१ तिमोथी 3:15 - कोन्छ्‌योककी सुङ

¹⁵ ङ वुङ्‍गुप फिमु गल्‍सिनाङ दी यिकी रानी दाक्‍पु कोन्‍छ्‍योककी मिछाङला चुक क्‍यानी मिजी क्‍योङ गोकिवी सिरुप ति हाक्‍कोवा किसा। ती कोन्‍छ्‍योककी मिछाङ ति ङोसु वोतुप कोन्‍छ्‍योककी चर्च यिनो। ती चर्च ति सुङ टेङ्‍बुकी डम्‍ज्‍यी रम्‍बु ताङ कज्‍यु यिन।

१ तिमोथी 3:15 Iomraidhean Croise

मत्ती 16:16

तमा सिमोन पत्रुसकी “गेकेन याङ ङोसु वोतुप कोन्‍छ्‍योककी सेवु ख्रीष्‍ट यिन।” सिनी सिक्‍यासुङ।

मत्ती 18:18

वुतुङ के ङ ख्‍यिराङला सिरिन, ख्‍यिरा जम्‍बुलिङला काङ कि ज्‍यिकिवे, देवाच्‍येनला साङ कि ज्‍यिकिवी। ख्‍यिरा जम्‍बुलिङला काङ कि मिज्‍यिवे, देवाच्‍येनला साङ कि मिज्‍यिवी।

यूहन्‍ना 1:17

कोन्‍छ्‍योककी ठिम ति मोशा नेमा राङ ङ्‍येतुप यिन, यिने कटिन ताङ टेङ्‍बु ति येशू ख्रीष्‍ट नेमा वावु यिन।

यूहन्‍ना 14:6

येशूकी तीला सुङ्सुङ, “लाम ताङ टेङ्‍बु ताङ मिजी ति ङ राङ यिन। ङ नेसुर मिसिन सु साङ पपी ते डो मुथुपी।

यूहन्‍ना 18:37

तमा पिलातसकी येशूला “तुकै यिन्‍सिन काङ ख्‍युरुङ ग्‍येल्‍वु राङ यिन?” सिनी टिसुङ। तमा येशूकी तीला सुङ्‍सुङ, “ख्‍योरो ङला ग्‍येल्‍वु यिन सिनी सिक्‍यावु ति टेके यिन। ङ टेङ्‍बुकी कोर्ला पङ्‍बु तेरुपला क्‍येवु यिन, तमा तीकी थोक्‍ला दी जम्‍बुलिङला वावु यिन। सु मी टेङ्‍बु नोके, तीकी ङे ताम्‍ङे ङ्‍येन्‍गिवी।”

यूहन्‍ना 6:69

चोवो याङ कोन्‍छ्‍योककी चाङ्‍मा वोतुप मी यिन सिनी ङ्‍यिरा तेपा क्‍यानी हाक्‍को वे।” सिनी सिक्‍यासुङ।

लोमा छ्‍येतिवी लाका 1:2

ती थेप नाङ्ला खोकी पेन नङ्‍गुप लोमातिवाला कोन्‍छ्‍योककी थु चाङ्‍मा नेमा क नङ्सिमा खो देवाच्‍येनला तेङ फेवु छेर्मु सेककी ताम्‍ङे ति तेरी वे।

लोमा छ्‍येतिवी लाका 14:15

“ओ अच्‍युनुपतिवा, ख्‍यिराङ च्‍यिला ङ्‍यिराङला ल्‍हलु सिनी तेन्‍दुप यिन? ङि्‍यराङ साङ ख्‍यिराङ दोके मी यिन, ल्‍हलु मिन। यिने ख्‍यिराङला लेन ल्‍यामु ख्‍याप्‍टाक कितुप तेन्‍दोक ति फेन मोथोवु ल्‍हतिवा क्‍युर ज्‍याक्‍नी नाम ताङ ग्‍येम्‍छो ताङ ती नाङ्‍ला वोतुप तेरी च्‍यालकतिवा जो नङ्‍गुप ङोसु वोतुप कोन्‍छ्‍योककी थाकाला ग्‍युर ज्‍यितुपला यिन।

