१ तिमोथी 2:6 - कोन्छ्‌योककी सुङ

⁶ खोकी तेरी मीतिवाला दिक्‍पा ने थर ज्‍यितुपला खोरे मिजी साङ मी थोक्‍ला जिन्‍बा च्‍युङ्‍सुङ। तीकी कोर्ला पङ्‍बु छ्‍या देन्‍दुप टेके तुजे ति तन्‍दा राङ यिन।

१ तिमोथी 2:6 Iomraidhean Croise

मत्ती 20:28

ङ मी पुज्‍युङ ति मीतिवा नेमा शब्‍ज्‍यी ङ्‍येतुपला वावु मिन, यिने शब्‍ज्‍यी कितुपला ताङ मी बङीला दिक्‍पा ने थर ज्‍यितुपकी थोक्‍ला ङरा मिजी तेरुपला वावु यिन।”

मर्कूस 1:15

खोकी मीतिवाला सुङ्‍सुङ, “कोन्‍छ्‍योककी तुजे छे सिन वे, खोकी ग्‍येल्‍खाप चिप्‍ला वा वे। ख्‍यिराङ दिक्‍पा ने सेम ग्‍युर्नी खोकी लेन ल्‍यामुला तेपा की।”

मर्कूस 10:45

च्‍यिलासिसिन ङ मी पुज्‍युङ ति खोरुङला शब्‍ज्‍यी लङ्‍गुपला वावु मिन, यिने मीतिवाला शब्‍ज्‍यी कितुपला वावु यिन। तमा मी मङ्‍मुला थर ज्‍यितुपला खोरो मिजी तेरुपला वावु यिन।”

यूहन्‍ना 10:15

ती ति पपी ङला ङो शेवु ताङ ङे पपाला ङो शेवु दोके यिन। ङ रङगी लुकतिवी थोक्‍ला शि राङ गोसिनाङ शिवी।

यूहन्‍ना 6:51

ङ ति देवाच्‍येन नेमा पाम वोवु सेन्‍बु वोतुप शुब्‍ज्‍याङ यिन। सी दी शुब्‍ज्‍याङ सेवे, तिवा नाम्‍साङ मिशिवी। ती शुब्‍ज्‍याङ ति ङे जु यिन, तमा ती जुकी जम्‍बुलिङकी मीतिवा तेरीला मिजी तेर्किवी।”

रोमी 16:26

यिने त याङ ती छ्‍याकला वोतुप लेन ल्‍यामु ति कोन्‍छ्‍योककी लुङ्‍तेम्‍बातिवी टिवु खोकी सुङला ल्‍यामो क्‍यानी ठछ्‍येली हाक्‍को थुपुप गल वे। तमा नरीकी नरी लुवु कोन्‍छ्‍योककी क नेसुर यहूदी मिन्‍दुप मिरिक यम्‍बाकी मीतिवा तेरीकी तेपा क्‍यानी खोकी सुङला ङ्‍येन्‍सुङ।

रोमी 5:6

तुक क्‍यानी दाक्‍पु दिक्‍पी ओङला शोर्नी काङ साङ कि मुथुपुप पेला राङ येशू ख्रीष्‍ट दाक्‍पी दिक्‍पी थोक्‍ला टेके तुजेला टुङ्‍सुङ।

१ कोरिन्‍थी 1:6

तमा ङ्‍यिरा ख्‍यिराङला येशू ख्रीष्‍टकी कोर्ला बिन्‍दुप पङ्‍बु ति ख्‍यिरा मिजीला रम्‍बु च्‍युङ्‍नी वे।

२ कोरिन्थी 5:21

ख्रीष्‍टला दिक्‍पा मे, यिन्‍सिनाङ कोन्‍छ्‍योककी दाक्‍पी क्‍यावु दिक्‍पी थोक्‍ला खोला पर्च्या नाङ्‍सुङ। तुक क्‍यानी ख्रीष्‍ट नेसुर दाक्‍पु ति खोकी थोङ्‍दाङला टेङ्‍बु च्‍युङ्‍सुङ।

