१ तिमोथी 2:8 - कोन्छ्‌योककी सुङ

⁸ ती तप्‍की तेरी जोम्‍नी सोवा देकुप पेला ख्‍योक्‍पेजातिवी सेमला ङ्‍यिर्मु मिकिवु ताङ खाँदा माक्‍यानी क्‍येन मेतुप लाक्‍पा लाङ्‍नी मोपोर किशी सिरुप ति ङे नोवा वे।

१ तिमोथी 2:8 Iomraidhean Croise

मत्ती 21:21

तमा येशूकी तिवाला सुङ्‍सुङ, “वुतुङ के ङ ख्‍यिराङला सिरिन, ख्‍यिरा कोन्‍छ्‍योकला तेपा क्‍यानी सेमला नाम्‍दोक माक्‍यासुङ सिसिन ख्‍यिरा ङे दी अन्‍जीरकी दोङ्‍बुला क्‍यावु चोयी तिराङ मिन, दी री तीला ‘पोक्‍नी ग्‍येम्‍छो नाङ्‍ला लुम्‍शी।’ सिक्‍यासिनाङ तुकै राङ च्‍युङ्‍गिवी।

मत्ती 5:44

यिने ङ ख्‍यिराङला सिरिन, ख्‍यिरा डतिवाला ङ्‍यिङ्‍ज्‍ये की, ख्‍यिराङला छेटाङ तेरुपतिवी थोक्‍ला मोपोर की।

मत्ती 6:12

ङ्‍यिराङला मेलोक्‍पा कितुपतिवाला ङ्‍यिरा माफ बिन्‍दुप दोके ङ्‍यिरा क्‍यावु लाका मेलोक्‍पातिवाला माफ नङ्‍डे की।

लूका 23:34

ती पेला येशूकी सुङ्‍सुङ, “ओ पपा, दिवाला माफ नङ्‍डे की, च्‍यिलासिसिन दिवी काङ कियी वे, ती ति दिवाला छ्‍या मे।” तमा मक्‍मीतिवी खोकी नम्‍सा ति ग्‍येन ग्‍यप्‍नी गोसुङ।

लूका 24:50

ती ज्‍युक्‍ला येशूकी लोमातिवाला ग्‍येसा नेमा तेन्‍नी बेथानिया सेक टिनी फेप्‍सुङ, तमा खोकी छ्‍याक तेक्‍नी तिवाला मोलाम नाङ्‍सुङ।

यूहन्‍ना 4:21

तमा येशूकी तीला सुङ्‍सुङ, “ओ नुमो, ङला तेपा की। तुजे यी गितो, ती तुजेला ख्‍यिराङ दी पम्‍दोकला साङ यरूशलेमला साङ कोन्‍छ्‍योकला सोवा मेदेकिवी।

लोमा छ्‍येतिवी लाका 10:2

ती कर्नेलियस ति कोन्‍छ्‍योककी सुङला युकुप मी नोक। तीकी मिछाङतिवा तेरी मुला कोन्‍छ्‍योकला ज्‍यिवा क्‍यानी पेराङ्‍बुतिवाला बुल्‍दिर ग्‍यकुप ताङ कोन्‍छ्‍योकला नरी मोपोर कियिनोक।

लोमा छ्‍येतिवी लाका 10:31

‘ओ कर्नेलियस, ख्‍योरो मोपोर क्‍यावु ति कोन्‍छ्‍योककी थोनी वे। तमा पेराङ्‍बुतिवाला ख्‍योरो च्‍यम्‍बा क्‍यावु ति कोन्‍छ्‍योकला छ्‍या वे।

लोमा छ्‍येतिवी लाका 10:4

देवाच्‍येनकी लेन क्‍योलुप थु तीला थोङ्‍सिमा कर्नेलियसकी ज्‍यिवा लानी दुक सिक्‍यासुङ, “ओ चोवो, ख्‍युरुङला काङ गोसुङ?” तमा देवाच्‍येनकी लेन क्‍योलुप थु तीकी सिक्‍यासुङ, “ख्‍योरो मोपोर क्‍यावु ताङ पेराङ्‍बुतिवाला बुल्‍दिर बिन्‍दुप ति कोन्‍छ्‍योकला छ्‍या वे।

लोमा छ्‍येतिवी लाका 21:5

यिन्‍सिनाङ तेसुर ङ्‍यिराङ क्‍येनी डोप पेला लेप्‍सिमा तिवा तेरी पेजापेर्मीतिवा ताङ क्‍यानी ङ्‍यिराङला क्‍योलुपला ग्‍येसाकी फिला सेक वासुङ। तमा ग्‍येम्‍छो गारीला पुमुङ चुनी मुला राङ मोपोर क्‍यानी तेरी क्‍येयिन।

लोमा छ्‍येतिवी लाका 7:60

ती ज्‍युक्‍ला खोकी पुमुङ सला चुनी थोर ग्‍यप्‍नी सिक्‍यासुङ, “कोन्‍छ्‍योक, दिवी क्‍यावु दिक्‍पाकी क्‍येन ति दिवाला मोफोक्‍शी।” तोजोयी सिक्‍यासिमा तीकी उ छ्‍येसुङ।

