१ तिमोथी 3:16 - कोन्छ्योककी सुङ16 वुतुङ के छ्याकला वोतुप दाक्पी क्यावु तेपाकी तेन्दोक ति छासे छ्ये वे। “येशू ख्रीष्ट ति मी जुजमला दी जम्बुलिङला फेप्सुङ। तमा कोन्छ्योककी थु चाङ्माकी खोला टेङ्बु वोतुप सिनी चिसुङ। खो देवाच्येनकी लेन क्योलुप थुतिवी पर्ला थोङ्सुङ। तमा खोकी कोर्ला लुङ्बा लुङ्बाला ख्याप्टाक क्यासुङ। जम्बुलिङकी मीतिवी खोला तेपा क्यासुङ। येलुङ कोन्छ्योककी खोला ताङ्देन ताङ क्यानी देवाच्येन ने तेक्नी फेप्सुङ।” Faic an caibideil |
१ तिमोथी 3:16
81 Iomraidhean Croise
तुक क्यानी ख्यिराङ गोमा कितुप मी छ्येतिवा रङगी थोक्ला ल्यामो क्यानी नासाम तोङ, तमा तेपा कितुप ख्यिरा मीतिवाला साङ ल्यामो क्यानी ल्होसा। च्यिलासिसिन कोन्छ्योककी थु चाङ्माकी ख्यिराङला तेपा कितुप मीतिवा ल्हाटे कितुपला चेक तेतुप ताङ खोकी खोरो सेवुकी ठककी ङ्योनी नङ्गुप चर्च ल्यामो क्यानी ल्हापला पेतुप यिन।
मीतिवाला दिक्पा वोतुप तप्की मोशाकी ठिमकी काङ साङ कि मुथुप्नोक, यिने कोन्छ्योककी तिवी थोक्ला क्यासुङ। तीकी तेन्दोक ति खोकी च्यिक राङ वोतुप सेवु येशू ख्रीष्ट ति दिक्छेन दोके दी जम्बुलिङला ताङ्नी मीतिवी दिक्पी थोक्ला जिन्बा च्युङ्सुङ। तमा मीतिवी क्यावु दिक्पाकी छ्येर्पा ति खोकी खला ख्येल च्यिसुङ।
खोकी सेवुकी कोन्छ्योककी मोवा छासे चोछ्येवु वोतुप ति छ्या देन्गिवी, तमा खो ति वुतुङ के कोन्छ्योक दोके राङ यिन। खोकी खोरो ङार छ्येवु सुङ नेसुर राङ स ताङ नामगी तेरी च्यालकतिवी खला ग्येला किवी। मीतिवाला दिक्पा ने थरुप लाका सिन्सिमा खो देवाच्येनला चोछ्येवु कोन्छ्योककी छ्याक यावी थाकाला ज्यु वे।
कोन्छ्योककी लुङ्तेम्बातिवी नम्दर शेतुप ताम्ङे ति खोप्रे थोक्ला मिन, यिने ख्यिरा थोक्ला यिन। दी ताम्ङे ति देवाच्येन नेमा तङ्गुप कोन्छ्योककी थु चाङ्मा नेमा ख्यिराङला लेन ल्यामु ख्याप्टाक कितुपतिवी तसाम ख्यिराङला सिक्यावु यिन। ती ताम्ङे ति देवाच्येनकी लेन क्योलुप थुतिवी साङ छासे ल्हाप गा किवी।
Sanasan