१ तिमोथी 5:1 - कोन्छ्‌योककी सुङ

¹ ख्‍युरुङ सिनाङ मी गावाला वोरु मादेन, यिने पपाला दोके टोङ्‍गु बिन। ख्‍युरुङ सिनाङ छ्‍युङातिवाला ति रङगी नुपतिवाला दोके क्‍यानी खाखो की।

१ तिमोथी 5:1 Iomraidhean Croise

मत्ती 23:8

यिने ख्‍यिराङला सी साङ गेकेन सिनी सि माज्‍यी। च्‍यिलासिसिन ख्‍यिरा गेकेन ति च्‍यिक राङ वे, ख्‍यिराङ ति तेरी अच्‍युनुपतिवा यिन।

लोमा छ्‍येतिवी लाका 14:23

ती ज्‍युक्‍ला चर्च रे रेकी मीतिवी थोक्‍ला गोमा कितुप मी छ्‍येतिवा पेसुङ। तमा तिवी थोक्‍ला ङ्‍युङ्‍ने र्‍हुङ्‍नी मोपोर क्‍यानी ती लोमातिवाला रङगी तेपा क्‍यावु कोन्‍छ्‍योकला चेक तेसुङ।

लोमा छ्‍येतिवी लाका 15:4

तेसुर तिवा यरूशलेमला लेप्‍सिमा तेकी चर्चकी तेपा कितुपतिवा ताङ लोमा छ्‍येतिवा ताङ गोमा कितुप मी छ्‍येतिवी तिवाला गासो शुसुङ। तमा पावल ताङ बारनाबासकी कोन्‍छ्‍योककी तिवी मुला यहूदी मिन्‍दुप मिरिक यम्‍बातिवाला क्‍या नङ्‍गुप तेरी ताम्‍ङेकी शुवा ति तिवाला तेसुङ।

लोमा छ्‍येतिवी लाका 15:6

तमा ती ताम्‍ङेकी कोर्ला केवुल कितुपला लोमा छ्‍येतिवा ताङ यहूदीतिवी नाङ ने गोमा कितुप मी छ्‍येतिवा जोम्‍नी

लोमा छ्‍येतिवी लाका 20:17

तमा पावलकी मिलेटस नेमा मीतिवा तङ्‍नी एफिससला वोतुप चर्चला गोमा कितुप मी छ्‍येतिवाला कताङ्‍सुङ।

रोमी 13:7

ती तप्‍की ख्‍यिरा ते गोवु काङ रे च्‍यिक रे वोसिन ते। ते गोवु सेतिवा ते। ज्‍यिवा कि गोवुतिवाला ज्‍यिवा की। ताङ्‍देन कि गोवुतिवाला ताङ्‍देन की।

गलाती 6:1

अच्‍युनुपतिवा, मी ललाइ दिक्‍पाला ख्‍येल्‍सुङ सिसिन ख्‍यिराङ तेपा कितुपतिवी कुसु ज्‍यम्‍बु क्‍यानी तीला ल्‍यामु जोप लाका की। ती पेला ख्‍यिराङ ति च्‍याङ्‍से किसा, मिसियाङ ख्‍यिराङ साङ दिक्‍पाला ख्‍येल्‍गितो।

१ तिमोथी 5:17

चर्चला ल्हाटे क्‍यानी गोमा कितुप मीतिवाला तेरीकी दोम्‍बा ङ्‍यी ताङ्‍देन कि गोकिवी। खक्‍छ्‍येवुला कोन्‍छ्‍योककी सुङ ख्‍याप्‍टाक कितुप ताङ लोपुप मीतिवाला मङ ताङ्‍देन की।

१ तिमोथी 5:2

मी गामातिवाला रङगी आमाला दोके ताङ पुम्‍पेजा नाज्‍युङतिवाला सेम टेङ्‍बु क्‍यानी रङगी नुम दोके नासाम तोङ।

