१ तिमोथी 3:6 - कोन्छ्‌योककी सुङ

⁶ तमा चर्चला गोमा कितुप मी ति मलोक तेपा क्‍यावु मी साङ वुङ्‍गुप मेवी। मिसियाङ तीकी खुरुङला ङ राङ यिन सिवी, तमा कोन्‍छ्‍योककी शैतानला ना तङ्‍गुप दोके क्‍यानी तीला पर्च्याला ख्‍येल्‍गिवी।

१ तिमोथी 3:6 Iomraidhean Croise

लूका 10:18

तमा खोकी तिवाला सुङ्‍सुङ, “शैतानला देवाच्‍येन नेमा चिलाम दोके क्‍यानी लुम्‍बुप ति ङे थोङ्‍सुङ।

१ कोरिन्‍थी 3:1

अच्‍युनुपतिवा, ङ ख्‍यिरा मुला ताम्‍ङे कितुप पेला कोन्‍छ्‍योककी थु चाङ्‍मा वोपुप मीतिवी मुला ताम्‍ङे क्‍यावु दोके माक्‍या, यिने जम्‍बुलिङकी ओङला वोतुप मीतिवाला दोके ताङ ख्रीष्‍टला मलोक तेपा क्‍यावु तप्‍की आङा टिक्‍पेतिवाला क्‍यावु दोके ताम्‍ङे क्‍यायिन।

१ कोरिन्‍थी 8:1

त कुला पुलुप साप समी कोर्ला ङ ख्‍यिराङला सिरिन। दाक्‍पु तेरीला रिक्‍पा वे सिरुप ति छ्‍या वे। यिन्‍सिनाङ ती रिक्‍पाकी दाक्‍पुला ङ राङ यिन सिरुप जेवी। यिने ङ्‍यिङ्‍ज्‍येकी मी यम्‍बाला दाल्‍जा कितुप जेवी।

२ कोरिन्थी 12:7

यिने ङे छासे हलेवु ताम्‍ङे थोङ्‍सुङ सिनी ङराङ यिन सिरुप नेसुर ग्‍येकुपला कोन्‍छ्‍योककी ङे जुला छेर्माङ सुकुप दोके छेटाङला ख्‍येल च्‍यिसुङ। ती छेटाङ ति शैतानकी लेन क्‍योलुप तीकी ख्‍येल च्‍यितुप यिन। तीकी ङला छासे सुक कि च्‍यिनी ङराङ यिन सिरुप नेसुर क्‍येक्‍सुङ।

१ तिमोथी 3:7

तुका मी ति येशूला तेपा माक्‍यावु मीतिवी थोङ्‍दाङला साङ ल्‍यामु वुङ गोकिवी। तुक क्‍यासिन मीतिवा तीकी तेन्‍दोकला मलाङ्‍गिवी, तमा शैतानकी ओङला साङ मेख्‍येल्‍वी।

१ तिमोथी 6:4

तुका मी ति ङ राङ यिन सिनी सिवी, तीकी काङ साङ येन्‍देन शेवु मेवी। तमा तीकी तेन्‍दोक मेतुप ताम्‍ङेला केवुल कितुप तिराङ क्‍यानी ताम्‍ङे छिक रे रेला थमु ग्‍यकुप छोल्‍गिवी। तीकी जोसालेन्‍सिन ठतोक कितुप ताङ खाँदा शोरुप ताङ मारे तोङ्‍गुप ताङ नाम्‍दोक मेलोवातिवा वुङ्‍गिवी।

२ तिमोथी 3:4

मीला जिनोक जोनी क्‍येन तेरुप ताङ ङ्‍यिर्मु कोक्‍पु वोतुप ताङ ङ राङ यिन सिरुप ताङ कोन्‍छ्‍योकला सिनाङ गा ताङ किर्मुला तिराङ नासाम तोङ्‍गुप ताङ

१ पत्रुस 2:2

ख्‍यिरा कोन्‍छ्‍योक च्‍यङ्‍च्‍यु सेम्‍बा वे सिरुप ति हाक्‍कोसुङ सिसिन मलोक क्‍येवु आङातिवा वोमा छलुप दोके ख्‍यिराङ टेङ्‍बु ताङ चाङ्‍मा वोतुप कोन्‍छ्‍योककी सुङला युकुप छासे नो की। तुक क्‍यासिन ख्‍यिराङला मङ मङ दिक्‍पा ने थर्वा ङ्‍येकिवी।

१ पत्रुस 5:5

तमा नाज्‍युङतिवा, गावागुवातिवी ओङला देता। च्‍यिक ताङ च्‍यिककी ओङला देनी छ्‍येजु मिकिवु वुङ गोकितो। च्‍यिलासिसिन “छ्‍येजु कितुप मीतिवाला कोन्‍छ्‍योककी गा मलाङ्‍गिवी, यिने छ्‍येजु मिकिवु मीतिवाला खोकी कटिन नङ्‍गिवी।” सिनी कोन्‍छ्‍योककी सुङला साङ टि वे।

२ पत्रुस 2:4

देवाच्‍येनकी लेन क्‍योलुप थुतिवी दिक्‍पा क्‍यासिमा कोन्‍छ्‍योककी तिवा चुका तीला साङ माज्‍याक्‍नी ङ्‍येलाला क्‍युर्सुङ। तमा खोकी ठिम क्‍या नङ्‍गुप तुजे सेककी थोक्‍ला तिवाला ङ्‍येलाकी नक्‍तोमीला टानी ज्‍याक्‍सुङ।

यहूदा 1:6

तमा खोरो ओङ्‍ज्‍येन सिनाङ पाङ्‍ला डोप ताङ खोप्‍रे दासा क्‍युर्नी ज्‍योकुप देवाच्‍येनकी लेन क्‍योलुप थुतिवाला साङ खोकी ठिम कितुप तुजे ग्‍येर्पु सेककी थोक्‍ला नाम्‍साङ पि मोशोरुप च्‍यातकला टानी नक्‍तोमीला उम ज्‍याक्‍नी वे।