१ तिमोथी 2:3 - कोन्छ्‌योककी सुङ

³ दी ति दाक्‍पुला दिक्‍पा ने थर ज्‍यितुप कोन्‍छ्‍योककी थोङ्‍दाङला ल्‍यामु ताङ खोला सोवा देक छ्‍योवु डिवी।

१ तिमोथी 2:3 Iomraidhean Croise

लूका 1:47

तमा ङे सेमगी दिङ नेज्‍युनी ङला थर ज्‍यितुप कोन्‍छ्‍योकला गा किवी,

रोमी 14:18

चुका मी तीकी तुका लाका क्‍यानी ख्रीष्‍टला शब्‍ज्‍यी बुल्‍गिवे, तीकी कोन्‍छ्‍योकला गा लोङ्‍गुप लाका किवी, तमा मीतिवी साङ तीला ल्‍यामु सिनी चिताङ किवी।

फिलिप्पी 1:11

तमा येशू ख्रीष्‍ट नेमा वुङ्‍गुप टेङ्‍बुकी ख्‍यिरा मिजीला डेलु गरुप दोके छाछिङी च्‍युङ्‍नी कोन्‍छ्‍योकला मोवा कितुप ताङ सोवा देकुप च्‍युङ थुप्‍शी।

फिलिप्पी 4:18

ख्‍यिरा इपाफ्रोडिटसला कल्‍नी तङ्‍गुप बुल्‍वा ति ङे लकला ख्‍येल्‍सुङ। ती बुल्‍वातिवा ङे थोप गोवु सिनाङ मङ यिन। ती ति टी जङ्‍बु खाप पो दोके ताङ कोन्‍छ्‍योकला गा लङ्‍गुप ताङ खोकी सेमला डोप जिन्‍बा दोके यिन।

कलस्सी 1:10

तुक क्‍यासिन ख्‍यिरा चोवोकी सेमला डोप मिजी क्‍याङ्‍नी नरी खोला गा लोङ थुप्‍किवी। तमा ख्‍यिराङ तेरी मङ मङ लाका ल्‍यामु कितुप च्‍युङ्‍नी कोन्‍छ्‍योककी नङ्‍गुप रिक्‍पाला फरिन डिवी।

१ थेसलोनिकी 4:1

तेरी सिनाङ तिङ्‍ला अच्‍युनुपतिवा, चोवो येशूकी मिङला ङ्‍यिराङ ठाकुरे सिनी ख्‍यिराङला गोङ्‍बा शुनी टोङ्‍गु तेरिनो। ख्‍यिरा मिजी चुक क्‍यानी क्‍योङ गोकिवी, चुक क्‍यानी कोन्‍छ्‍योकला गा लोङ गोकिवी सिनी ख्‍यिरा ङ्‍यिरा नेसुर लाप्‍सुङ। तमा तन्‍दा सेक ती दोके कियी वे, तरोङ साङ ख्‍यिराङ मङ मङ फरिन ग्‍युक।

१ तिमोथी 1:1

टसी देलेक! दी यिकी ति दाक्‍पुला थर्वा नङ्‍गुप चोवो कोन्‍छ्‍योक ताङ दाक्‍पी रेवा क्‍यावु येशू ख्रीष्‍टकी क नेसुर खोकी लोमा छ्‍ये च्‍युङ्‍गुपला पेतुप ङ पावलकी

१ तिमोथी 4:10

तीकी थोक्‍ला राङ दाक्‍पु हुर्ताक ताङ टेमु कियी वे, च्‍यिलासिसिन दाक्‍पी रेवा ति ङोसु वोतुप कोन्‍छ्‍योकला वे। खो ति मी तेरीकी कोन्‍छ्‍योक यिन, खोकी खक्‍छ्‍येवुला तेपा कितुप मीतिवाला दिक्‍पा ने थर ज्‍यिकिवी।

१ तिमोथी 5:4

यिने ललाइ युक्‍सिमकी ति खोरो पुज्‍युङपुम याङ्‍ना नातीनातिनीतिवा वोसिन, तिवी राङ तीला दाल्‍जा किशी। च्‍यिलासिसिन तिवी खोप्‍रे खाङ्‍बा राङ टेङ्‍बुकी लाका कितुप ताङ खोप्‍रे पपाआमी ठिलेन च्‍योलुप लोप्‍शी। ती ति कोन्‍छ्‍योककी थोङ्‍दाङला ल्‍यामु यिन।

२ तिमोथी 1:9

खोकी दाक्‍पुला दिक्‍पा ने थर च्‍यिनी दाक्‍पु टेङ्‍बु च्‍युङ्‍गुपला कताङ नाङ्‍सुङ। ती ति दाक्‍पी लाका ल्‍यामु क्‍यावु तप्‍की मिन, यिने खोकी नोवा ताङ कटिनकी जोसालेन्‍सिन यिन। ती कटिन ति जम्‍बुलिङ ज्‍येङ्‍गुप पेला नेज्‍युनी येशू ख्रीष्‍ट नेसुर खोकी दाक्‍पुला नङ वे।

हिब्रू 13:16

च्‍यिककी च्‍यिकला ल्‍यामु कितुप ताङ रङगी लोला वोतुप च्‍यालकतिवा यम्‍बा गोवुतिवाला तेरुप लाका कितुप टोक माज्‍येता। च्‍यिलासिसिन दाक्‍पी तुका जिन्‍बा पुलुप ति कोन्‍छ्‍योकला सेमला डिवी।

१ पत्रुस 2:20

दोजो ख्‍यिरा लाका दुक्‍टा क्‍यावु तप्‍की ख्‍यिराङला मी दुसिनाङ हम क्‍यानी देसिन ख्‍येप्‍साङ गिवी सिसिन, ख्‍यिरा लाका ल्‍यामु क्‍यानी दुक्‍पा खुरुप पेला हम क्‍या देकिवी सिसिन कोन्‍छ्‍योककी ख्‍यिराङला गा किवी।

१ पत्रुस 2:5

ख्‍यिराङ साङ कोन्‍छ्‍योककी मिजी नङ्‍गुप दो दोके यिन। खोकी ती दोतिवा दुम्‍नी खोरे थु चाङ्‍माकी ल्‍हङाङ जो नङ्‍गिवी। तुक क्‍यानी ख्‍यिराङ ति येशू ख्रीष्‍ट नेसुर सेम टेङ्‍बु क्‍यानी कोन्‍छ्‍योकला गा लङ्‍गुप जिन्‍बा बुलुप चाङ्‍मा वोतुप कोङ्‍यारतिवा यिनो।