङ्‍यी सुमकी पङ्‍बु मेसिन चर्चला गोमा कितुप मीतिवी तेन्‍दोकला क्‍येन तेरुप मीतिवी ताम्‍ङेला माङ्‍येना।

१ तिमोथी 5:19 Iomraidhean Croise

मत्ती 18:16

यिने तीकी ख्‍योरो ताम्‍ङे माङ्‍येन्‍सिन मी यम्‍बा मिरा च्‍यिक चो ङ्‍यी चो टिनी तीकी ते ग्‍युक। तुक क्‍यानी कोन्‍छ्‍योककी सुङला टिवु दोके तीकी सिक्‍यावु तेरी ताम्‍ङे ति मिरा ङ्‍यी सुमकी पङ्‍बु नेमा तेन्‍तेन च्‍युङ्‍गिवी।

यूहन्‍ना 18:29

तमा पिलातस ति पाङ्‍ला थेन्‍नी तिवी चाला वानी, “दी मीला कङगी कोर्ला ख्‍यिरा क्‍येन बिन्‍दुप यिन?” सिनी टिसुङ।

यूहन्‍ना 8:17

ख्‍यिरा ठिमला साङ ‘मिरा ङ्‍यीकी पङ्‍बु बिन्‍सिन ती पङ्‍बु ति टेङ्‍बु वे।’ सिनी टि वे।

लोमा छ्‍येतिवी लाका 11:30

तमा तिवी दुवु टङ्‍गा ति बारनाबास ताङ शाऊलकी लक नेवा क्‍यानी यरूशलेमला वोतुप चर्चकी गोमा कितुप मी छ्‍येतिवाला कल्‍नी ताङ्‍सुङ।

लोमा छ्‍येतिवी लाका 25:16

यिने क्‍येन फोकुप मी तीकी क्‍येन ग्‍यकुप मीतिवाला ठेनी खोरो तेन्‍दोकला ग्‍यपुप क्‍येनकी कोर्ला टिलेन तेरुप सिनाङ गोमाला चुका मीला साङ ठिम कितुप ति रोमी ठिमला मे सिनी तिवाला ङे सिक्‍यायिन।

२ कोरिन्थी 13:1

थेङ्‍मा सुमला ङ ख्‍यिरा ते वुङ्‍यिनो। नासाम तोङा, कोन्‍छ्‍योककी सुङला सुङ्‍गुप दोके “ख्‍यिरा पर्ला वोतुप चुका क्‍येन वोसिनाङ मिरा ङ्‍यी सुम पङ्‍बु ज्‍याक्‍नी तिराङ तेन्‍तेन कि गोकितो।”

१ तिमोथी 4:14

ख्‍युरुङला थोपुप कटिनकी ङ्‍येम्‍बाला खोङ्‍याम की। ती कटिनकी ङ्‍येम्‍बा ति चर्चकी गोमा कितुपतिवी ख्‍योरो गोला लाक्‍पा ज्‍याक्‍नी मोपोर कितुप पेला नम्‍दर शेनी ख्‍युरुङला थोपुप यिन।

१ तिमोथी 5:17

चर्चला ल्हाटे क्‍यानी गोमा कितुप मीतिवाला तेरीकी दोम्‍बा ङ्‍यी ताङ्‍देन कि गोकिवी। खक्‍छ्‍येवुला कोन्‍छ्‍योककी सुङ ख्‍याप्‍टाक कितुप ताङ लोपुप मीतिवाला मङ ताङ्‍देन की।

तीतस 1:6

गोमा कितुपला पेतुप मी छ्‍ये ति मीतिवी पर्ला लाका मेलोक्‍पा माक्‍यानी क्‍येन मेतुप वुङ गोकिवी। तीकी ति पेर्मी च्‍यिक राङ वोतुप ताङ तीकी पेजातिवा साङ तेपा कितुप ताङ च्‍योलाम ल्‍यामु वोतुप ताङ पपाआमी खला ङ्‍येन्‍दुप वुङ गोकिवी।

हिब्रू 10:28

कोन्‍छ्‍योककी मोशाला नङ्‍गुप ठिम मेङ्‍येन्‍दुप मी ललाइकी कोर्ला मिरा ङ्‍यी सुमकी पङ्‍बु बिन्‍सिन तीला च्‍यम्बा माक्‍यावा क्‍यानी से गोवु लुक्‍सु वे सिसिन,