१ तिमोथी 4:16 - कोन्छ्‌योककी सुङ

¹⁶ ख्‍योरो थोक्‍ला ताङ ख्‍योरो लोपुप येन्‍देनकी थोक्‍ला च्‍याङ्‍से क्‍यानी देता। ख्‍योरो नरी तुक क्‍यासिन ख्‍युरुङ ताङ ख्‍योरो ख्‍याप्‍टाक क्‍यावु सुङ ङ्‍येन्‍दुप मीतिवा साङ र्‍होकितो।

१ तिमोथी 4:16 Iomraidhean Croise

मर्कूस 13:9

तुक क्‍यानी ख्‍यिराङ त वुङ्‍गुप दुक्‍पी थोक्‍ला च्‍याङ्‍से क्‍यानी दे। मीतिवी ख्‍यिराङला ठिम्‍खाङला चेक तेकितो, तमा यहूदी छ्‍योखाङला ख्‍यिराङला दुङ्‍गितो। ख्‍यिरा ङला तेपा क्‍यावु तप्‍की ठिम कितुप मी छ्‍येतिवा ताङ ग्‍येल्‍वुतिवी दोङ्‍ला लानी ङे थोक्‍ला पङ्‍बु तेर्कितो।

लूका 21:34

“तुक क्‍यानी ख्‍यिराङ दाक दाक्‍पी थोक्‍ला च्‍याङ्‍से देता, सेम नोजु कितुप ताङ छ्‍याङ थुनी जेप ताङ मिजीकी थोक्‍ला पप कितुपला ख्‍यिरा सेम ख्‍येल माज्‍यी। मिसियाङ ती तुजे ति तर्वा दोके ख्‍यिरा हाक्‍माकोवा क्‍यानी ख्‍यिरा खला ख्‍येल्‍गिवी।

लोमा छ्‍येतिवी लाका 26:22

यिन्‍सिनाङ हारिङ सेक कोन्‍छ्‍योककी ङला दाल्‍जा किटे क्‍यान वे। ती तप्‍की ङ दे लानी छ्‍ये छ्‍युङा ङ्‍यिकरला पङ्‍बु तेरिन। कोन्‍छ्‍योककी लुङ्‍तेम्‍बातिवा ताङ मोशाकी सिक्‍यावु सुङतिवा वुतुङ के छेकिवी सिरुप ताम्‍ङे ति मिसिन यम्‍बा ताम्‍ङे काङ साङ सिमाक्‍या वे।

लोमा छ्‍येतिवी लाका 6:4

यिने ङ्‍यिराङ ति नरी मोपोर कितुप ताङ सुङ ख्‍याप्‍टाक कितुप लाका कितिन।”

रोमी 11:14

मिरिक यम्‍बाकी मीतिवी थोक्‍ला यहूदीतिवी पर्ने मी ललाइ ठतोक लानी कोन्‍छ्‍योककी थाकाला लोक्‍नी थर्वा ङ्‍येशी सिरुप ति ङे रेवा यिन।

रोमी 16:17

अच्‍युनुपतिवा, ङ ख्‍यिराङला ठाकुरे सिनी गोङ्‍बा शोयी। ख्‍यिराङला लापुप कोन्‍छ्‍योककी सुङगी तेन्‍दोकला लानी ख्‍यिरा पर्ला क्‍येन तेरुप ताङ क्‍येङ्‍सु जोप मीतिवाला ल्हो। तमा तिवा नेसुर क्‍येङ्‍सु दे।

रोमी 2:7

छेटाङ ख्‍येल्‍सिनाङ हम क्‍यानी लाका ल्‍यामु कितुप ताङ कोन्‍छ्‍योककी थोक्‍ला मोवा ताङ ताङ्‍देन क्‍यानी खोकी मिङला नाम्‍साङ मिशिवु मिजी छोलुपतिवाला खोकी नाम्‍साङ मिशिवु मिजी नङ्‍गिवी।

