१ तिमोथी 5:15 - कोन्छ्‌योककी सुङ

¹⁵ च्‍यिलासिसिन ललाइ ललाइ युक्‍सिमातिवा याङ गोमाला के येशूला तेपा कितुप क्‍युर ज्‍याक्‍नी शैतानकी थाकाला गल वे।

१ तिमोथी 5:15 Iomraidhean Croise

मत्ती 4:10

तमा येशूकी तीला “शैतान, ख्‍युरुङ ग्‍युक! च्‍यिलासिसिन कोन्‍छ्‍योककी सुङला दुक सिनी टि वे, ‘ख्‍योरो चोवो कोन्‍छ्‍योकला तिराङ सोवा तेक, खोला तिराङ शब्‍ज्‍यी पुल।’” सिनी सुङ्‍सुङ।

१ तिमोथी 1:20

तिवी पर्ला हुमेनियस ताङ अलेक्‍जेन्‍डर साङ यिन। तिवी कोन्‍छ्‍योकला मारे तोङ्‍गुप मेङ्‍नोक सिरुप ति हाक्‍कोशी सिनी ङे तिवाला शैतानकी लकला ख्‍येल च्‍यितुप यिन।

२ तिमोथी 1:15

ख्‍युरुङला छ्‍या राङ वे, एशिया लुङ्‍बाला देतुपतिवा तेरीकी ङला क्‍युर ज्‍याक्‍नी गाल्‍सुङ। तिवी पर्ला फुगेलस ताङ हर्मोगेनस साङ यिन।

२ तिमोथी 2:18

तिवी ती ताम्‍ङे टेङ्‍बु क्‍युर ज्‍याक्‍नी शेप ने सेन्‍बु लङ्‍गुप ति तोङ्‍ला के च्‍युङ्‍गुप यिन सिनी मीतिवाला येन्‍देन मेटेङ्‍बु लोप्‍किनोक। तिवी तुका ताम्‍ङे मेटेङ्‍बु लाप्‍नी माङ्‍शोक मीतिवाला तेपा कितुप क्‍युर्नी ज्‍योक च्‍यिसुङ।

२ तिमोथी 4:10

च्‍यिलासिसिन डेमासकी दी जम्‍बुलिङकी ताम्‍ङेला नासाम तङ्‍नी ङला क्‍युर ज्‍याक्‍नी थेसलोनिकेला गाल्‍सुङ। क्रेसेन्‍स साङ गलातियाला गाल्‍सुङ। तमा तीतस ति दलमातियाला गाल्‍सुङ।

२ पत्रुस 2:2

तमा मी बङीकी तिवी लापुप येन्‍देन मेटेङ्‍बु ङ्‍येन्‍नी दुक्‍टा किवी। तीकी जोसालेन्‍सिन मी यम्‍बातिवी साङ कोन्‍छ्‍योककी सुङ टेङ्‍बुला मारे तोङ्‍गिवी।

२ पत्रुस 3:16

खोकी तङ्‍गुप यिकीतिवा तेरीकी नाङ्‍ला साङ दी ताम्‍ङेकी कोर्ला टिनी वोतो। ती नाङ्‍ला ललाइ ललाइ ताम्‍ङेतिवा हाक्‍कोवु कले वे, तुक क्‍यानी यिकी मेशेवुतिवा ताङ कोन्‍छ्‍योकला तेपा रम्‍बु मेतुप मीतिवी दी ताम्‍ङेतिवाला यम्‍बा छ्‍योकी थेपला वोतुप दोके फिलोक्‍पा नालोक्‍पा जोनी खुरुङला राङ खोरो ना तोङ्‍गिवी।

१ यूहन्‍ना 2:19

तोङ्‍ला तिवा दाक्‍पी मु नेवा थेन्‍नी गलुप यिन, च्‍यिलासिसिन वुतुङ के तिवा दाक्‍पी थाकाकी ति मिन। दोजो तिवा दाक्‍पी थाकाकी ति यिन्‍दुप यिन्‍सियाङ दाक्‍पी मुला राङ लुवु ति यिन्‍जा। तुक क्‍यानी वुतुङ के तिवा दाक्‍पी थाकाकी ति मिन सिरुप ति ठछ्‍येली हाक्‍कोकिवी।

ज्‍यल्‍का 12:9

तुक क्‍यानी ती डुक बोम्‍बु ति देवाच्‍येन नेमा जम्‍बुलिङला तेन क्‍युर्सुङ। ती ति थल्‍माकी रुल यिनोक। तीकी मिङ ति दुक्‍टा याङ्‍ना शैतान यिन। तीकी जम्‍बुलिङकी मीतिवाला जिनोक जोनी लाका मेलोवा कि ज्‍यिकिनोक। तीला जम्‍बुलिङला क्‍युरुप पेला तीकी मक्‍मीतिवाला साङ तीकी मुला राङ क्‍युर्सुङ।