१ तिमोथी 4:7 - कोन्छ्‌योककी सुङ

⁷ कोन्‍छ्‍योकला मोवा मेतुप ताङ तेन्‍दोक मेतुप पेतिवा नेसुर ख्‍युरुङ कुतुक दे। तमा खोला मोवा कितुपला तालिम की।

१ तिमोथी 4:7 Iomraidhean Croise

लोमा छ्‍येतिवी लाका 24:16

ती तप्‍की कोन्‍छ्‍योककी थोङ्‍दाङला ताङ मीतिवी थोक्‍ला साङ ङ नरी टेङ्‍बु कितुप छोलिन।

१ तिमोथी 1:4

तमा तिवाला यहूदी गिपाकी पगावा हङ्‍गावाकी काङ काङ क्‍यासुङ, तिवा सु सु यिन सिरुप कोर्ला साङ ङ्‍याम अला माकी सिनी क तेरुपला यिन। च्‍यिलासिसिन तुक क्‍यावु ति कोन्‍छ्‍योककी खोरे नोवाला क्‍यावु लाकाकी थोक्‍ला ताम्‍ङे कितुप सिनाङ केवुल तिराङ क्‍यावु यिन।

१ तिमोथी 1:9

ती ठिम ति मी टेङ्‍बुकी थोक्‍ला मिन, यिने ठिमला मुयुकुपतिवा ताङ सिक्‍यावु ताम्‍ङेला मेङ्‍येन्‍दुपतिवा ताङ कोन्‍छ्‍योकला मेतेन्‍दुपतिवा ताङ दिक्‍छेनतिवा ताङ मेटेङ्‍बुतिवा ताङ कोन्‍छ्‍योकला मारे तोङ्‍गुपतिवा ताङ पपाआमा ताङ मी यम्‍बाला सेतुप मीतिवी थोक्‍ला ताङ

१ तिमोथी 2:10

यिने किताङ नालु ल्‍यामु वुङ गोकिवी। तुक कितुप ति कोन्‍छ्‍योकला मोवा कितुप पुम्‍पेजातिवाला पोमु गिवी।

१ तिमोथी 3:16

वुतुङ के छ्‍याकला वोतुप दाक्‍पी क्‍यावु तेपाकी तेन्‍दोक ति छासे छ्‍ये वे। “येशू ख्रीष्‍ट ति मी जुजमला दी जम्‍बुलिङला फेप्‍सुङ। तमा कोन्‍छ्‍योककी थु चाङ्‍माकी खोला टेङ्‍बु वोतुप सिनी चिसुङ। खो देवाच्‍येनकी लेन क्‍योलुप थुतिवी पर्ला थोङ्‍सुङ। तमा खोकी कोर्ला लुङ्‍बा लुङ्‍बाला ख्‍याप्‍टाक क्‍यासुङ। जम्‍बुलिङकी मीतिवी खोला तेपा क्‍यासुङ। येलुङ कोन्‍छ्‍योककी खोला ताङ्‍देन ताङ क्‍यानी देवाच्‍येन ने तेक्‍नी फेप्‍सुङ।”

१ तिमोथी 4:8

च्‍यिलासिसिन जुकी थोक्‍ला तालिम क्‍यावु ति चेयी तिराङ फेन थोकिवी। यिने कोन्‍छ्‍योककी थोक्‍ला तालिम क्‍यावु ति तेरी ताम्‍ङेला फेन थोकिवी, तमा ज्‍युक्‍थमाला कोन्‍छ्‍योककी थाक्‍छ्‍येन नङ्‍गुप नाम्‍साङ मिशिवु मिजी थोप्‍किवी।

१ तिमोथी 6:11

यिने ख्‍युरुङ ति कोन्‍छ्‍योककी गिपा यिन्‍दुप तप्‍की तुका ताम्‍ङे मेलोवातिवा नासाम माताङ्‍नी टेङ्‍बु ताङ मोवा ताङ तेपा ताङ ङ्‍यिङ्‍ज्‍ये ताङ हम क्‍यानी देतुप ताङ कुसु ज्‍यम्‍बु कितुप छोल।

१ तिमोथी 6:20

आङ तिमोथी, कोन्‍छ्‍योककी ख्‍युरुङला काङ लाका चेक तेन नङ वे, ती ति ल्‍यामो क्‍यानी र्‍होक्‍नी ज्‍योक। तेन्‍दोक मेतुप ताम्‍ङेतिवा क्‍युर्नी ज्‍योक। तिवी रिक्‍पा वोतुप यिन सिवी, यिने ती वुतुङ्‍की रिक्‍पा मेतुप मीतिवी ताम्‍ङे नेसुर कुतुक दे।