१ कोरिन्‍थी 1:21

जम्‍बुलिङकी मीतिवी खोरो रिक्‍पाकी कोन्‍छ्‍योकला ङो माशेवु तप्‍की दाक्‍पुला खोकी रिक्‍पा नाङ्‍सुङ। खोकी रिक्‍पा नेसुर दाक्‍पी ख्‍याप्‍टाक क्‍यावु सुङ ति तेर्मे यिन सिरुपतिवी पर्ला सी ती सुङला तेपा किवे, तिवाला कोन्‍छ्‍योककी र्‍होकुप नो क्‍यासुङ।

१ कोरिन्‍थी 9:22

तमा तेपा रम्‍बु मेतुपतिवाला ख्रीष्‍टला तेपा कि ज्‍यितुपला ङ साङ तेपा मेतुपतिवा दोके राङ च्‍युङ्‍यिन। मी ललाइ ललाइला ख्रीष्‍टला तेपा कि ज्‍यितुपला ङ ति नम्‍बा तेरीकी मीतिवा दोके राङ च्‍युङ्‍यिन।

१ कोरिन्‍थी 9:27

ङ ङे जुला छासे दुक्‍पा वोसिनाङ चिर्मु चेपला तालिम कितुप मी दोके क्‍यानी डेकला देतिन। मिसियाङ मी यम्‍बाला लेन ल्‍यामु ख्‍याप्‍टाक क्‍यासिमा ङ ति छ्‍यक्‍तक थोपुपला फम्‍बुप मी दोके च्‍युङ्‍गिवी।

एफिसी 4:14

तुक क्‍यानी दाक्‍पु मीतिवी जिनोक ताङ दुक्‍टा ताङ नम्‍बा कुतुककी येन्‍देन मेटेङ्‍बुला फार छुर युकुप आङातिवा दोके मोडोशी।

कलस्सी 4:17

तमा “चोवोकी नङ्‍गुप लाका ति तेरी डुप राङ गोकिवी।” सिनी अर्खिप्‍पसला सिसा।

१ थेसलोनिकी 2:16

तमा यहूदी मिन्‍दुप मिरिक यम्‍बाकी मीतिवा थर्शी सिनी ङ्‍यिरा तिवाला सुङ ख्‍याप्‍टाक कितुप पेला साङ तिवी ङ्‍यिराङला क्‍येक्‍सुङ। तुक क्‍यानी तिवा ङ्‍यिमी टेङ दिक्‍पी क्‍येङ्‍गुप तप्‍की कोन्‍छ्‍योककी पर्च्या ति तिवी खला ख्‍येल्‍नी वे।

१ तिमोथी 1:3

ङ माकेडोनिया डोप पेला ख्‍युरुङला ङे एफिससला राङ दे सिक्‍यावु तेन्‍दोक ति तेकी येन्‍देन मेटेङ्‍बु लोपुप मीतिवाला तुक माकी सिनी क तेरुपला यिन।

१ तिमोथी 4:15

ख्‍योरो कि गोवु लाकातिवा तेरी किसा, तमा ती लाकाला राङ नरी ज्‍युनी देता। तुक क्‍यासिन ख्‍योरो मिजी ताङ ख्‍युरुङ मङ ल्‍यामु गलुप ति तेरी मीतिवी थोङ्‍गिवी।

१ तिमोथी 4:6

ती येन्‍देन ति ख्‍योरो अच्‍युनुपतिवाला साङ लाप्‍सुङ सिसिन ख्‍योरो तेपा क्‍यावु सुङ ताङ येन्‍देन टेङ्‍बुला सिक्‍यावु दोके मङ रम्‍बु च्‍युङ्‍नी ख्‍युरुङ येशू ख्रीष्‍टकी थोक्‍ला लाका ल्‍यामु कितुप डिवी।

२ तिमोथी 2:10

तुक क्‍यानी कोन्‍छ्‍योककी पेतुपतिवी थोक्‍ला ङ हम क्‍यानी देतिन। ती ति तिवाला साङ येशू ख्रीष्‍टकी नङ्‍गुप थर्वा ताङ नाम्‍साङ मिशिवु मोवा ङ्‍ये थुप्‍शी सिनी यिन।