तीतस 2:2

मी गावातिवाला कुसुमी देतुप ताङ ताङ्‍देन कि छ्‍योवु ताङ खुरुङला डेकला ज्‍योक थुपुप जो। तमा तिवाला तेपा रम्‍बु ताङ ङ्‍यिङ्‍ज्‍ये कितुप ताङ हम क्‍यानी दे थुपुप वुङ गोकिवी सिनी लोप।

तीतस 2:6

तुक राङ क्‍यानी ख्‍योक्‍पेजा ज्‍येन्‍दातिवाला साङ डेकला दे सिनी टोङ्‍गु बिन।

याकूब 3:17

यिने देवाच्‍येन नेमा वावु रिक्‍पा ति गोमाला टेङ्‍बु वोतुप ताङ तिङ्‍ला लोदिमु वोतुप ताङ सेम बोल्‍मु ताङ मी यम्‍बी सिक्‍यावु ताम्‍ङेला ङ्‍येन्‍दुप ताङ च्‍यम्‍बा वोतुप ताङ डेलु ल्‍यामु गरुप दोङ्‍बु दोके मिजी ल्‍यामु क्‍योङ्‍गुप गिवी। यम्‍बा देवाच्‍येन नेमा वावु रिक्‍पा ति ललाइला ल्‍यामु ललाइला मेलोवा मिकिवु ताङ खोनक्‍पा मेतुप गिवी।

याकूब 5:14

ख्‍यिरा पर्ला ललाइ नेर्पु वोसिन तीकी चर्चला गोमा कितुप मी छ्‍येतिवाला कताङ्‍नी चोवो येशूकी मिङला नुम्‍शाल ग्‍यप्‍नी तीकी थोक्‍ला मोपोर किशी।

१ पत्रुस 5:1

तमा ख्‍यिराङ चर्चकी मीतिवी पर्ला गोमा कितुपतिवाला ङ गोङ्‍बा शोयी। ङ साङ चर्चकी गोमा कितुप मी यिन, तमा ख्रीष्‍टकी छेटाङ खुरुप थोक्‍ला साङ पङ्‍बु तेरुप मी यिन। ज्‍युक्‍ला ख्रीष्‍टकी मोवा छ्‍या देन्‍दुप पेला ख्‍यिरा मुला राङ ङला साङ ती मोवा ति थोप्‍किवी।

२ यूहन्‍ना 1:1

ङ चर्चला गोमा कितुप मी छ्‍येकी छ्‍योक नेसुर कोन्‍छ्‍योककी पेन नङ्‍गुप आम्‍पुम ताङ तीकी पुज्‍युङपुमतिवाला दी यिकी ति टिवु यिनो। वुतुङ के ङ ख्‍यिराङला ङ्‍यिङ्‍ज्‍ये कितिन। ङ तिराङ मिन, यिने कोन्‍छ्‍योककी सुङ टेङ्‍बु काङ यिन सिनी हाक्‍कोवु मीतिवा तेरीकी साङ ङ्‍यिङ्‍ज्‍ये कितो।

३ यूहन्‍ना 1:1

ङे ङ्‍यिङ्‍ज्‍येवु येशूला तेपा कितुप दाल्‍जा गायसला टसी देलेक! ङ चर्चकी गोमा कितुप मी छ्‍येकी छ्‍योक नेसुर ख्‍युरुङला वुतुङ के ङ्‍यिङ्‍ज्‍ये क्‍यानी दी यिकी टिवु यिनो।

ज्‍यल्‍का 4:4

तमा ती ग्‍येल्‍ठिककी गारी गुरीला यम्‍बा ग्‍येल्‍ठिक खल्‍ज्‍यिक ताङ ज्‍यी चोके नोक। ती ग्‍येल्‍ठिक रे रेकी खला गोला ग्‍येल्‍वी सेरकी उशाक ताङ जुला मज्‍या कर्मु कोन्‍दुप गोमा कितुप मी छ्‍येतिवा देनी नोक।