रोमी 3:2

ख्‍येप्‍साङ ति बङी वे। ती ति काङ यिन सिसिन थल्‍माला कोन्‍छ्‍योककी यहूदीतिवाला खोकी सुङ टेङ्‍बु ति चेक तेन नङ्‍गुप यिन।

रोमी 9:26

“कनी ख्‍यिराङला ‘ङे मीतिवा मिन’ सिनी सिक्‍यावे, ते तिवा ‘ङोसु वोतुप कोन्‍छ्‍योककी पुज्‍युङ पुम यिन’ सिनी सिरिनो।”

१ कोरिन्‍थी 10:32

यिने यहूदीतिवाला ताङ ग्रीककी मीतिवाला ताङ कोन्‍छ्‍योकला तेपा कितुप चर्चकी मीतिवा सुला साङ दुक्‍पा ख्‍येलुप लाका ति माकिसा।

१ कोरिन्‍थी 3:16

ख्‍यिराङला छ्‍या वे? ख्‍यिराङ ति कोन्‍छ्‍योककी ल्‍हङाङ यिन। तमा खोकी थु चाङ्‍मा ति ख्‍यिरा मुला ज्‍युकिवी।

२ कोरिन्थी 3:3

वुतुङ के ख्‍यिराङ ति ख्रीष्‍टकी टिवु यिकी यिन। ती यिकी क्‍योलुप ति ङ्‍यिराङ राङ यिन। ती यिकी ति नक्‍ची थ्‍वोनी टिवु मिन, ङोसु वोतुप कोन्‍छ्‍योककी थु चाङ्‍माकी टिवु यिन। दे येम्‍ज्‍येला टिवु मिन, मी सेमला टिवु यिनो।

२ कोरिन्थी 6:16

कोन्‍छ्‍योककी थु चाङ्‍मा ज्‍युवु ल्‍हङाङ ताङ कुतिवी ति काङ तम्‍जी वे रो? च्‍यिलासिसिन दाक्‍पु ति ङोसु वोतुप कोन्‍छ्‍योककी थु चाङ्‍मा ज्‍युवु ल्‍हङाङ यिन। ती तप्‍की कोन्‍छ्‍योककी सुङला साङ दुक सिनी टि वे, “ङ तिवी मिजीला देतिन, तमा तिवी पर्ला फार छुर कितिन। तमा ङ तिवी कोन्‍छ्‍योक यिन, तिवा ति ङे मीतिवा यिन।”

२ कोरिन्थी 6:7

सुङ टेङ्‍बु तेरुप ताङ कोन्‍छ्‍योककी नङ्‍गुप ङारला ती लाका तेरी किवी। सु ताङ मुला थमु ग्‍यक गोसिनाङ ङ्‍यिरा टेङ्‍बु वोतुप लक्‍च्‍ये थ्‍वोनी

गलाती 2:9

तुक क्‍यानी ते चर्चकी खक्‍छ्‍येवु याकूब ताङ पत्रुस ताङ यूहन्‍नातिवी कोन्‍छ्‍योककी ङला कटिन नङ्‍गुप थोङ्‍नी ङ ताङ बारनाबासला मुला थिन्‍नी लाका कितुप सिनी सिक्‍यासुङ। तमा ङ्‍यिराङ ति यहूदी मिन्‍दुप मिरिक यम्‍बाकी मीतिवी पर्ला, तिवा ति च्‍येतुप लुक्‍सु क्‍यावु यहूदीतिवी पर्ला लाका कितुपला ताम्‍ङे डिक्‍सुङ।

गलाती 3:1

ओ गलातीकी मी अम्‍बारङ्‍शिङतिवा, ख्‍यिराङला सी लुसुङ? येशू ख्रीष्‍ट ग्‍यङ्‍शिङला कलुप ति ख्‍यिरा मिककी राङ थोङ्‍गुप मिन?