गलाती 1:4

येशू ख्रीष्‍ट ति दाक्‍पी पपा कोन्‍छ्‍योककी नोवा नेसुर दी दुक्‍टाकी क्‍येङ्‍गुप जम्‍बुलिङ ने दाक्‍पुला थर्वा नङ्‍गुपला दाक्‍पी दिक्‍पी थोक्‍ला टुङ्‍सुङ।

गलाती 4:4

यिने तुजे छेसिमा कोन्‍छ्‍योककी खोरे सेवुला दी जम्‍बुलिङला तङ्‍नी पुम्‍पेजा यीकी खोक नेमा मोशाकी ठिमकी ओङला क्‍येसुङ।

एफिसी 1:17

तमा दाक्‍पी चोवो येशू ख्रीष्‍टकी मोवा वोतुप पपा कोन्‍छ्‌योककी ख्‍यिराङला खोकी च्‍यु ताङ रिक्‍पाकी सेम नङ्‍नी खोला ङो शे थुप्‍शी सिनी ङ नरी मोपोर कितिन।

एफिसी 1:7

तमा खोकी ग्‍यक्‍चेकी कटिन नेसुर येशू ख्रीष्‍ट दाक्‍पी दिक्‍पी थोक्‍ला टुङ्‍नी खोकी ठककी दाक्‍पी दिक्‍पा ता च्‍यिनी दाक्‍पुला थर्वा ङ्‍येन वे।

एफिसी 3:5

तोङगी गिपाकी मीतिवाला हाक्‍को माच्‍यिवु ताम्‍ङे ति खोकी लोमा छ्‌येतिवा ताङ कोन्‍छ्‌योककी लुङ्‍तेम्‍बातिवाला खोरे थु चाङ्‍मा नेसुर तसाम ठछ्‍येली छ्‌या तेन वे।

एफिसी 5:2

येशू ख्रीष्‍टकी दाक्‍पुला ङ्‍यिङ्‍ज्‍ये क्‍या नङ्‍नी कोन्‍छ्‌योकला गा लङ्‍गुप बुल्‍वा ताङ जिन्‍बा च्‍युङ्‍नी दाक्‍पी दिक्‍पी थोक्‍ला टुङ्‍सुङ। तुक राङ क्‍यानी ख्‍यिराङ साङ च्‍यिककी च्‍यिकला ङ्‍यिङ्‍ज्‍ये की।

२ थेसलोनिकी 1:10

चोवो येशू फेपुप तुजेला खोला तेपा कितुपतिवा तेरीकी खोला मोवा कितुप ताङ सोवा देकिवी। ङ्‍यिरा पङ्‍बु बिन्‍दुप ताम्‍ङेला ख्‍यिरा तेपा क्‍यावु तप्‍की ती पेला ख्‍यिराङ साङ तिवी मुला राङ वुङ्‍गिवी।

१ तिमोथी 6:15

कोन्‍छ्‍योककी तुजे छेसिमा चोवो येशू ख्रीष्‍ट ति येलुङ फेप्‍किवी। कोन्‍छ्‍योक ति च्‍यिक राङ वोतुप ताङ ग्‍येल्‍वी खकी ग्‍येल्‍वु ताङ चोवी खकी चोवो यिन। खोला दाक्‍पी सोवा बुल्‍गिवी।

२ तिमोथी 1:8

ती तप्‍की दाक्‍पी चोवो येशूकी थोक्‍ला पङ्‍बु तेरुपला ङोछा माकी, याङ्‍ना खोकी थोक्‍ला ङ चोन्‍खाङला शोरुप यिन सिनी साङ ङोछा माकी। यिने कोन्‍छ्‍योककी ओङला खोकी लेन ल्‍यामु ख्‍याप्‍टाक कितुपला दुक्‍पा खुर।

तीतस 1:3

दाक्‍पुला ती थाक्‍छ्‍येन नङ्‍गुप सुङ ति खोरे पेतुप तुजेला छ्‍या तेन नाङ्‍सुङ। तन्‍दा साङ ती सुङ ख्‍याप्‍टाक कितुपला दिक्‍पा ने थर ज्‍यितुप कोन्‍छ्‍योककी ङला चेक तेसुङ।

