१ तिमोथी 2:1 - कोन्छ्‌योककी सुङ

¹ तेरी सिनाङ गोमाला ङ ख्‍युरुङला ठाकुरे सिरिन। तेपा कितुप तेरी मीतिवी थोक्‍ला ख्‍योरो कोन्‍छ्‍योकला गोङ्‍बा शुनी मोपोर कितुप ताङ खोला थुचिछे पुल।

१ तिमोथी 2:1 Iomraidhean Croise

लोमा छ्‍येतिवी लाका 17:30

गोमाला मीतिवी हाक्‍माकोनी क्‍यावु तेरी लाकातिवाला कोन्‍छ्‍योककी ङ्‍याम माक्‍या, यिने तफेन्‍ला दासा तेरीकी मीतिवी सेम ग्‍युर गोकिवी सिनी क नङ वे।

रोमी 1:8

थल्‍माला ख्‍यिराङ तेरीकी थोक्‍ला येशू ख्रीष्‍टकी छ्‍योक नेमा ङ ङे कोन्‍छ्‍योकला थुचिछे बुल्‍गिवी, च्‍यिलासिसिन ख्‍यिरा खोला तेपा क्‍यावु ताम्‍ङे ति जम्‍बुलिङ तेरीला टम वे।

रोमी 6:17

यिने कोन्‍छ्‍योकला थुचिछे बुल गोकिवी, च्‍यिलासिसिन तोङ्‍ला ख्‍यिराङ थेङ्‍मा यी दिक्‍पाकी योक्‍पु च्‍युङ्‍नी वे, यिने त याङ ङ्‍यिरा ख्‍यिराङला कोन्‍छ्‍योककी कोर्ला नङ्‍गुप येन्‍देन ति टेङ्‍बु नोक सिनी ख्‍यिरा सेमगी दिङ नेज्‍युनी ङ्‍येन्‍दुप तप्‍की

१ कोरिन्‍थी 15:3

ङला थोपुप तेरी सिनाङ खक्‍छ्‍येवु सुङ ति ङे ख्‍यिराङला ख्‍याप्‍टाक क्‍यावु यिन। ती सुङगी तेन्‍दोक ति कोन्‍छ्‍योककी सुङला सुङ्‍गुप दोके ख्रीष्‍ट दाक्‍पी दिक्‍पी थोक्‍ला टुङ्‍गुप यिन।

२ कोरिन्थी 8:6

तुक क्‍यानी तीतसकी गोमा नेज्‍युनी सेम्‍बा सेमगी दाल्‍जा कितुप लाका ति गो चुवु तप्‍की ती कटिनकी लाका ति ख्‍यिरा पर्ला सिन्‍दा कितुपला दाल्‍जा किटे किशी सिनी ङ्‍यिरा तीला टोङ्‍गु बिनिन।

एफिसी 3:13

तुक क्‍यानी ङ ख्‍यिराङला गोङ्‍बा शोयी, ख्‍यिरा थोक्‍ला ङे छेटाङ खुर्सुङ सिनी ख्‍यिराङ यिछ्‍येता माकी। दी ति ख्‍यिरा थोक्‍ला छासे ताङ्‍देन वोतुप ताम्‍ङे यिन।

एफिसी 5:20

नरी तेरी ताम्‍ङेकी थोक्‍ला दाक्‍पी चोवो येशू ख्रीष्‍टकी मिङला पपा कोन्‍छ्‌योकला थुचिछे पुल।

एफिसी 6:18

नरी खोकी थु चाङ्‍माकी क्‍येङ्‍नी तेरीकी थोक्‍ला मोपोर ताङ गोङ्‍बा पुल। तोजो तिराङ मिन, टेमु ताङ च्‍याङ्‍से क्‍यानी कोन्‍छ्‌योकला तेपा कितुपतिवा तेरीकी थोक्‍ला नरी मोपोर किसा।