एफिसी 4:21

ख्‍यिरा याङ येशू ख्रीष्‍टला वोतुप टेङ्‍बुकी कोर्ला लाप्‍नी हाक्‍कोनी वे सिरुप ति ङला छ्‌या वे।

कलस्सी 1:5

तुका तेपा ताङ ङ्‍यिङ्‍ज्‍ये क्‍यावु ति ख्‍यिरा थोक्‍ला देवाच्‍येनला ज्‍यकुप रेवा नेसुर वुङ्‍गुप यिन। ती रेवाकी कोर्ला गोमाला के ख्‍यिरा सुङ टेङ्‍बु वोतुप कोन्‍छ्‍योककी लेन ल्‍यामु थोवु पेला हाक्‍को वे।

१ थेसलोनिकी 1:9

तमा ङ्‍यिराङ ख्‍यिरा पर्ला वुङ्‍गुप पेला ख्‍यिरा ङ्‍यिराङला गासो शुवु ताङ कुतिवाला शब्‍ज्‍यी बुलुप क्‍युर ज्‍याक्‍नी ङोसु ताङ टेङ्‍बु वोतुप कोन्‍छ्‍योकला सोवा पुलुप ताम्‍ङे ति माकेडोनिया ताङ अखैयाकी मीतिवी खोप्‍रे राङ लप्‍किवी।

१ तिमोथी 3:14

ङ ख्‍योरो ते ङमु राङ वुङ्‍गुप नो वे। यिन्‍सिनाङ दी यिकी ति ङे ख्‍युरुङला टिवु यिनो।

१ तिमोथी 3:16

वुतुङ के छ्‍याकला वोतुप दाक्‍पी क्‍यावु तेपाकी तेन्‍दोक ति छासे छ्‍ये वे। “येशू ख्रीष्‍ट ति मी जुजमला दी जम्‍बुलिङला फेप्‍सुङ। तमा कोन्‍छ्‍योककी थु चाङ्‍माकी खोला टेङ्‍बु वोतुप सिनी चिसुङ। खो देवाच्‍येनकी लेन क्‍योलुप थुतिवी पर्ला थोङ्‍सुङ। तमा खोकी कोर्ला लुङ्‍बा लुङ्‍बाला ख्‍याप्‍टाक क्‍यासुङ। जम्‍बुलिङकी मीतिवी खोला तेपा क्‍यासुङ। येलुङ कोन्‍छ्‍योककी खोला ताङ्‍देन ताङ क्‍यानी देवाच्‍येन ने तेक्‍नी फेप्‍सुङ।”

१ तिमोथी 3:2

यिने तुका चर्चला गोमा कितुप मीतिवा ति क्‍येन मेतुप ताङ पेर्मी च्‍यिक राङ वोतुप ताङ काङ किसिनाङ छे क्‍यानी कितुप ताङ सेम थिला ज्‍योकुप ताङ मीतिवी ताङ्‍देन क्‍यावु ताङ डेन्‍बुला ताङ्‍देन कितुप ताङ येन्‍देन लोप थुपुप वुङ गोकिवी।

१ तिमोथी 3:5

दोजो तीकी खोरो खाङ्‍बीतिवाला साङ डेकला ज्‍योक माथुप्‍सुङ सिसिन चर्चला चुक क्‍यानी डेकला ज्‍योक थुप्‍किवी रो?

१ तिमोथी 4:10

तीकी थोक्‍ला राङ दाक्‍पु हुर्ताक ताङ टेमु कियी वे, च्‍यिलासिसिन दाक्‍पी रेवा ति ङोसु वोतुप कोन्‍छ्‍योकला वे। खो ति मी तेरीकी कोन्‍छ्‍योक यिन, खोकी खक्‍छ्‍येवुला तेपा कितुप मीतिवाला दिक्‍पा ने थर ज्‍यिकिवी।

१ तिमोथी 6:16

खो तिराङ नरीकी नरी लुवु वे। खो ति वोसिरला ज्‍युकिवी, तमा ती वोसिरकी चिप्‍ला सु साङ डो मुथुपी। खोला सी साङ नाम्‍साङ माथोङ वे, याङ्‍ना थोङ साङ मुथुपी। खोला राङ ताङ्‍देन ताङ ओङ्‍ज्‍येन ति नरीकी नरी वुङ्‍शी। आमिन।

२ तिमोथी 2:19

यिन्‍सिनाङ कोन्‍छ्‍योककी डम्‍ज्‍यी रम्‍बु जोसुङ। ती डम्‍ज्‍यीला “कोन्‍छ्‍योककी खोरे पेतुप मीतिवाला ङो शेकिवी।” सिनी टि वे। तमा “चोवो कोन्‍छ्‍योकला तेपा किवी सिनी सिरुप मी तेरीकी दिक्‍पा कितुप क्‍युर गोकिवी।” सिनी टि वे।

