१ तिमोथी 4:13 - कोन्छ्‌योककी सुङ

¹³ तमा ङ वुङ्‍दा सेक ख्‍योरो मीतिवाला कोन्‍छ्‍योककी सुङ रानी तेरुप ताङ ख्‍याप्‍टाक कितुप ताङ येन्‍देन तेरुपला ङ्‍याम की।

१ तिमोथी 4:13 Iomraidhean Croise

यूहन्‍ना 5:39

ख्‍यिरा कोन्‍छ्‍योककी सुङ लोपुप ति ती सुङ नेमा नाम्‍साङ मिशिवु मिजी ङ्‍येकिवी सिनी नासाम ताङ्‍नी यिन। तमा ती सुङगी ङे कोर्ला पङ्‍बु तेर्किवी।

लोमा छ्‍येतिवी लाका 17:11

तेकी यहूदीतिवा ति थेसलोनिके यहूदीतिवा सिनाङ हाक्‍कोमु नोक। तुक क्‍यानी तिवा पावलकी ख्‍याप्‍टाक कितुप पेला सेम गा क्‍यानी ङ्‍येन्‍गिनोक। तमा येशूकी कोर्ला तिवी बिन्‍दुप येन्‍देन ति टेङ्‍बु यिन्‍ताङ मिन्‍ताङ सिनी ङ्‍यिमी टेङ कोन्‍छ्‍योककी सुङ लोप्‍किनोक।

लोमा छ्‍येतिवी लाका 6:4

यिने ङ्‍यिराङ ति नरी मोपोर कितुप ताङ सुङ ख्‍याप्‍टाक कितुप लाका कितिन।”

रोमी 12:8

मीला टोङ्‍गु तेरुप यिन्‍सिन ल्‍यामु क्‍यानी टोङ्‍गु तेरुप लाका कि गोकिवी। बुल्‍दिर ग्‍यकुप यिन्‍सिन सेमगी दिङ नेज्‍युनी बुल्‍दिर ग्‍यक गोकिवी। ग्‍येला कितुप यिन्‍सिन टेमु क्‍यानी ग्‍येला कि गोकिवी। च्‍यम्‍बा कितुप यिन्‍सिन गा ताङ क्‍यानी च्‍यम्‍बा कितुप छ्‍या देन गोकिवी।

१ कोरिन्‍थी 14:26

अच्‍युनुपतिवा, त ङ्‍यिराङ काङ सिरुप्‍जा? ख्‍यिराङ तेरी मुला जोम्‍बुप पेला ख्‍यिरा मुला कोन्‍छ्‍योकला सोवा देकुप लु लङ्‍गुप ताङ येन्‍देन तेरुप ताङ कोन्‍छ्‍योककी छ्‍या तेन नङ्‍गुप ताम्‍ङे लपुप ताङ ग्‍येताम कुतुक कुतुक लपुप ताङ तीकी तेन्‍दोक छिक ग्‍युरुप मीतिवा वे। तिवा तेरी चर्चकी मीतिवाला तेपा रम्‍बु जोपकी थोक्‍ला किशी।

१ कोरिन्‍थी 14:3

यिने नम्‍दर शेतुप तीकी मी ताङ मुला राङ ताम्‍ङे किवी। तमा तीकी मीतिवाला मङ तेपा रम्‍बु जोपला दाल्‍जा कितुप ताङ टोङ्‍गु तेरुप ताङ लोदिमु तेर्किवी।

१ कोरिन्‍थी 14:6

अच्‍युनुपतिवा, दोजो ङ ख्‍यिरा ते वानी ग्‍येताम कुतुक कुतुकला ताम्‍ङे क्‍यायी, यिने ङे ख्‍यिरा पर्ला कोन्छ्‍योककी छ्‍या तेन नङ्‍गुप ताम्‍ङे लपुप ताङ रिक्‍पा तेरुप ताङ नम्‍दर शेतुप येन्‍देनतिवा ख्‍यिरा हाक्‍कोवु ताम्‍ङेला सि माक्‍यासिन ख्‍यिराङला काङ साङ ख्‍येप्‍साङ मेवी।

१ तिमोथी 4:16

ख्‍योरो थोक्‍ला ताङ ख्‍योरो लोपुप येन्‍देनकी थोक्‍ला च्‍याङ्‍से क्‍यानी देता। ख्‍योरो नरी तुक क्‍यासिन ख्‍युरुङ ताङ ख्‍योरो ख्‍याप्‍टाक क्‍यावु सुङ ङ्‍येन्‍दुप मीतिवा साङ र्‍होकितो।

१ तिमोथी 4:6

ती येन्‍देन ति ख्‍योरो अच्‍युनुपतिवाला साङ लाप्‍सुङ सिसिन ख्‍योरो तेपा क्‍यावु सुङ ताङ येन्‍देन टेङ्‍बुला सिक्‍यावु दोके मङ रम्‍बु च्‍युङ्‍नी ख्‍युरुङ येशू ख्रीष्‍टकी थोक्‍ला लाका ल्‍यामु कितुप डिवी।

२ तिमोथी 3:15

ख्‍युरुङ टिक्‍पे वोतुप पेला नेज्‍युनी चाङ्‍मा वोतुप कोन्‍छ्‍योककी सुङगी कोर्ला छ्‍या वे। ती सुङगी ख्रीष्‍ट येशूला तेपा क्‍यासिमा दिक्‍पा ने थरुप कोर्ला ख्‍युरुङला रिक्‍पा तेर्किवी।

२ तिमोथी 4:2

ख्‍युरुङ कोन्‍छ्‍योककी लेन ल्‍यामु ख्‍याप्‍टाक कितुप पेला मीतिवी ङ्‍येन्‍सिनाङ माङ्‍येन्‍सिनाङ चो पेला साङ टडिक क्‍यानी दे। ङ्‍येवु मीतिवाला ल्‍यामु जोप ताङ वोरु देन्‍दुप ताङ सेम सो। मीतिवाला येन्‍देन तेरुप पेला डेकला देनी ल्‍यामु क्‍यानी येन्‍देन बिन।

तीतस 2:15

तुक क्‍यानी ख्‍युरुङ दी तेरी ताम्‍ङेतिवा मीतिवाला येन्‍देन बिन, ओङ्‍ज्‍येन ताङ मुला टोङ्‍गु बिन्‍नी वोरु तेन। तमा सी साङ ख्‍युरुङला ङ्‍यिङ्‍मर मिकिशी।