१ तिमोथी 2:5 - कोन्छ्योककी सुङ5 कोन्छ्योक ति च्यिक राङ ज्यु वे। तमा कोन्छ्योक ताङ मीतिवी पर्ला डिक्नी तम्जी ल्यामु जोप मिरा च्यिक वे। ती मी ति ख्रीष्ट येशू यिन। Faic an caibideil |
१ तिमोथी 2:5
28 Iomraidhean Croise
दाक्पी थोक्ला ति पपा कोन्छ्योक च्यिक राङ वे। खोकी सुङ नेसुर राङ जम्बुलिङला वोतुप च्यालकतिवा तेरी ज्येसुङ। दाक्पु साङ कोन्छ्योककी थोक्ला मिजी क्योङ्यिन वे। तमा येशू ख्रीष्ट तिराङ दाक्पी तेपा क्यावु चोवो यिन। खो नेसुर राङ कोन्छ्योककी जम्बुलिङला वोतुप तेरी च्यालकतिवा ज्ये नाङ्सुङ। तमा दाक्पुला मिजी नङ्गुप साङ येशू ख्रीष्ट राङ यिन।
यिने येशू ख्रीष्टकी क्या नङ्गुप कोङ्यारकी लाका ति कोन्छ्योककी मोशाला नङ्गुप ठिमला वोतुप कोङ्यारकी लाका सिनाङ मङ खक्छ्येवु वे। तुक क्यानी येशूकी कोन्छ्योक ताङ मीतिवी पर्ला थाक्छ्येवु ताम्ङे जोपला डिक्सुङ। ती थाक्छ्येवु ताम्ङे ति मोशाला नङ्गुप ठिम ङ्यिङ्बा सिनाङ मङ खक्छ्येवु वे। च्यिलासिसिन कोन्छ्योककी मीतिवाला ती सिनाङ मङ ल्यामु ताम्ङे तेरुपला थाक्छ्येनी खोकी मी ताङ मुला ताम्ङे सम्बा थाक्छ्येन नाङ्सुङ।
तुक क्यानी ख्रीष्ट ति कोन्छ्योक ताङ मीतिवी पर्ला थाक्छ्येतुप ताम्ङे सम्बाला डिङ तेरुप लाका क्या नङ्गिवी। खोकी तुक क्या नङ्गुप ति कोन्छ्योककी कतङ्गुप मीतिवाला नरीकी थोक्ला खोकी थाक्छ्येन नङ्गुप मोलाम ति थोप्शी सिनी यिन। च्यिलासिसिन खो मीतिवी गोमी थाक्छ्येतुप ठिमला क्यावु दिक्पा ने थर ज्यितुपला टुङ्सुङ।
Sanasan