१ तिमोथी 4:12 - कोन्छ्‌योककी सुङ

¹² ख्‍युरुङ नाज्‍युङ वे सिनी सी साङ ख्‍युरुङला मो मेबेप्‍शी, यिने मीतिवी थोङ्‍दाङला ताम्‍ङे लप्‍ताङ ताङ किताङ नालु ताङ ङ्‍यिङ्‍ज्‍ये ताङ तेपा ताङ टेङ्‍बु वोतुप पङ्‍बु छ्‍या तेन।

१ तिमोथी 4:12 Iomraidhean Croise

मत्ती 18:10

“ख्‍यिरा दी छ्‍युङातिवी पर्ला च्‍यिकला साङ ङ्‍यप्‍च्‍ये माकिता। ङ ख्‍यिराङला सिरिन, तिवाला ल्‍हाटे कितुप देवाच्‍येनकी लेन क्‍योलुप थुतिवा देवाच्‍येनला ज्‍युनी वोतुप ङे पपी चिप्‍ला देनी खोकी शालला नरी ल्‍हेवी।

१ कोरिन्‍थी 11:1

ङे ख्रीष्‍टकी लुमु सेतुप दोके ख्‍यिराङ साङ ङे लुमु से।

फिलिप्पी 4:8

तेरी सिनाङ तिङ्‍ला अच्‍युनुपतिवा, चुका ताम्‍ङे ति टेङ्‍बु नोके, चुका ताम्‍ङेला ताङ्‍देन कि गोवु नोके, चुका ताम्‍ङे टेके नोके, चुका ताम्‍ङे ति क्‍येन मेतुप नोके, चुका ताम्‍ङे ति ङ्‍यिङ्‍ज्‍येवु नोके, चुका ताम्‍ङे ति चिताङ कि गोवु नोके, तीला राङ नासाम तोङ। दोजो ललाइ छ्‍ये ताङ टेन छ्‍योवु वोसिन ती ताम्‍ङे ति ल्‍यामु नासाम तोङा।

१ थेसलोनिकी 1:6

ख्‍यिराङला छेटाङ ताङ दुक्‍पा बङी च्‍युङ्‍सिनाङ कोन्‍छ्‍योककी थु चाङ्‍माकी लोदिमु नङ्‍गुप तप्‍की ख्‍यिरा कोन्‍छ्‍योककी सुङ ल्‍यामु क्‍यानी ङ्‍येन्‍सुङ। तुक क्‍यानी ख्‍यिरा ङ्‍यिराङ ताङ चोवो येशूकी दोके लुमु सेतुप च्‍युङ्‍सुङ।

१ थेसलोनिकी 2:10

तमा ख्‍यिराङ तेपा कितुपतिवी पर्ला ङ्‍यिरा किताङ नालु ति चाङ्‍मा ताङ टेङ्‍बु वोतुप ताङ काङ साङ क्‍येन मेतुप ति ख्‍यिराङ राङ पङ्‍बु वे, तमा कोन्‍छ्‍योक साङ पङ्‍बु वे।

१ तिमोथी 1:14

चोवोकी ङला नङ्‍गुप कटिन ति छासेकी ग्‍येर्पु वे। तोजो तिराङ मिन, खोकी ङला ख्रीष्‍ट येशूला वोतुप तेपा ताङ ङ्‍यिङ्‍ज्‍ये बङी क्‍या नाङ्‍सुङ।

२ तिमोथी 2:15

ख्‍युरुङ अछ्‍योता सेक कोन्‍छ्‍योककी सुङ टेङ्‍बु ति ल्‍यामु क्‍यानी ख्‍याप्‍टाक की, तुक क्‍यासिन खोकी ख्‍युरुङला गा किवी, तमा ख्‍युरुङ ङोछाला साङ मेख्‍येल्‍वी।

२ तिमोथी 2:22

ख्‍युरुङ नाज्‍युङ वोतुप पेला नासाम शरुप ताम्‍ङे मेलोवातिवा क्‍युर, तमा सेम टेङ्‍बु क्‍यानी कोन्‍छ्‍योकला तेपा कितुपतिवी मुला राङ टेङ्‍बु कितुप ताङ तेपा रम्‍बु कितुप ताङ मी यम्‍बाला ङ्‍यिङ्‍ज्‍ये कितुप ताङ लोदिमु कितुप छोल।

२ तिमोथी 2:7

दी ङे सिक्‍यावु ताम्‍ङे ति ल्‍यामो नासाम तोङ। च्‍यिलासिसिन चोवोकी ख्‍युरुङला तेरी ताम्‍ङे हाक्‍कोवु ओङ नङ्‍गिवी।

तीतस 2:15

तुक क्‍यानी ख्‍युरुङ दी तेरी ताम्‍ङेतिवा मीतिवाला येन्‍देन बिन, ओङ्‍ज्‍येन ताङ मुला टोङ्‍गु बिन्‍नी वोरु तेन। तमा सी साङ ख्‍युरुङला ङ्‍यिङ्‍मर मिकिशी।

तीतस 2:7

तमा ख्‍युरुङ लाका तेरीला टेङ्‍बु क्‍यानी ख्‍योरो मिजी ति यम्‍बाला छ्‍या तेन। ख्‍योरो लोपुप येन्‍देन ति टेङ्‍बु ताङ ताङ्‍देन वोतुप ताङ

याकूब 3:13

ख्‍यिरा पर्ला रिक्‍पा ताङ येन्‍देन वोतुप मी सु वे? तीकी खोरो किताङ नालु ल्‍यामु नेसुर खुरुङला वोतुप रिक्‍पा ताङ येन्‍देन छ्‍या तेन। ती किताङ नालु ति कुसु ज्‍यम्‍बु ताङ रिक्‍पा नेसुर वुङ गोकिवी।

याकूब 3:17

यिने देवाच्‍येन नेमा वावु रिक्‍पा ति गोमाला टेङ्‍बु वोतुप ताङ तिङ्‍ला लोदिमु वोतुप ताङ सेम बोल्‍मु ताङ मी यम्‍बी सिक्‍यावु ताम्‍ङेला ङ्‍येन्‍दुप ताङ च्‍यम्‍बा वोतुप ताङ डेलु ल्‍यामु गरुप दोङ्‍बु दोके मिजी ल्‍यामु क्‍योङ्‍गुप गिवी। यम्‍बा देवाच्‍येन नेमा वावु रिक्‍पा ति ललाइला ल्‍यामु ललाइला मेलोवा मिकिवु ताङ खोनक्‍पा मेतुप गिवी।

१ पत्रुस 5:3

ख्‍यिराङला चेक तेन ज्‍यकुप मीतिवाला ओङ्‍ज्‍येन क्‍यानी मिन, यिने ख्‍यिरा मिजी ति तिवी थोक्‍ला पङ्‍बु च्‍युङ गोकितो।