१ तिमोथी 3:13 - कोन्छ्‌योककी सुङ

¹³ सी चर्चला ल्‍यामु ल्हाटे किवे, तिवाला मीतिवी साङ ताङ्‍देन किवी। तमा तिवी येशू ख्रीष्‍टला तेपा रम्‍बु क्‍यानी मीतिवाला साङ ङाडेङ क्‍यानी लोप थुप्‍किवी।

१ तिमोथी 3:13 Iomraidhean Croise

मत्ती 20:28

ङ मी पुज्‍युङ ति मीतिवा नेमा शब्‍ज्‍यी ङ्‍येतुपला वावु मिन, यिने शब्‍ज्‍यी कितुपला ताङ मी बङीला दिक्‍पा ने थर ज्‍यितुपकी थोक्‍ला ङरा मिजी तेरुपला वावु यिन।”

मत्ती 25:21

तमा ज्‍यिन्‍दाक ति गा कियी सिरा ‘को छ्‍येसुङ, ख्‍युरुङ खोङ्‍तेर्मु ताङ लावा ल्‍यामु! ख्‍युरुङ ताम्‍ङे चेयीला खोङ्‍तेर्मु च्‍युङ्‍सुङ, तुक क्‍यानी ङ ख्‍युरुङला ताम्‍ङे बङी चेक तेतिन। ख्‍युरुङ वानी ङ ताङ मुला गा की।’ सिनी सिक्‍यासुङ।

लूका 19:17

तमा ज्‍यिन्‍दाक तीकी ती लावाला सिक्‍यासुङ, ‘को छ्‍येसुङ, ङे लावा ल्‍यामु! ख्‍युरुङ ताम्‍ङे चेयीला खोङ्‍तेर्मु च्‍युङ्‍सुङ, तुक क्‍यानी ख्‍युरुङला ग्‍येसा च्‍यिथम्‍बी खला ग्‍येला कितुप ङ्‍येकितो।’

लोमा छ्‍येतिवी लाका 21:35

तमा पावल मक्‍मीतिवा देतुप दासाकी टापी खला लेप्‍सिमा मी माङ्‍छ्‍योक ङ्‍यिर्मु लानी वुल्‍दुङ्‍बा क्‍यावु तप्‍की मक्‍मीतिवी तीला खुर्नी गाल।

लोमा छ्‍येतिवी लाका 6:15

तमा ठिम्‍खाङला जोम्‍बुपतिवा तेरीकी स्‍तिफनसला छ्‍योर छ्‍योर्मे ल्‍हासालेन्‍सिन तीकी ङो ति देवाच्‍येनकी लेन क्‍योलुप थुकी ङो दोके ठछ्‍येली थोङ्‍सुङ।

लोमा छ्‍येतिवी लाका 6:5

लोमा छ्‍येतिवी तुक सिक्‍यावु ताम्‍ङे ति तेरीकी सेमला गाल। तमा तिवी तेपा रम्‍बु वोतुप ताङ कोन्‍छ्‍योककी थु चाङ्‍माकी क्‍येङ्‍गुप स्‍तिफनस ताङ फिलिप ताङ प्रखरस ताङ निकनोर ताङ तिमोन ताङ पर्मिनास ताङ एन्‍टिओखिया नेसुर वानी यहूदी छ्‍योला शुकुप निकोलाउस तीला पेसुङ।

लोमा छ्‍येतिवी लाका 6:8

तमा कोन्‍छ्‍योक नेमा कटिन ताङ ओङ थोप्‍नी स्‍तिफनसकी मीतिवी पर्ला हलेवु लाका ताङ ततिवा छ्‍या तेन्‍सुङ।

१ कोरिन्‍थी 16:15

अच्‍युनुपतिवा, अखैयाला तेरी सिनाङ गोमाला कोन्‍छ्‍योकला तेपा क्‍यावु स्‍तिफनासकी खाङ्‍बी मीतिवा तेरीला याङ ख्‍यिरा ङो शेकिवी। तिवी कोन्‍छ्‍योकला तेपा कितुप मीतिवाला छासे क्‍यानी दाल्‍जा किटे क्‍यासुङ।

फिलिप्पी 1:14

ङ चोन्‍खाङला शोर्सिमा माङ्‍शोक तेपा कितुप अच्‍युनुपतिवा ङार छ्‍येवु गल्‍नी कोन्‍छ्‍योककी सुङ ङाडेङ क्‍यानी ख्‍याप्‍टाक क्‍यासुङ।

१ थेसलोनिकी 2:2

गोमाला ङ्‍यिराङ फिलिप्‍पीला वोतुप पेला छेटाङ खुरुप ताङ तेकी मीतिवी ङ्‍यिराङला ङ्‍यिङ्‍मर क्‍यावु ति ख्‍यिराङला छ्‍या वे। ङ्‍यिराङ थेसलोनिकेला वासिमा साङ तेकी मीतिवा ङ्‍यिरा तेन्‍दोकला लासुङ, यिन्‍सिनाङ कोन्‍छ्‍योककी ङ्‍यिराङला ङाडेङ नङ्‍गुप तप्‍की खोकी लेन ल्‍यामु ति ख्‍यिराङला ख्‍याप्‍टाक क्‍यायिन।

१ तिमोथी 3:14

ङ ख्‍योरो ते ङमु राङ वुङ्‍गुप नो वे। यिन्‍सिनाङ दी यिकी ति ङे ख्‍युरुङला टिवु यिनो।

२ तिमोथी 2:1

तुक क्‍यानी आङो, ख्‍युरुङ ख्रीष्‍ट येशूकी नङ्‍गुप कटिनला तेपा रम्‍बु क्‍यानी देता।

हिब्रू 6:10

ख्‍यिरा यम्‍बा तेपा कितुपतिवाला शब्‍ज्‍यी क्‍यासुङ, तमा तरोङ साङ कियी वे। कोन्‍छ्‍योक ति मीला ख्‍ये मापेवा क्‍यानी ठिम क्‍या नङ्‍गुप कोन्‍छ्‍योक यिन। खोला तेपा कितुपतिवाला ख्‍यिरा शब्‍ज्‍यी क्‍यावु ताङ ङ्‍यिङ्‍ज्‍ये क्‍यावु ति खोकी मेज्‍येवी।