१ तिमोथी 4:15 - कोन्छ्‌योककी सुङ

¹⁵ ख्‍योरो कि गोवु लाकातिवा तेरी किसा, तमा ती लाकाला राङ नरी ज्‍युनी देता। तुक क्‍यासिन ख्‍योरो मिजी ताङ ख्‍युरुङ मङ ल्‍यामु गलुप ति तेरी मीतिवी थोङ्‍गिवी।

१ तिमोथी 4:15 Iomraidhean Croise

मत्ती 5:16

ती दोके ख्‍यिरा वोसिर ति मीतिवी चिप्‍ला ग्‍यक च्‍यिनी तिवी ख्‍यिरा क्‍यावु लाका ल्‍यामु थोङ्‍नी देवाच्‍येनला ज्‍यु वोतुप ख्‍यिरा पपा कोन्‍छ्‍योकला सोवा देक च्‍यी।”

लोमा छ्‍येतिवी लाका 6:4

यिने ङ्‍यिराङ ति नरी मोपोर कितुप ताङ सुङ ख्‍याप्‍टाक कितुप लाका कितिन।”

१ कोरिन्‍थी 16:15

अच्‍युनुपतिवा, अखैयाला तेरी सिनाङ गोमाला कोन्‍छ्‍योकला तेपा क्‍यावु स्‍तिफनासकी खाङ्‍बी मीतिवा तेरीला याङ ख्‍यिरा ङो शेकिवी। तिवी कोन्‍छ्‍योकला तेपा कितुप मीतिवाला छासे क्‍यानी दाल्‍जा किटे क्‍यासुङ।

२ कोरिन्थी 4:14

ङ्‍यिराङला छ्‍या वे, चोवो येशूला शेप ने ङोसु लोङ्‍गुप कोन्‍छ्‍योककी ङ्‍यिराङला साङ खो ताङ मुला सेन्‍बु लोङ्‍गिवी। तमा ख्‍यिराङ ताङ ङ्‍यिराङ तेरी मुला राङ खोकी चाला टिनी फेप्‍किवी।

२ कोरिन्थी 8:5

तमा तिवी ङ्‍यिरा नासाम तङ्‍गुप सिनाङ मङ ल्‍हक्‍पा लाका क्‍यासुङ। तिवी गोमाला खोप्‍रे मिजी ति कोन्‍छ्‍योककी थोक्‍ला पुल्‍सुङ, तमा ती ज्‍युक्‍ला कोन्‍छ्‍योककी नोवाला वोतुप दोके क्‍यानी ङ्‍यिरा थोक्‍ला साङ खोप्‍रे मिजी ति चेक तेसुङ।

१ तिमोथी 4:14

ख्‍युरुङला थोपुप कटिनकी ङ्‍येम्‍बाला खोङ्‍याम की। ती कटिनकी ङ्‍येम्‍बा ति चर्चकी गोमा कितुपतिवी ख्‍योरो गोला लाक्‍पा ज्‍याक्‍नी मोपोर कितुप पेला नम्‍दर शेनी ख्‍युरुङला थोपुप यिन।

१ तिमोथी 4:16

ख्‍योरो थोक्‍ला ताङ ख्‍योरो लोपुप येन्‍देनकी थोक्‍ला च्‍याङ्‍से क्‍यानी देता। ख्‍योरो नरी तुक क्‍यासिन ख्‍युरुङ ताङ ख्‍योरो ख्‍याप्‍टाक क्‍यावु सुङ ङ्‍येन्‍दुप मीतिवा साङ र्‍होकितो।

१ तिमोथी 4:6

ती येन्‍देन ति ख्‍योरो अच्‍युनुपतिवाला साङ लाप्‍सुङ सिसिन ख्‍योरो तेपा क्‍यावु सुङ ताङ येन्‍देन टेङ्‍बुला सिक्‍यावु दोके मङ रम्‍बु च्‍युङ्‍नी ख्‍युरुङ येशू ख्रीष्‍टकी थोक्‍ला लाका ल्‍यामु कितुप डिवी।

तीतस 2:14

ती ख्रीष्‍टकी राङ दाक्‍पुला रङगी तेरी दुक्‍टातिवा नेसुर थर ज्‍यितुपला खोरे मिजी साङ दाक्‍पी थोक्‍ला नाङ्‍सुङ। तमा लाका ल्‍यामु कितुप खक्‍छ्‍येवु मिरिक जोपला सेम टेङ्‍बु जो नाङ्‍सुङ।