२ तिमोथी 3:14

यिने ख्‍युरुङ ति ख्‍योरो लापुप येन्‍देन ताङ तेपा रम्‍बु क्‍यावु ताम्‍ङेतिवाला ज्‍युनी दे। ती येन्‍देन ति सु नेमा लापुप यिन ख्‍युरुङला छ्‍या राङ वे।

२ तिमोथी 4:2

ख्‍युरुङ कोन्‍छ्‍योककी लेन ल्‍यामु ख्‍याप्‍टाक कितुप पेला मीतिवी ङ्‍येन्‍सिनाङ माङ्‍येन्‍सिनाङ चो पेला साङ टडिक क्‍यानी दे। ङ्‍येवु मीतिवाला ल्‍यामु जोप ताङ वोरु देन्‍दुप ताङ सेम सो। मीतिवाला येन्‍देन तेरुप पेला डेकला देनी ल्‍यामु क्‍यानी येन्‍देन बिन।

तीतस 1:9

खोरो लापुप सुङ टेङ्‍बुला रम्‍बु क्‍यानी युक गोकिवी। तुक क्‍यासिन तीकी सुङ टेङ्‍बुला लापुप दोके येन्‍देन तेर थुप्‍किवी। तमा सुङ टेङ्‍बुकी तेन्‍दोकला लङ्‍गुपतिवाला टेङ्‍बु काङ यिन सिरुप ति लोप साङ थुप्‍किवी।

तीतस 2:15

तुक क्‍यानी ख्‍युरुङ दी तेरी ताम्‍ङेतिवा मीतिवाला येन्‍देन बिन, ओङ्‍ज्‍येन ताङ मुला टोङ्‍गु बिन्‍नी वोरु तेन। तमा सी साङ ख्‍युरुङला ङ्‍यिङ्‍मर मिकिशी।

तीतस 2:7

तमा ख्‍युरुङ लाका तेरीला टेङ्‍बु क्‍यानी ख्‍योरो मिजी ति यम्‍बाला छ्‍या तेन। ख्‍योरो लोपुप येन्‍देन ति टेङ्‍बु ताङ ताङ्‍देन वोतुप ताङ

फिलेमोन 1:19

दी यिकी ति ङ पावलकी लाक्‍पी राङ टिवु यिनो। ती छ्‍यावा ति ङे राङ तेतुप्‍नो। ख्‍योरो साङ ङ नेसुर राङ मिजी थोप्‍नी ङे थोक्‍ला ठिलेन च्‍योल गोवु वे। दी ताम्‍ङे ति ङे ख्‍युरुङला सि मोगोवी।

हिब्रू 12:15

नासाम तोङा, ख्‍यिराङ सु साङ कोन्‍छ्‍योक नेमा थोपुप कटिनला क्‍युर्नी मोज्‍योक्‍शिता, तमा सेमला लाका मेलोवा कितुप नासाम माज्‍योक। नासाम मेलोवा ज्‍याक्‍सिन तीकी मङ मङ फेल्‍नी मी बङीला मेटेङ्‍बु जेवी।

हिब्रू 13:9

ख्‍यिराङ नम्‍बा कुतुककी येन्‍देन मेटेङ्‍बुला मेख्‍येल्‍शी। साप थुङ्‍गुप लुक्‍सुतिवा तेन्‍नी मिन, यिने कोन्‍छ्‍योककी कटिन नेमा ख्‍यिरा सेम रम्‍बु च्‍युङ्‍गुप ति ल्‍यामु यिन। तुका लुक्‍सुतिवा तेन्‍नी ख्‍यिराङला काङ साङ ख्‍येप्‍साङ मेवी।

याकूब 5:20

दी ताम्‍ङे ति हाक्‍कोवा की, दोजो ललाइकी दिक्‍छेन मिरा च्‍यिकला लाम मेटेङ्‍बुला युकुप नेसुर लोक्‍नी टि वासुङ सिसिन, ती दिक्‍छेन तीला शेप ने र्‍होकिवी, तमा तीकी क्‍यावु दिक्‍पातिवा साङ माफ ङ्‍येकिवी।