१ तिमोथी 5:13 - कोन्छ्‌योककी सुङ

¹³ तोजो तिराङ मिन, तिवा खाङ्‍बा खाङ्‍बाला युकुप ताङ छेरा कितुप ताङ ताम्‍ङे क्‍योलुप ताङ मी लाकाला लाक्‍पा जिम्‍बुप ताङ लप मोगोवु ताम्‍ङेतिवा लपुप डिवी।

१ तिमोथी 5:13 Iomraidhean Croise

लूका 10:7

ख्‍यिराङ ती खाङ्‍बाला राङ देनी ते काङ बिन्‍दुप ति साप ताङ थुङ्‍गुप किसा। च्‍यिलासिसिन लाका कितुप मी तीला खोरो ल ङ्‍येतुप ति टेके यिन। तमा खाङ्‍बा खाङ्‍बाला पोतिन सिरा शासा मादे।

लोमा छ्‍येतिवी लाका 20:20

ख्‍यिराङला ल्‍यामु वुङ्‍गुप ताम्‍ङे वोसिन ङ मी तेरीकी दोङ्‍ला लानी येन्‍देन लोपुप ताङ खाङ्‍बा खाङ्‍बाला गल्‍नी लोपुपला ङे कि मुथुपी सिनी नाम्‍साङ सिमाक्‍या। ती ताम्‍ङे याङ ख्‍यिराङला साङ छ्‍या वे।

लोमा छ्‍येतिवी लाका 20:30

ख्‍यिरा पर नेमा राङ मी मेलोक्‍पातिवा थेन्‍नी लोमातिवाला खोप्‍रे तिङ्‍ला टि डोपला ताम्‍ङे जिनोक जो थुप्‍किवी।

१ तिमोथी 5:12

तमा तिवी गोमाला येशू ख्रीष्‍टला तिराङ शब्‍ज्‍यी कितुपला थाक्‍छ्‍येतुप ति क्‍युर ज्‍याक्‍नी क्‍येन फोकिवी।

तीतस 1:11

तिवाला ख चुम्‍नी दे ज्‍यि गोकिवी, च्‍यिलासिसिन तिवा रङगी ख्‍येप्‍साङकी थोक्‍ला तेरुप मेङ्‍गुप येन्‍देन लाप्‍नी तेरी मिछाङतिवी पर्ला मेलोक्‍पा जेवी।

याकूब 3:10

दाक्‍पी ख च्‍यिक नेमा राङ मीला मोलाम साङ थोप्‍किवी, मोताप साङ देप्‍किवी। ङे ङ्‍यिङ्‍ज्‍येवु अच्‍युनुपतिवा, ख्‍यिराङ ति तुक कितुप मेङ्‍गिवी।

१ पत्रुस 4:15

यिने ख्‍यिराङ सु साङ मी सेतुप ताङ कुन कितुप ताङ दुक्‍टा कितुप ताङ मी यम्‍बी लाकाला लाक्‍पा ग्‍यप्‍नी छेटाङ माखुर।

३ यूहन्‍ना 1:10

ती तप्‍की ङ वासिमा तीकी क्‍यावु लाकाकी कोर्ला ताम्‍ङे कितिनो। च्‍यिलासिसिन तीकी ङ्‍यिरा तेन्‍दोकला ताम्‍ङे मेलोवा क्‍यानी युकिनोक। तोजो तिराङ मिन, कोन्‍छ्‍योककी सुङ ख्‍याप्‍टाक कितुपतिवाला साङ गासो मुशुनोक, गासो शोप नो कितुपतिवाला साङ ग्‍येकिनोक। तमा तिवाला चर्च नेमा तेन्‍नी तोङ्‍गिनोक।