१ तिमोथी 2:2 - कोन्छ्‌योककी सुङ

² तमा ग्‍येल्‍वुतिवा ताङ ग्‍येल्‍वी ओङला लाका कितुप मी छ्‍येतिवा तेरीकी थोक्‍ला साङ मोपोर की। तुक क्‍यासिन दाक्‍पु लोदिमु क्‍यानी कोन्‍छ्‍योकला सोवा देकुप ताङ ल्‍यामु वोतुप मिजी क्‍योङ थुप्‍शी।

१ तिमोथी 2:2 Iomraidhean Croise

लूका 1:6

तिवा ङ्‍यिकर कोन्‍छ्‍योककी थोङ्‍दाङला टेङ्‍बु नोक, तमा कोन्‍छ्‍योककी तेरी क ताङ ठिमला क्‍येन मेता क्‍यानी तेन्‍गिनोक।

लूका 2:25

तमा ती पेला यरूशलेमला शिमियोन सिरुप मी यी नोक। ती ति कोन्‍छ्‍योककी थोङ्‍दाङला टेङ्‍बु वोतुप ताङ कोन्‍छ्‍योकला मोवा कितुप मी यिनोक। तीकी कोन्‍छ्‍योककी इस्राएलकी मीतिवाला थर ज्‍यितुप तीला गुनी देनोक, तमा तीला कोन्‍छ्‍योककी थु चाङ्‍मा थोप्‍नी नोक।

लोमा छ्‍येतिवी लाका 10:22

तमा तिवी सिक्‍यासुङ, “ङ्‍यिराङला याङ रोमी मक्‍मी सयी च्‍यिककी खकी छ्‍ये कर्नेलियसकी तङ्‍गुप यिन। खो ति कोन्‍छ्‍योककी थोङ्‍दाङला टेङ्‍बु वोतुप ताङ खोला ज्‍यिवा कितुप ताङ यहूदीतिवा तेरीकी ताङ्‍देन क्‍यावु मी यिन। चाङ्‍मा वोतुप देवाच्‍येनकी लेन क्‍योलुप थु यीकी ख्‍योरो ताम्‍ङे ङ्‍येन्‍दुपला ख्‍युरुङला कताङ्‍नी शोक सिनी खोला सुङ्‍नोक।”

लोमा छ्‍येतिवी लाका 24:16

ती तप्‍की कोन्‍छ्‍योककी थोङ्‍दाङला ताङ मीतिवी थोक्‍ला साङ ङ नरी टेङ्‍बु कितुप छोलिन।

रोमी 12:18

दे थुप्‍सिन मी तेरी ताङ मुला डिक्‍नी दे।

फिलिप्पी 4:8

तेरी सिनाङ तिङ्‍ला अच्‍युनुपतिवा, चुका ताम्‍ङे ति टेङ्‍बु नोके, चुका ताम्‍ङेला ताङ्‍देन कि गोवु नोके, चुका ताम्‍ङे टेके नोके, चुका ताम्‍ङे ति क्‍येन मेतुप नोके, चुका ताम्‍ङे ति ङ्‍यिङ्‍ज्‍येवु नोके, चुका ताम्‍ङे ति चिताङ कि गोवु नोके, तीला राङ नासाम तोङ। दोजो ललाइ छ्‍ये ताङ टेन छ्‍योवु वोसिन ती ताम्‍ङे ति ल्‍यामु नासाम तोङा।

१ थेसलोनिकी 4:11

ङ्‍यिरा ख्‍यिराङला टोङ्‍गु बिन्‍दुप दोके मी यम्‍बी कोर्ला ताम्‍ङे माकी, यिने दाक दाक्‍पी लाकाला नासाम तङ्‍नी लाका की।

हिब्रू 12:14

तेरी मीतिवी मुला लोदिमु क्‍यानी थिन्‍नी दे थुपा की, तमा टेङ्‍बु क्‍यानी मिजी क्‍योङ थुपा की। टेङ्‍बु मेसिन सी साङ कोन्‍छ्‍योकला मोथोङ्‍गिवी।