१ तिमोथी 5:18 - कोन्छ्‌योककी सुङ

¹⁸ कोन्‍छ्‍योककी सुङला “स्‍वा ङ्‍यिलुप लाङगी खला खप्‍चिल माग्‍येक।” सिनी सुङ वे। तमा “लाका कितुप मीला तीकी लाका क्‍यावु ल थोप गोकिवी।” सिनी साङ सुङ वे।

१ तिमोथी 5:18 Iomraidhean Croise

मत्ती 10:10

ख्‍यिराङ डोप पेला झोला साङ पोयप कितुप मज्‍या साङ काचा साङ पेर्का साङ माखुर। च्‍यिलासिसिन लाका कितुपतिवाला गोवु च्‍यालकतिवा ङ्‍येकितो।

लूका 10:7

ख्‍यिराङ ती खाङ्‍बाला राङ देनी ते काङ बिन्‍दुप ति साप ताङ थुङ्‍गुप किसा। च्‍यिलासिसिन लाका कितुप मी तीला खोरो ल ङ्‍येतुप ति टेके यिन। तमा खाङ्‍बा खाङ्‍बाला पोतिन सिरा शासा मादे।

रोमी 10:11

तुक क्‍यानी कोन्‍छ्‍योककी सुङला साङ दुक सिनी टि वे, “खोला तेपा कितुप मीतिवा सु साङ ङोछाला मेख्‍येल्‍वी।”

रोमी 11:2

कोन्‍छ्‍योककी तोङ नेज्‍युनी खोकी पेतुप मीतिवाला नाम्‍साङ क्‍युर्नी माज्‍याक। खोकी सुङगी नाङ्‍ला खोकी लुङ्‍तेम्‍बा एलियाकी कोर्ला काङ सिक्‍या वे ख्‍यिराङला छ्‍या मे? खोकी इस्राएलकी मीतिवी तेन्‍दोकला लानी कोन्‍छ्‍योकला दुक सिनी रेन्‍सुङ,

रोमी 4:3

च्‍यिलासिसिन कोन्‍छ्‍योककी सुङगी नाङ्‍ला “अब्राहामकी कोन्‍छ्‍योकला तेपा क्‍यावु तप्‍की खोकी तीला टेङ्‍बु वे सिनी सेमला लासुङ।” सिनी टि वे।

रोमी 9:17

च्‍यिलासिसिन कोन्‍छ्‍योककी सुङला मिश्रकी ग्‍येल्‍वु फारोकी कोर्ला साङ दुक सिन टि वे, “ङे ङार ति ख्‍युरुङला छ्‍या देन्‍दुप ताङ जम्‍बुलिङकी मीतिवा तेरीला ङे मिङकी थोक्‍ला सुङ ख्‍याप्‍टाक कितुला ङे ख्‍युरुङला ग्‍येल्‍वु च्‍युङ च्‍यितुप यिन।”

१ कोरिन्‍थी 9:14

तुक राङ क्‍यानी लेन ल्‍यामु ख्‍याप्‍टाक कितुपतिवा लेन ल्‍यामु ख्‍याप्‍टाक कितुप नेसुर राङ मिजी क्‍योङ्‍शी सिनी कोन्‍छ्‍योककी क नङ वे।

गलाती 3:8

खोकी सुङला खोरे राङ यहूदी मिन्‍दुप मिरिक यम्‍बाकी मीतिवाला तिवी क्‍यावु तेपा नेसुर टेङ्‍बु च्‍युङ्‍गुप ति गोमाला के हाक्‍कोसिमा “ख्‍युरुङ नेसुर राङ तेरी गिपातिवाला मोलाम थोप्‍किवी।” सिनी अब्राहामला गोमाला के सुङ्‍नी वे।

याकूब 4:5

कोन्‍छ्‍योककी दाक्‍पुला नङ्‍गुप थु चाङ्‍माकी दाक्‍पुला छासे गा लानी ङ्‍यिङ्‍ज्‍ये किवी सिनी कोन्‍छ्‍योककी सुङला टिवु ति तेर्मे यिन सिनी ख्‍यिराङ नासाम तोङ्‍गिवी?