१ तिमोथी 6:3

दोजो मी ललाइकी येन्‍देन मेटेङ्‍बुतिवा लोप्‍किवी, यिने दाक्‍पी चोवो येशू ख्रीष्‍टकी खक्‍छ्‍येवु सुङ ताङ दाक्‍पी मोवा कि गोवु येन्‍देनकी मुला मिडिकिवी सिसिन,

१ तिमोथी 6:5

तमा तुका मी तीकी सेम ना गलुप ताङ टेङ्‍बुला क्‍युर्नी ज्‍यकुप मीतिवी मुला खाँदा क्‍या क्‍यावा किवी। तमा तिवी कोन्‍छ्‍योकला मोवा कितुप ति ख्‍येप्‍साङ वुङ्‍गुप यिन सिनी नोकिवी।

२ तिमोथी 2:16

कोन्‍छ्‍योकला मोवा मेतुप जम्‍बुलिङकी गो ताङ चा मेतुप ताम्‍ङेतिवा माङ्‍येना। च्‍यिलासिसिन तुका ताम्‍ङेतिवी कोन्‍छ्‍योकला मङ मङ मोवा मेतुप जेवी।

२ तिमोथी 2:23

यिने काङ साङ हाक्‍मोकोवु तेन्‍दोक मेतुप ताम्‍ङेला माङ्‍येन। च्‍यिलासिसिन तुका ताम्‍ङेकी थमु तिराङ लोङ्‍गिवी सिरुप ति ख्‍युरुङला साङ छ्‍या वे।

२ तिमोथी 3:12

वुतुङ के येशू ख्रीष्‍टला तेपा क्‍यानी मिजी टेङ्‍बु क्‍योङ्‍गुप मीतिवा तेरी छेटाङला राङ ख्‍येल्‍गिवी।

२ तिमोथी 3:5

मी मिङ्‍गाला ति कोन्‍छ्‍योकला तेपा कितुप दोके जेवी, यिने कोन्‍छ्‍योकला तेपा क्‍यानी वुङ्‍गुप ओङला ति मेङ्‍येन्‍दुप गिवी। तुका मीतिवा नेसुर कुतुक देता।

२ तिमोथी 4:4

तिवा येन्‍देन टेङ्‍बुला ति ङ्‍येन्‍दुप नो मिकिवी, यिने मीतिवी शेतुप तेन्‍दोक मेतुप पेतिवा तिराङ ङ्‍येन्‍दुप गा किवी।

तीतस 1:14

तमा यहूदीतिवी जोवु फेन मोथोवु पे ताङ ताम्‍ङे मेटेङ्‍बु कितुप मीतिवी योक कुतुप ताम्‍ङेला तिवा ङ्‍याम मिकिशी।

तीतस 2:12

ती कटिनकी राङ दाक्‍पु ति कोन्‍छ्‍योकला गा मलङ्‍गुप लाका ताङ तेपा मिकिवु मीतिवी दोके जम्‍बुलिङकी च्‍यालकतिवाला ङ्‍यिङ्‍ज्‍ये कितुप क्‍युर्नी दी जम्‍बुलिङला देतुप पेला खुरुङला डेकला ज्‍योकुप ताङ टेङ्‍बु वोतुप कोन्‍छ्‍योकला गा लङ्‍गुप मिजी क्‍योङ्‍गुपला येन्‍देन नङ्‍गिवी।

तीतस 3:9

यिने ताम्‍ङे अम्‍बारङ्‍शिङ कितुप ताङ गिपाकी कोर्ला फेन मोथोवु ताम्‍ङे कितुप ताङ खाँदा कितुप ताङ ठिमकी कोर्ला थमु ग्‍यकुपतिवी नेसुर क्‍योक्‍से की, च्‍यिलासिसिन दी ताम्‍ङेतिवा ति ख्‍येप्‍साङ मेतुप ताङ तेर्मे यिन।

हिब्रू 5:14

यिने समा क्‍योङ्‍बु याङ मी ज्‍येन्‍दातिवी थोक्‍ला तिराङ यिन। तुका मीतिवी नरी तालिम क्‍यावु तप्‍की ल्‍यामु ताङ मेलोवा काङ यिन सिनी बे थुपुप गिवी।