१ कोरिन्‍थी 1:2

कोरिन्‍थला वोतुप कोन्‍छ्‍योककी चर्च ताङ येशू ख्रीष्‍ट नेसुर टेङ्‍बु च्‍युङ्‍गुप मीतिवा ताङ चाङ्‍मा वोतुप गिपा च्‍युङ्‍गुपला कोन्‍छ्‍योककी पेन नङ्‍गुपतिवा ताङ तेरी दासाला येशू ख्रीष्‍टला दाक्‍पी चोवो सिनी खोकी मिङला कतङ्‍गुप मीतिवा तेरीला टिवु यिनो।

१ कोरिन्‍थी 7:7

तेरी मीतिवा ङ दोके जेन्‍दी माक्‍यानी देसिन गिवी सिरुप ति ङ नो कितिन। यिने तेरीला कोन्‍छ्‍योक नेमा दाक दाक्‍पी थोक्‍ला कटिनकी ङ्‍येम्‍बा कुतुक कुतुक थोप्‍नी वे। च्‍यिकला ति कटिनकी ङ्‍येम्‍बा कुतुक, यम्‍बाला ति कटिनकी ङ्‍येम्‍बा कुतुक थोप्‍नी वे।

२ कोरिन्थी 2:14

यिने कोन्‍छ्‍योकला थुचिछे, च्‍यिलासिसिन खोकी ङ्‍यिराङला शैतानकी खला ओङ्‍ज्‍येन कितुपला नरी ख्रीष्‍ट नेसुर गोमा किवी। तमा खोकी ख्रीष्‍टकी कोर्ला वोतुप रिक्‍पा ति छो ज्‍यीला फेल ज्‍यितुपला ङ्‍यिराङला दाल्‍जा किवी। ती रिक्‍पा ति टी जङ्‍बु खाप यिन।

फिलिप्पी 1:12

अच्‍युनुपतिवा, ख्‍यिराङला दी ताम्‍ङे ति ल्‍यामु हाक्‍कोशी सिरुप ति ङे नोवा वे। काङ यिन सिसिन ङला छेटाङ ख्‍येलुप तप्‍की राङ लेन ल्‍यामु ख्‍याप्‍टाक कितुप लाका मङ च्‍युङ्‍नी वे।

१ थेसलोनिकी 1:8

च्‍यिलासिसिन ख्‍यिरा नेसुर राङ चोवो येशूकी सुङ ति माकेडोनिया ताङ अखैयाला तिराङ फेलुप मिन, यिने कोन्‍छ्‍योकला ख्‍यिरा क्‍यावु तेपा ति दासा तेरीला फेलुप तप्‍की त ख्‍यिराङला दीकी कोर्ला ङ्‍यिरा सि गोवु ताम्‍ङे काङ साङ मे।

१ तिमोथी 5:14

ती तप्‍की नाज्‍युङ वोतुप पेला राङ युक्‍सिम फोकुप पुम्‍पेजातिवा जेन्‍दी क्‍यानी पेजातिवा क्‍येनी खाङ्‍बा शिङ क्‍यानी सशी। तमा दाक्‍पी डतिवी दाक्‍पुला ताम्‍ङे जोप लाम मेङ्‍येशी।

तीतस 3:8

दी ताम्‍ङे ति टेङ्‍बु यिन, ख्‍यिराङ दी ताम्‍ङेला ङार की सिनी ङ नो कितिन। तुक क्‍यानी सी कोन्‍छ्‍योकला तेपा किवे, तिवी लाका ल्‍यामु कितुपला ङ्‍याम्‍ले किशी। तुक कितुप ति मीतिवी थोक्‍ला छासे ल्‍यामु ताङ ख्‍येप्‍साङ वोतुप यिन।

हिब्रू 10:22

दाक्‍पी सेम टेङ्‍बु नेसुर तेपा रम्‍बु जोनी कोन्‍छ्‍योककी चिप्‍ला डोप। तमा दाक्‍पी सेमला येशूकी ठक थोर्नी दुक्‍टा क्‍यासिमा सेम नेसुर वुङ्‍गुप क्‍येन ति टेङ्‍बु जोप ताङ दाक्‍पी जु ति छ्‍यु चेङ्‍गा थ्‍वोनी टुवु दोके टेङ्‍बु च्‍युङ्‍नी वे।

याकूब 4:8

तमा ख्‍यिराङ कोन्‍छ्‍योककी चिप्‍ला ग्‍युक, तुक क्‍यासिन खो ख्‍यिरा चिप्‍ला फेप्‍किवी। ओ दिक्‍छेनतिवा, ख्‍यिराङ दिक्‍पा कितुप क्‍युर। ओ सेम नटेकोटे वोतुप टेङ, ख्‍यिराङ सेम टेङ्‍बु क्‍यानी यु।

१ पत्रुस 3:7

तुक राङ क्‍यानी ख्‍योवातिवी साङ रङगी पेर्मी ति रम्‍बु मेतुप यिन सिमाक्‍यानी तिवाला ताङ्‍देन क्‍यानी मुला राङ मिजी क्‍योङ, च्‍यिलासिसिन ख्‍योवा ताङ पेर्मी ति कोन्‍छ्‍योककी कटिन नङ्‍गुप मिजी मुला राङ क्‍योङ्‍गुपला जो नङ्‍गुप यिन। तुक क्‍यासिन ख्‍यिराङ मोपोर कितुप पेला ख्‍यिराङला कले मेङ्‍शी।