तीतस 2:14

ती ख्रीष्‍टकी राङ दाक्‍पुला रङगी तेरी दुक्‍टातिवा नेसुर थर ज्‍यितुपला खोरे मिजी साङ दाक्‍पी थोक्‍ला नाङ्‍सुङ। तमा लाका ल्‍यामु कितुप खक्‍छ्‍येवु मिरिक जोपला सेम टेङ्‍बु जो नाङ्‍सुङ।

हिब्रू 9:12

खो दासा चाङ्‍मा नेसुर क्‍यानी तेरी सिनाङ चाङ्‍मा वोतुप दासाला फेप्‍सुङ। ती पेला खो रौ ताङ लङ्‍डुकी ठक खुर्नी फेपुप मिन, यिने खो ग्‍यङ्‍शिङला टुङ्‍नी थेन्‍दुप खोरे ठक नेसुर थेङ्‍मा च्‍यिकला राङ फेप्‍नी ती ठक नेसुर खोकी दाक्‍पी थोक्‍ला नाम्‍साङ मिशिवु थर्वा ङ्‍येसुङ।

१ पत्रुस 2:24

तमा दाक्‍पी दिक्‍पातिवा तेरी क्‍युर्नी कोन्‍छ्‍योककी थोङ्‍दाङला टेङ्‍बु वोतुप मिजी क्‍योङ्‍शी सिनी दाक्‍पी दिक्‍पा खोकी जुला खुर्नी ग्‍यङ्‍शिङला टुङ्‍सुङ। खोकी जुला म थेन्‍दुप तप्‍की ख्‍यिरा नेजु टेक्‍सुङ।

१ पत्रुस 3:18

च्‍यिलासिसिन चोवो येशू ख्रीष्‍ट साङ दिक्‍पातिवी तेन्‍दोकला थेङ्‍मा च्‍यिक टुङ्‍सुङ, खो दिक्‍पा मेसिनाङ मेटेङ्‍बुतिवाला कोन्‍छ्‍योककी मुला तम्‍जी ल्‍यामु जोपला टुङ्‍गुप यिन। खोकी जु ति टुङ सिनाङ खोकी थु ति कोन्‍छ्‍योककी ङोसु लाङ्‍सुङ।

१ यूहन्‍ना 4:10

ङ्‍यिङ्‍ज्‍ये सिरुप ति काङ यिन सिसिन, कोन्‍छ्‍योकला दाक्‍पी ङ्‍यिङ्‍ज्‍ये क्‍यावु मिन, यिने खोकी दाक्‍पुला ङ्‍यिङ्‍ज्‍ये क्‍या नाङ्‍नी दाक्‍पी दिक्‍पी ठिलेन च्‍योलुपला खोकी सेवु येशू ख्रीष्‍ट ताङ्‍नी जिन्‍बा च्‍युङ च्‍यिसुङ।

ज्‍यल्‍का 1:5

तमा पङ्‍बु टेङ्‍बु वोतुप ताङ तेरी सिनाङ थल्‍माला शेप ने ङोसु लङ्‍गुप जम्‍बुलिङकी ग्‍येल्‍वी खकी ग्‍येल्‍वु येशू ख्रीष्‍ट नेसुर कटिन ताङ लोदिमु वुङ्‍शिता। येशू ख्रीष्‍टकी दाक्‍पुला ङ्‍यिङ्‍ज्‍ये क्‍या नङ्‍गुप ताङ खो ग्‍यङ्‍शिङला टुङ्‍नी खोकी ठक नेसुर दाक्‍पी दिक्‍पा ता च्‍यिसुङ।

ज्‍यल्‍का 5:9

तिवा दुक सियी लु सम्‍बा यी लङ्‍गिनोक, “ख्‍युरुङ दी शुकी बिटप लङ्‍गुप ताङ तीकी लज्‍युरतिवा तोल छ्‍योवु वे। ख्‍युरुङ सेतुप यिन, यिन्‍सिनाङ शेप ने ङोसु लानी ख्‍योरे ठककी गोङ तेनी कोन्‍छ्‍योककी थोक्‍ला तेरी गिपा ताङ ग्‍येताम ताङ मिरिककी मीतिवा ताङ लुङ्‍बाला ङ्‍योसुङ।