१ तिमोथी 1:7 - कोन्छ्‌योककी सुङ

⁷ तिवा खोप्‍राङला ति मोशाकी ठिमकी गेकेन सिरुप नोकिवी, यिने तिवी खोप्‍रे क्‍यावु ताम्‍ङे ताङ तेन्‍तेन क्‍यानी लापुप ताम्‍ङे ति खोप्‍राङला राङ ल्‍यामु हाक्‍मोकोवी।

१ तिमोथी 1:7 Iomraidhean Croise

मत्ती 15:14

तुक क्‍यानी तिवाला ङ्‍याम माकी। तिवा खोरुङ मिक शर्वा यिन्‍सिनाङ यम्‍बा मिक शर्वाला गोमा कितुप मी यिन। मिक शर्वाकी मिक शर्वाला टिसिन ङ्‍यिकर मुक्‍तुमला ख्‍येल्‍गिवी।”

मत्ती 21:27

ती तप्‍की तिवी, “ङ्‍यिराङला याङ छ्‍या राङ मे।” सिनी सिक्‍यासुङ। तमा येशूकी तिवाला “तुकै यिन्‍सिन ङ साङ ख्‍यिराङला चुका ओङ्‍ज्‍येनला दी लाका कियी वे, ती ति मिसिर।” सिनी सुङ्‍सुङ।

लूका 2:46

तमा ङ्‍यिमा सुमकी तिङ्‍ला राङ तिवी येशूला यहूदी ल्‍हङाङला ठेसुङ। ती पेला खो ति यहूदी छ्‍योकी गेकेनतिवी पर्ला देनी तिवी ताम्‍ङे ङ्‍येनिन ताङ तिवाला ताम्‍ङे टिवा कियी नोक।

लोमा छ्‍येतिवी लाका 15:1

ती पेला यहूदिया नेसुर मी ललाइ एन्‍टिओखियाला वानी तेकी तेपा कितुप मीतिवाला “मोशाकी ठिमला सिक्‍यावु दोके यहूदीतिवी च्‍येतुप लुक्‍सु माक्‍यासुङ सिसिन कोन्‍छ्‍योककी ख्‍यिराङला दिक्‍पा ने थर मिज्‍यिवी।” सिनी येन्‍देन बिन्‍सुङ।

रोमी 1:22

तुक क्‍यानी मीतिवी ङ च्‍यङ्‍बु यिन सिनी सिवी, यिने तिवा अम्‍बारङ्‍शिङ कितुप राङ गल वे।

गलाती 3:2

ङ ख्‍यिराङला ताम्‍ङे यी टेयिन। ती ति काङ यिन सिसिन, ख्‍यिरा कोन्‍छ्‍योककी थु चाङ्‍मा ति मोशाकी ठिमकी लाका क्‍यानी थोपुप यिन की, कोन्‍छ्‍योककी सुङला तेपा क्‍यानी थोपुप यिन?

गलाती 3:5

दी ख्‍यिरा मिजीला वोतुप खोकी थु चाङ्‍माकी लाका ताङ हलेवु लाका ति ख्‍यिरा मोशाकी ठिमला तेन्‍नी थोपुप यिन की, येशू ख्रीष्‍टकी लेन ल्‍यामुला थोनी तेपा क्‍यानी थोपुप यिन?

गलाती 4:21

ख्‍यिराङ मोशाकी ठिमकी ओङला देतुप नो कितुपतिवाला ङ ताम्‍ङे यी टेयी। मोशाकी ठिमकी दाक्‍पुला काङ लोप्‍किवी ख्‍यिराङला छ्‍या वे?

१ तिमोथी 6:4

तुका मी ति ङ राङ यिन सिनी सिवी, तीकी काङ साङ येन्‍देन शेवु मेवी। तमा तीकी तेन्‍दोक मेतुप ताम्‍ङेला केवुल कितुप तिराङ क्‍यानी ताम्‍ङे छिक रे रेला थमु ग्‍यकुप छोल्‍गिवी। तीकी जोसालेन्‍सिन ठतोक कितुप ताङ खाँदा शोरुप ताङ मारे तोङ्‍गुप ताङ नाम्‍दोक मेलोवातिवा वुङ्‍गिवी।

२ तिमोथी 3:7

तुका पुम्‍पेजातिवा लोपुप याङ नरी लोप्‍किवी, यिने ताम्‍ङे टेङ्‍बु ति नाम्‍साङ हाक्‍मोकोवी।

याकूब 3:1

ङे ङ्‍यिङ्‍ज्‍येवु अच्‍युनुपतिवा, ख्‍यिरा पर्ला माङ्‍शोक गेकेन च्‍युङ्‍गुप नो माकी, च्‍यिलासिसिन येन्‍देन तेरुप गेकेनतिवाला कोन्‍छ्‍योककी मङ छासे क्‍यानी पर्च्या तोङ्‍गिवी।

२ पत्रुस 2:12

यिने ती गेकेन मेटेङ्‍बुतिवा याङ खोरो हाक्‍माकोवु ताम्‍ङेला मारे तोङ्‍गिवी। तिवा नो मेशेवु सेम्‍ज्‍येनतिवा दोके यिन्‍दुप तप्‍की खोप्‍राङ नोवाला तिराङ युकिवी। तिवा जिम्‍नी सेतुपकी थोक्‍ला क्‍येवु सेम्‍ज्‍येन दोके यिन। तुक क्‍यानी सेम्‍ज्‍येनतिवा दोके तिवा ना डिवी।