१ तिमोथी 1:20 - कोन्छ्‌योककी सुङ

²⁰ तिवी पर्ला हुमेनियस ताङ अलेक्‍जेन्‍डर साङ यिन। तिवी कोन्‍छ्‍योकला मारे तोङ्‍गुप मेङ्‍नोक सिरुप ति हाक्‍कोशी सिनी ङे तिवाला शैतानकी लकला ख्‍येल च्‍यितुप यिन।

१ तिमोथी 1:20 Iomraidhean Croise

मत्ती 18:17

यिने तीकी तिवी ताम्‍ङे साङ माङ्‍येन्‍सिन ती ताम्‍ङे ति चर्चला सी। चर्चकी ताम्‍ङे साङ तीकी माङ्‍येन्‍सिन तीला कोन्‍छ्‍योकला ङा माशेवु मिरिक यम्‍बाकी मी याङ्‍ना से दुतुप मी दोके नासाम तोङ।

लोमा छ्‍येतिवी लाका 13:45

मी माङ्‍छ्‍योक वुङ्‍गुप थोङ्‍नी यहूदीतिवा ठतोक लानी पावलकी मीतिवाला लापुप ताम्‍ङे ति टेङ्‍बु मिन सिनी पावलकी तेन्‍दोकला लासुङ।

लोमा छ्‍येतिवी लाका 19:33

तमा ते वोतुप यहूदीतिवी अलेक्‍जेन्‍डरला दी हराङ हुरुङ क्‍यावु तेन्‍दोकला ताम्‍ङे की सिनी मीतिवी दोङ्‍ला पुल्‍नी ताङ्‍सिमा तीकी मीतिवाला खरक्‍पा दे सिनी लाक्‍पी छ्‍याक्‍के क्‍यानी मीतिवाला ताम्‍ङे सिरुप छाल्‍सुङ।

१ कोरिन्‍थी 11:32

दाक्‍पु ति जम्‍बुलिङकी मीतिवी मुला राङ ना मोडोशी सिनी कोन्‍छ्‍योककी दाक्‍पुला ठिम क्‍या नङ्‍गिवी, तमा छेटाङ साङ तेर्किवी।

२ कोरिन्थी 10:6

ख्‍यिरा ख्रीष्‍टकी कतिवा तेरी ङ्‍येन्‍दुप छे सिन्‍सिमा खोकी कला मेङ्‍येन्‍दुपतिवा तेरीला ङ्‍यिराङ ठिम कितुपला टडिक क्‍यानी देतिनो।

२ कोरिन्थी 13:10

ख्‍यिरा मु नेसुर ङ थाक्‍रिङ्‍बु वोतुप तप्‍की दी यिकी टिकिन वोतो। दीकी तेन्‍दोक ति ङ ख्‍यिरा ते वुङ्‍गुप पेला चोवोकी ङला नङ्‍गुप ओङ्‍ज्‍येन नेसुर ङे ख्‍यिराङला च्‍युरुवु कि मोगोशिता। ती ओङ्‍ज्‍येन ति ख्यिराङला ना तोङ्‍गुपला मिन, तेपा रम्‍बु जोपला यिन।

२ थेसलोनिकी 3:15

यिन्‍सिनाङ तिवाला डला माजो, यिने रङगी नुपला दोके क्‍यानी टोङ्‍गु बिन।

१ तिमोथी 5:15

च्‍यिलासिसिन ललाइ ललाइ युक्‍सिमातिवा याङ गोमाला के येशूला तेपा कितुप क्‍युर ज्‍याक्‍नी शैतानकी थाकाला गल वे।

२ तिमोथी 2:14

दी ताम्‍ङेकी कोर्ला तेपा कितुप मीतिवाला टेन्‍दा लोङ। तमा चोवो कोन्‍छ्‍योककी थोङ्‍दाङला क बिन्‍नी तिवा ताम्‍ङे छिक च्‍यिकला साङ खाँदा मिकिशी। तुका ताम्‍ङे ति काङ साङ फेन मोथोवु यिन, ती ताम्‍ङेकी जोसालेन्‍सिन ङ्‍येन्‍दुपतिवाला मेलोवा जेवी।

२ तिमोथी 2:17

तुका ताम्‍ङेतिवा म बुनी ङमु ग्‍यावु दोके यिन। तुका ताम्‍ङे मेटेङ्‍बु कितुपतिवी पर्ला हुमेनियस ताङ फिलेतस साङ यिनो।

२ तिमोथी 3:2

ती तुजेला मीतिवा खोरो थोक्‍ला तिराङ नासाम तोङ्‍गुप ताङ टङ्‍गा डेवाला तिराङ चा कितुप ताङ अम्‍बारङ्‍शिङ कितुप ताङ तेके कितुप ताङ मीला मारे तोङ्‍गुप ताङ पपाआमी खला मेङ्‍येन्‍दुप ताङ टेन मसम्‍बुप ताङ कोन्‍छ्‍योकला ताङ्‍देन मिकिवु ताङ

हिब्रू 12:5

तमा काङ कोन्‍छ्‍योककी सुङगी नाङ्‍ला ख्‍यिराङला खोरो पुज्‍युङतिवाला दोके दुक सिनी टोङ्‍गु बिन्‍दुप ति ख्‍यिरा टोक ज्‍येसुङ? खोकी दुक सिनी सुङ वे, “ओ ङे पुज्‍युङ, चोवो कोन्‍छ्‍योककी ख्‍युरुङला ल्‍यामु च्‍युङ्‍शी सिनी छालेन बिन्‍दुप ति खोङ्‍याम की, खोकी ख्‍युरुङला कप्‍क्‍येन नङ्‍गुप पेला ख्‍युरुङ यिछ्‍येता माकी।

ज्‍यल्‍का 13:1

तमा येलुङ ग्‍येम्‍छो नाङ ने सेम्‍ज्‍येन च्‍यिक थेन्‍दुप ति ङे थोङ्‍सुङ। तीकी ति अर्क्योक च्‍यिथम्‍बा ताङ गो दिन चोके नोक। तमा अर्क्योक रे रेला ग्‍येल्‍वी उशाक कोन्‍नोक। तमा ती गो रे रेला कोन्‍छ्‍योकला मारे तोङ्‍गुप मिङ टिनी नोक।

ज्‍यल्‍का 3:19

सुला ङ ङ्‍यिङ्‍ज्‍ये किवे, तीला वोरु साङ देनिन, तमा ल्‍यामु जोपला छ्‍येर्पा साङ तेरिन। तुक क्‍यानी ख्‍यिराङ मङ टेमु क्‍यानी दिक्‍पा ने ग्‍युर।