१ तिमोथी 1:4 - कोन्छ्‌योककी सुङ

⁴ तमा तिवाला यहूदी गिपाकी पगावा हङ्‍गावाकी काङ काङ क्‍यासुङ, तिवा सु सु यिन सिरुप कोर्ला साङ ङ्‍याम अला माकी सिनी क तेरुपला यिन। च्‍यिलासिसिन तुक क्‍यावु ति कोन्‍छ्‍योककी खोरे नोवाला क्‍यावु लाकाकी थोक्‍ला ताम्‍ङे कितुप सिनाङ केवुल तिराङ क्‍यावु यिन।

१ तिमोथी 1:4 Iomraidhean Croise

२ कोरिन्थी 1:12

ङ्‍यिराङ दी ताम्‍ङेला तेके किवी, तमा ङ सेम टेङ्‍बुकी पङ्बु तेरिन। दी जम्‍बुलिङला देनी क्‍यावु ङ्‍यिरा किताङ नालु ताङ खक्‍छ्‍येवुला ख्‍यिरा मुकी तम्‍जीला ताम्‍ङे जिनोक माजोनी कोन्‍छ्‍योक नेमा वावु टेङ्‍बुला क्‍यावु यिन। ङ्‍यिरा तुक क्‍यावु ति जम्‍बुलिङकी रिक्‍पा नेमा वावु मिन, कोन्‍छ्‍योककी कटिन नेमा वावु यिन।

एफिसी 3:2

ख्‍यिराङ यहूदी मिन्‍दुप मिरिक यम्‍बातिवाला लेन ल्‍यामु ख्‍याप्‍टाक कितुपला कोन्‍छ्‌योककी ङला चेक तेतुप कटिनकी कोर्ला वुतुङ के ख्‍यिरा थोनी वे सिरुप ति ङला नोवा वे।

१ तिमोथी 3:16

वुतुङ के छ्‍याकला वोतुप दाक्‍पी क्‍यावु तेपाकी तेन्‍दोक ति छासे छ्‍ये वे। “येशू ख्रीष्‍ट ति मी जुजमला दी जम्‍बुलिङला फेप्‍सुङ। तमा कोन्‍छ्‍योककी थु चाङ्‍माकी खोला टेङ्‍बु वोतुप सिनी चिसुङ। खो देवाच्‍येनकी लेन क्‍योलुप थुतिवी पर्ला थोङ्‍सुङ। तमा खोकी कोर्ला लुङ्‍बा लुङ्‍बाला ख्‍याप्‍टाक क्‍यासुङ। जम्‍बुलिङकी मीतिवी खोला तेपा क्‍यासुङ। येलुङ कोन्‍छ्‍योककी खोला ताङ्‍देन ताङ क्‍यानी देवाच्‍येन ने तेक्‍नी फेप्‍सुङ।”

१ तिमोथी 4:7

कोन्‍छ्‍योकला मोवा मेतुप ताङ तेन्‍दोक मेतुप पेतिवा नेसुर ख्‍युरुङ कुतुक दे। तमा खोला मोवा कितुपला तालिम की।

१ तिमोथी 6:11

यिने ख्‍युरुङ ति कोन्‍छ्‍योककी गिपा यिन्‍दुप तप्‍की तुका ताम्‍ङे मेलोवातिवा नासाम माताङ्‍नी टेङ्‍बु ताङ मोवा ताङ तेपा ताङ ङ्‍यिङ्‍ज्‍ये ताङ हम क्‍यानी देतुप ताङ कुसु ज्‍यम्‍बु कितुप छोल।

१ तिमोथी 6:20

आङ तिमोथी, कोन्‍छ्‍योककी ख्‍युरुङला काङ लाका चेक तेन नङ वे, ती ति ल्‍यामो क्‍यानी र्‍होक्‍नी ज्‍योक। तेन्‍दोक मेतुप ताम्‍ङेतिवा क्‍युर्नी ज्‍योक। तिवी रिक्‍पा वोतुप यिन सिवी, यिने ती वुतुङ्‍की रिक्‍पा मेतुप मीतिवी ताम्‍ङे नेसुर कुतुक दे।