फिलिप्पी 1:3

नाम्‍साङ ख्‍यिराङला टेन्‍दुप पेला ङ ङे कोन्‍छ्‍योकला थुचिछे बुलिन।

फिलिप्पी 4:6

ख्‍यिराङ काङ साङ पप माकी, यिने मोपोर कितुप पेला कोन्‍छ्‍योकला थुचिछे पुल्‍नी ख्‍यिराङला गोवु तेरी ताम्‍ङेकी थोक्‍ला खोला गोङ्‍बा शु।

१ थेसलोनिकी 3:12

चुक क्‍यानी ङ्‍यिरा ख्‍यिराङला ङ्‍यिङ्‍ज्‍ये क्‍यावे, तुक राङ क्‍यानी कोन्‍छ्‍योककी ख्‍यिराङला च्‍यिककी च्‍यिकला ताङ मी तेरीला मङ मङ ङ्‍यिङ्‍ज्‍ये कितुप जो नङ्‍शी।

२ थेसलोनिकी 1:3

अच्‍युनुपतिवा, ख्‍यिरा थोक्‍ला ङ्‍यिराङ नरी कोन्‍छ्‍योकला थुचिछे बुल राङ गोकिवी। च्‍यिलासिसिन ख्‍यिरा येशूला क्‍यावु तेपा ति ङ्‍यिमा तक्‍पा रम्‍बु डोयी वे। तमा ख्‍यिरा च्‍यिककी च्‍यिकला मङ मङ ङ्‍यिङ्‍ज्‍ये साङ छासे कियी वे।

१ तिमोथी 2:4

मीतिवा तेरी दिक्‍पा ने थर्नी टेङ्‍बु वोतुप कोन्‍छ्‍योककी रिक्‍पा ङ्‍येशी सिरुप ति कोन्‍छ्‍योककी नोवा यिन।

१ तिमोथी 5:5

यिने खोरो ति सु साङ मेतुप युक्‍सिमतिवी वुतुङ के कोन्‍छ्‍योकला तिराङ रेवा क्‍यावु गिवी। तमा ङ्‍यी ताङ नुप्‍ज्‍या खोला राङ गोङ्‍बा शु शुवा देकिवी।

२ तिमोथी 2:24

कोन्‍छ्‍योककी थोक्‍ला शब्‍ज्‍यी कितुप मी तीकी थमु ग्‍यकुप मेवी, यिने तेरी मीतिवाला च्‍यङ्‍च्‍यु कितुप ताङ तिवाला ल्‍यामु क्‍यानी येन्‍देन तेरुप ताङ हम क्‍या देतुप ताङ

तीतस 2:11

च्‍यिलासिसिन कोन्‍छ्‍योककी तेरी मीतिवाला दिक्‍पा ने थर ज्‍यितुपला कटिन नङ वे।

तीतस 3:2

तमा तिवा सी तेन्‍दोकला साङ मालङ्‍शी, खाँदा मिकिशी, सेम बोल्‍मु ताङ मी तेरीकी मुला कुसु ज्‍यम्‍बु वुङ गोकिवी सिनी तिवाला टेन्‍सो कि च्‍यी।

हिब्रू 6:11

ख्‍यिराङ रे रेकी रेवा क्‍यावु ति तेरी च्‍युङ्‍गुपला तुक क्‍यावु ति तिङ्‍ला सेक तुकै राङ क्‍यानी देकिवी सिरुप ति ङ्‍यिरा नोवा वे।

याकूब 5:16

ती तप्‍की ख्‍यिराङ च्‍यिककी च्‍यिकला ङे दिक्‍पा क्‍यावु यिन सिनी सेम ग्‍युर, तमा च्‍यिककी च्‍यिकला मोपोर की। तुक क्‍यासिन चोवोकी ख्‍यिराङला टेक ज्‍यिकिवी। च्‍यिलासिसिन कोन्‍छ्‍योककी थोङ्‍दाङला टेङ्‍बु वोतुप मीतिवी क्‍यावु मोपोर ति ङार छ्‍येवु गिवी।