१ तिमोथी 1:19 - कोन्छ्‌योककी सुङ

¹⁹ तमा येशू ख्रीष्‍टला तेपा कितुप ताङ सेम टेङ्‍बु क्‍यानी दे। ललाइ ललाइकी सेम टेङ्‍बु माक्‍यानी खोरो क्‍यावु तेपा साङ ना गाल्‍सुङ।

१ तिमोथी 1:19 Iomraidhean Croise

मत्ती 6:27

ख्‍यिरा पर ने सी पप क्‍यानी रङगी छे चेयी साङ रिङ्‍बु जो थुप्‍किवी रो?

१ कोरिन्‍थी 11:19

ख्‍यिरा पर्ला कोन्‍छ्‍योककी थोङ्‍दाङला मी टेङ्‍बु मेटेङ्‍बु सु यिन सिरुप ति हाक्‍कोवुला तुका ताम्‍ङेतिवा वुङ राङ गोकिवी।

गलाती 5:4

ख्‍यिराङ खुरुङला टेङ्‍बु जोपला मोशाकी ठिमला तेन्‍नी देसुङ सिसिन ख्रीष्‍टकी मुला तम्‍जी मे, तमा खोकी कटिन साङ ङ्‍ये मुथुपी।

१ तिमोथी 1:5

दाक्‍पी तिवाला क बिन्‍दुप तेन्‍दोक ति तिवा सेम टेङ्‍बु ताङ नासाम ल्यामु वोतुप ताङ तेपा टेङ्‍बु क्‍यानी ङ्‍यिङ्‍ज्‍ये कि ज्‍यितुपला यिन।

१ तिमोथी 3:9

यिने तिवा खोरो क्‍यावु तेपाला टेङ्‍बु वोतुप ल्‍यामो हाक्‍कोनी नरी सेम टेङ्‍बु क्‍यानी ज्‍योकुप वुङ गोकिवी।

१ तिमोथी 6:12

तमा चिर्मु चेपला छ्‍योङ्‍बाल ग्‍यकुप मी दोके तेपा रम्‍बु क्‍यानी नाम्‍साङ मिशिवु मिजी ङ्‍ये थुपा की। तीकी थोक्‍ला राङ कोन्‍छ्‍योककी ख्‍युरुङला पेन नङ्‍गुप यिन। तीकी कोर्ला ख्‍योरो मी बङीकी मिङ्‍गाला पङ्‍बु साङ बिन्‍दुप यिन।

१ तिमोथी 6:21

ती रिक्‍पा मेतुप ताम्‍ङेकी जोसालेन्‍सिन ललाइ मीतिवा तेपा कितुप साङ क्‍युर्नी गल वे। कोन्‍छ्‍योककी कटिन ति नरी ख्‍योरो मुला लुशिता।

१ तिमोथी 6:9

यिने छ्‍युक्‍पु डोप नो कितुपतिवा शैतानकी जिनोकला ख्‍येल्‍नी तोर्वाला ख्‍येलुप दोके डिवी। तमा तिवा अम्‍बारङ्‍शिङ कितुप ताङ मीला ना तोङ्‍गुप नासाम तिराङ तङ्‍नी खोरो राङ खुरुङला मेताला जोनी ना डिवी।

२ तिमोथी 2:18

तिवी ती ताम्‍ङे टेङ्‍बु क्‍युर ज्‍याक्‍नी शेप ने सेन्‍बु लङ्‍गुप ति तोङ्‍ला के च्‍युङ्‍गुप यिन सिनी मीतिवाला येन्‍देन मेटेङ्‍बु लोप्‍किनोक। तिवी तुका ताम्‍ङे मेटेङ्‍बु लाप्‍नी माङ्‍शोक मीतिवाला तेपा कितुप क्‍युर्नी ज्‍योक च्‍यिसुङ।

२ तिमोथी 4:4

तिवा येन्‍देन टेङ्‍बुला ति ङ्‍येन्‍दुप नो मिकिवी, यिने मीतिवी शेतुप तेन्‍दोक मेतुप पेतिवा तिराङ ङ्‍येन्‍दुप गा किवी।

तीतस 1:9

खोरो लापुप सुङ टेङ्‍बुला रम्‍बु क्‍यानी युक गोकिवी। तुक क्‍यासिन तीकी सुङ टेङ्‍बुला लापुप दोके येन्‍देन तेर थुप्‍किवी। तमा सुङ टेङ्‍बुकी तेन्‍दोकला लङ्‍गुपतिवाला टेङ्‍बु काङ यिन सिरुप ति लोप साङ थुप्‍किवी।

हिब्रू 3:14

दाक्‍पी गोमाला तेपा कितुप पेला तेन्‍तेन क्‍यावु ताम्‍ङेला तिङ्‍ला सेक डेकला देसिन दाक्‍पु ख्रीष्‍टला वोतुप ति तेरी मुला राङ थोप्‍किवी।

१ यूहन्‍ना 2:19

तोङ्‍ला तिवा दाक्‍पी मु नेवा थेन्‍नी गलुप यिन, च्‍यिलासिसिन वुतुङ के तिवा दाक्‍पी थाकाकी ति मिन। दोजो तिवा दाक्‍पी थाकाकी ति यिन्‍दुप यिन्‍सियाङ दाक्‍पी मुला राङ लुवु ति यिन्‍जा। तुक क्‍यानी वुतुङ के तिवा दाक्‍पी थाकाकी ति मिन सिरुप ति ठछ्‍येली हाक्‍कोकिवी।

ज्‍यल्‍का 3:10

ख्‍योरो ङे कला ङ्‍येन्‍नी हम क्‍या देसुङ। ती तप्‍की जम्‍बुलिङकी मीतिवा तेरीला खोक्‍पा ल्‍हापला छेटाङ ख्‍येल वुङ्‍गुप पेला ङ ख्‍युरुङला ती छेटाङ नेसुर र्‍होकिनो।

ज्‍यल्‍का 3:3

ती तप्‍की गोमाला ख्‍योरो लापुप ताङ थोवु ताम्‍ङे ति नासाम तोङ। तमा तीला ङ्‍येन्‍नी दिक्‍पा ने ग्‍युर। ख्‍युरुङ मालासिन ङ ख्‍यिरा हाक्‍माकोवा क्‍यानी शार्क्येक वुङ्‍यिनो। ङ चो पेला गिवी सिरुप तुजे ति ख्‍यिरा हाक्‍मोकोतो।

ज्‍यल्‍का 3:8

ख्‍योरो लाकातिवा ङला छ्‍या वे। ल्‍होसा, ख्‍योरो चिप्‍ला ङे गो पेनी ज्‍याङ वे, ती गो ति सी साङ च्‍ये मुथुपी। ख्‍युरुङला ङार अला मेसिनाङ ङे सुङला सिक्‍यावु दोके मिजी क्‍याङ वे, तमा ङे मिङ हाक्‍माको सिनी सिमाक्‍या वे।