१ तिमोथी 4:1 - कोन्छ्योककी सुङ1 कोन्छ्योककी थु चाङ्माकी टेङ्बु सुङ्गिवी। तिङ्मी तुजेला जिनोक जोप र्हेन्डी ताङ डेकी ताम्ङेला ङ्येन्नी मी ललाइकी तेपा कितुप क्युर्नी ज्योकिवी। Faic an caibideil |
१ तिमोथी 4:1
64 Iomraidhean Croise
यिने टेङ्बु वोतुप थु चाङ्मा फेप्सिमा खोकी ख्यिराङला कोन्छ्योककी टेङ्बुकी कोर्ला हाक्को ज्यिकितो, तमा ख्यिराङला ती टेङ्बुकी लाम नेवा टिकितो। खोकी खोरो ताम्ङे मुसुङ्गिवी, यिने कोन्छ्योक नेमा काङ थोवे, ती ताम्ङे तिराङ सुङ्गितो, तमा ज्युक्थमाला वुङ्गुप ताम्ङेतिवा साङ ख्यिराङला सुङ्गितो।
ती पेला इपिक्युरी ताङ स्तोइ सिरुप शेवा खावा वोतुप मीतिवी पर्ला ललाइकी पावल ताङ मुला केवुल क्यासुङ। तिवी पर्ला ललाइकी “दी पेतेक पेतेक सिरुप मी तीकी काङ सिक्यावु यिनाङ?” सिनी सिक्यासुङ। तमा यम्बातिवी “दी याङ छ्यिग्यपकी ल्हलुतिवी कोर्ला ख्याप्टाक कितुप मी दोके थोङ्गिनोक।” सिनी सिक्यासुङ। च्यिलासिसिन पावलकी येशू ताङ खो ङोसु लावु कोर्ला ख्याप्टाक क्यानोक।
च्यिलासिसिन ललाइ ललाइ मीतिवा ख्यिरा पर्ला खरक्पा सोक शुनी वे। तिवी कोन्छ्योकला मेतेन्वी। तमा खोकी दाक्पुला कटिन नङ्नी दाक्पु चाङ्मा जोवु तप्की दाक्पी लाका मेलोवा क्यासिनाङ गिवी सिनी मीतिवाला लोप्किवी। तोजो तिराङ मिन, येशू ख्रीष्टला च्यिक राङ वोतुप चोवो ताङ ज्यिन्दाक सिनी तेपा साङ मिकिवी। तुका मीतिवाला क्येन फोकुप कोर्ला गोमाला के कोन्छ्योककी सुङगी नाङ्ला टिनी नोक।
ते ती सेम्ज्येन ताङ तीकी दोङ्ला हलेवु ततिवा छ्या देन्दुप लुङ्तेम्बा मेटेङ्बु ङ्यिकरला जिम्सुङ। ती लुङ्तेम्बा तीकी हलेवु ततिवा छ्या तेन्नी मीतिवाला ती सेम्ज्येनकी लज्युर ग्यक ज्यितुप ताङ कुला तेन ज्यितुपला लुनोक। तुक क्यानी तिवा ङ्यिकरला सेन्बु राङ मे कशेन बरुप तुसोककी चो दोके वोतुप ते क्युर्सुङ।
कोन्छ्योककी थु चाङ्माकी चर्चतिवाला दुक सुङ्नी वे। सी ल्यामो क्यानी हाक्कोवु नोकिवे, तीकी ल्यामो क्यानी ङ्येन्शी। सी शैतानकी ओङ्ज्येनला ग्येल्गिवे, तीला छ्याकला वोतुप कोन्छ्योककी मन्न तेरिनो। तमा तीला ङ मिङ सम्बा टिवु दो कर्मु यी साङ तेरिनो। सुला ती दो ति थोप्किवे, तीकी तिराङ ती दोला टिवु मिङ ति हाक्कोकिवी।’”
कोन्छ्योककी थु चाङ्माकी चर्चतिवाला दुक सुङ्नी वे, सी ल्यामो क्यानी हाक्कोवु नोकिवे, तीकी ल्यामो क्यानी ङ्येन्शी। सी शैतानकी ओङ्ज्येनला ग्येल्गिवे, तीला कोन्छ्योककी ग्येल्खापकी दुम्डोकला वोतुप मिजीकी दोङ्बी डेलु स ज्यितिन। ती दोङ्बी डेलु साप तीला नाम्साङ मिशिवु मिजी थोप्किवी।’”
Sanasan