२ तिमोथी 2:20

दी ताम्‍ङे साङ नासाम तोङा। मी छ्‍येतिवी खाङ्‍बा सेर ताङ ङुलकी नेक्‍योक तिराङ मेवी, यिने शिङ ताङ थली नेक्‍योक साङ गिवी। ती नाङ्‍ला सेर ताङ ङुलकी नेक्‍योक ति नाथोप डेन्‍बु वुङ्‍गुप पेला थोकिवी, शिङगी नेक्‍योक ताङ यम्‍बा नेक्‍योकतिवा यम्‍बा पेला थोकिवी।

हिब्रू 10:21

कोन्‍छ्‍योककी मिछाङला दाक्‍पी थोक्‍ला चोछ्‍येवु कोङ्‍यार मिरा च्‍यिक वोतुप तप्‍की

हिब्रू 12:22

यिने ख्‍यिराङ वावु दासा ति सियोन री ताङ देवाच्‍येनकी यरूशलेमला राङ यिन। ती दासा ति ङोसु वोतुप कोन्‍छ्‍योककी ग्‍येसा यिन। ख्‍यिराङ तोङ्‍डा बङी देवाच्‍येनकी लेन क्‍योलुप थुतिवा जोम्‍नी लोदिमुकी तुछ्‍येन तेन्दुप दासाला वानी वे।

हिब्रू 3:12

अच्‍युनुपतिवा, च्‍यक्‍पु किसा। ख्‍यिराङ सु साङ तेपा मिकिवु सेम दिक्‍छेन गल्‍नी ङोसु वोतुप कोन्‍छ्‍योकला क्‍युर्नी माज्‍योका।

हिब्रू 9:14

नरीकी नरी लुवु कोन्‍छ्‍योककी थु चाङ्‍माकी ओङला खुरुङ राङ क्‍येन मेतुप बुल्‍वा च्‍युङ्‍नी कोन्‍छ्‍योकला बुलुप ख्रीष्‍टकी ठककी याङ मङ छासे क्‍यानी शेप ते क्‍योलुप लाकातिवा नेसुर दाक्‍पी सेम ति टेङ्‍बु जोनी ङोसु वोतुप कोन्‍छ्‍योकला शब्‍ज्‍यी कि थुपुप मोजोवी रो?

१ पत्रुस 2:5

ख्‍यिराङ साङ कोन्‍छ्‍योककी मिजी नङ्‍गुप दो दोके यिन। खोकी ती दोतिवा दुम्‍नी खोरे थु चाङ्‍माकी ल्‍हङाङ जो नङ्‍गिवी। तुक क्‍यानी ख्‍यिराङ ति येशू ख्रीष्‍ट नेसुर सेम टेङ्‍बु क्‍यानी कोन्‍छ्‍योकला गा लङ्‍गुप जिन्‍बा बुलुप चाङ्‍मा वोतुप कोङ्‍यारतिवा यिनो।

१ पत्रुस 4:17

च्‍यिलासिसिन कोन्‍छ्‍योककी खोरे मीतिवाला ठिम क्‍या नङ्‍गुप तुजे गो जुवु पेला लेप्‍नी वे। खोकी सुङला ङ्‍येन्‍दुपतिवाला साङ खोकी ठिम क्‍या नङ्‍गिवी सिसिन खोकी सुङला तेपा मिकिवुतिवाला याङ चुका पर्च्या मङ्‍मु के फोकिताङ?

ज्‍यल्‍का 7:2

तमा यम्‍बा देवाच्‍येनकी लेन क्‍योलुप थु च्‍यिक ङोसु वोतुप कोन्‍छ्‍योककी लज्‍युर खुर्नी शरकी थाका नेसुर जेनी वावु ति ङे थोङ्‍सुङ। तीकी जम्‍बुलिङ ताङ ग्‍येम्‍छोला ना तोङ्‍गुप ओङ वोतुप देवाच्‍येनकी लेन क्‍योलुप थु मिरा ज्‍यीला थोर ग्‍यप्‍नी,