१ तिमोथी 5:11 - कोन्छ्‌योककी सुङ

¹¹ यिने नाज्‍युङ वोतुप पेला राङ युक्‍सिम फोकुप पुम्‍पेजातिवाला ति युक्‍सिम यिन सिनी मिङ थो माग्‍यक। च्‍यिलासिसिन तिवा जेन्‍दी कितुप नासाम शर्नी ख्रीष्‍टकी थोक्‍ला शब्‍ज्‍यी कितुप क्‍युर ज्‍याक्‍नी जेन्‍दी कि थुप्‍किवी।

१ तिमोथी 5:11 Iomraidhean Croise

१ तिमोथी 4:3

तिवी जेन्‍दी कितुप मेवी, ललाइ समा साङ साप मेवी सिनी ग्‍येकिवी। यिने ती समातिवा ति तेपा कितुपतिवा ताङ टेङ्‍बु काङ यिन सिनी ङो शेवुतिवी थुचिछे पुल्‍नी सापला कोन्‍छ्‍योककी ज्‍ये नङ्‍गुप यिन।

१ तिमोथी 5:12

तमा तिवी गोमाला येशू ख्रीष्‍टला तिराङ शब्‍ज्‍यी कितुपला थाक्‍छ्‍येतुप ति क्‍युर ज्‍याक्‍नी क्‍येन फोकिवी।

१ तिमोथी 5:14

ती तप्‍की नाज्‍युङ वोतुप पेला राङ युक्‍सिम फोकुप पुम्‍पेजातिवा जेन्‍दी क्‍यानी पेजातिवा क्‍येनी खाङ्‍बा शिङ क्‍यानी सशी। तमा दाक्‍पी डतिवी दाक्‍पुला ताम्‍ङे जोप लाम मेङ्‍येशी।

१ तिमोथी 5:9

लो खल टुक सिनाङ ल्‍हक्‍पा लेपुप युक्‍सिमतिवाला तिराङ युक्‍सिम यिन सिनी युक्‍सिमतिवी मिङ ति थो ग्‍यप। ती ति ख्‍योवा च्‍यिककी मुला तिराङ जेन्‍दी क्‍यावु वुङ गोकिवी।

याकूब 5:5

ख्‍यिराङ दी जम्‍बुलिङला गा ताङ किर्मु क्‍यानी किकी तोङ्‍यिन सिरा मिजी क्‍योङ्‍यिन वे। तुक क्‍यानी ख्‍यिराङ सेतुप पेला लेप्‍सिनाङ खोरो मिजी तिराङ नासाम तङ्‍नी ग्‍यामु जो ज्‍याक्‍नी वे।

२ पत्रुस 2:18

तिवा अम्‍बारङ्‍शिङ कितुप ताङ तेन्‍दोक मेतुप ताम्‍ङे तिराङ किवी, तमा मलोक लाका मेलोक्‍पा कितुप क्‍युर ज्‍यकुप मीतिवाला साङ सेम नेसुर वुङ्‍गुप नासाम मेलोक्‍पाला ख्‍येल ज्‍यितुपला लुकिवी।

ज्‍यल्‍का 18:3

च्‍यिलासिसिन ती बेबिलोन ग्‍येसाकी मीतिवी शम्‍डेन क्‍यावु तप्‍की कोन्‍छ्‍योक नेमा ख्‍येलुप ङ्‍यिर्मुकी गुन्‍डुम छ्‍याङ ति तेरी मिरिककी मीतिवी थुसुङ। जम्‍बुलिङकी ग्‍येल्‍वुतिवी साङ ती ग्‍येसाकी मीतिवी मुला शम्‍डेन कितुप लाका मेलोक्‍पा क्‍या वे। ती ग्‍येसाकी मीतिवाला गोवु च्‍यालक ख्‍येमुतिवा छोङ क्‍यानी जम्‍बुलिङकी छोङ्मेनतिवा साङ छ्‍युक्‍पु गल वे।”

ज्‍यल्‍का 18:7

तिवी चो खुरुङ ति ‘ङ तेरी सिनाङ छ्‍ये यिन, ङला चोयी टोङ्‍बा ति सुला साङ मे’ सिनी किर्मु क्‍यावे, तोजोयी राङ तिवाला छेटाङ ताङ ङुप्‍राङला ख्‍येल च्‍यी। च्‍यिलासिसिन बेबिलोनकी सेमला ‘ङ ग्‍येल्‍ठिकला देनी ग्‍येला कितुप ग्‍येल्‍मु यिन। ङ याङ युक्‍सिमा मिन। ङे नाम्‍साङ दुङल कि मोगोवी’ सिनी सिवी।

ज्‍यल्‍का 18:9

ती ग्‍येसा छिकुप तुता थोङ्‍नी तीकी मुला शम्‍डेन कितुप ताङ तिवी मुला गा ताङ किर्मु कितुप जम्‍बुलिङकी ग्‍येल्‍वुतिवा सेम्‍दुक लानी ङुप्‍राङ किवी।