२ तिमोथी 2:14

दी ताम्‍ङेकी कोर्ला तेपा कितुप मीतिवाला टेन्‍दा लोङ। तमा चोवो कोन्‍छ्‍योककी थोङ्‍दाङला क बिन्‍नी तिवा ताम्‍ङे छिक च्‍यिकला साङ खाँदा मिकिशी। तुका ताम्‍ङे ति काङ साङ फेन मोथोवु यिन, ती ताम्‍ङेकी जोसालेन्‍सिन ङ्‍येन्‍दुपतिवाला मेलोवा जेवी।

२ तिमोथी 2:22

ख्‍युरुङ नाज्‍युङ वोतुप पेला नासाम शरुप ताम्‍ङे मेलोवातिवा क्‍युर, तमा सेम टेङ्‍बु क्‍यानी कोन्‍छ्‍योकला तेपा कितुपतिवी मुला राङ टेङ्‍बु कितुप ताङ तेपा रम्‍बु कितुप ताङ मी यम्‍बाला ङ्‍यिङ्‍ज्‍ये कितुप ताङ लोदिमु कितुप छोल।

२ तिमोथी 2:23

यिने काङ साङ हाक्‍मोकोवु तेन्‍दोक मेतुप ताम्‍ङेला माङ्‍येन। च्‍यिलासिसिन तुका ताम्‍ङेकी थमु तिराङ लोङ्‍गिवी सिरुप ति ख्‍युरुङला साङ छ्‍या वे।

२ तिमोथी 4:4

तिवा येन्‍देन टेङ्‍बुला ति ङ्‍येन्‍दुप नो मिकिवी, यिने मीतिवी शेतुप तेन्‍दोक मेतुप पेतिवा तिराङ ङ्‍येन्‍दुप गा किवी।

तीतस 1:1

दी यिकी ति कोन्‍छ्‍योककी लावा ताङ चोवो येशूकी लोमा छ्‍ये ङ पावलकी तङ्‍गुप यिन। कोन्‍छ्‍योककी पेतुपतिवाला टेङ्‍बुला तेपा कि ज्‍यितुप ताङ खोकी रिक्‍पा वोतुप सुङ ति ल्‍यामु क्‍यानी हाक्‍को ज्‍यितुपला कोन्‍छ्‍योककी ङला लोमा छ्‍ये जो नाङ्‍सुङ।

तीतस 1:14

तमा यहूदीतिवी जोवु फेन मोथोवु पे ताङ ताम्‍ङे मेटेङ्‍बु कितुप मीतिवी योक कुतुप ताम्‍ङेला तिवा ङ्‍याम मिकिशी।

तीतस 3:9

यिने ताम्‍ङे अम्‍बारङ्‍शिङ कितुप ताङ गिपाकी कोर्ला फेन मोथोवु ताम्‍ङे कितुप ताङ खाँदा कितुप ताङ ठिमकी कोर्ला थमु ग्‍यकुपतिवी नेसुर क्‍योक्‍से की, च्‍यिलासिसिन दी ताम्‍ङेतिवा ति ख्‍येप्‍साङ मेतुप ताङ तेर्मे यिन।

हिब्रू 13:9

ख्‍यिराङ नम्‍बा कुतुककी येन्‍देन मेटेङ्‍बुला मेख्‍येल्‍शी। साप थुङ्‍गुप लुक्‍सुतिवा तेन्‍नी मिन, यिने कोन्‍छ्‍योककी कटिन नेमा ख्‍यिरा सेम रम्‍बु च्‍युङ्‍गुप ति ल्‍यामु यिन। तुका लुक्‍सुतिवा तेन्‍नी ख्‍यिराङला काङ साङ ख्‍येप्‍साङ मेवी।

२ पत्रुस 1:16

ङ्‍यिरा ख्‍यिराङला चोवो येशू ख्रीष्‍ट चोछ्‍येवु वोतुप ताङ खो येलुङ फेवु कोर्ला लेन ल्‍यामु ख्‍याप्‍टाक क्‍यावु ति टेङ्‍बु मेतुप जिनोक जोप पे मिन, यिने ङ्‍यिरा वुतुङ के मिककी थोङ्‍गुप खोकी मोवाकी कोर्ला पङ्‍बु बिन्‍दुप यिन।