१ तिमोथी 1:17 - कोन्छ्‌योककी सुङ

¹⁷ तमा थल्‍मा नेज्‍यु नरीकी नरी सेक ज्‍यु वोतुप दाक्‍पी मिककी मोथोङ्‍गुप ग्‍येल्‍वु ताङ च्‍यिक राङ वोतुप कोन्‍छ्‍योकला ताङ्‍देन ताङ मोवा ति नरीकी नरी वुङ्‍शी। आमिन।

१ तिमोथी 1:17 Iomraidhean Croise

मत्ती 25:34

तमा ङे यावी थाकाकी मीतिवाला ‘ङे पपा नेमा मोलाम थोपुपतिवा! वानी जम्‍बुलिङ ज्‍येङ्‍गुप पे नेज्‍युनी ख्‍यिरा थोक्‍ला टडिक क्‍या ज्‍यकुप ग्‍येल्‍खापला ओङ्‍ज्‍येन की।

मत्ती 28:20

तमा ख्‍यिराङला ङे क बिन्‍दुप तेरी ताम्‍ङेतिवा तिवाला लाप्‍नी ङ्‍येन च्‍यी। वुतुङ के ङ दी जम्‍बुलिङ ना मागाला सेक ख्‍यिरा मुला राङ नरी देतिनो।”

मत्ती 6:13

ङ्‍यिराङला शैतानकी खोक्‍पा ल्‍हापला ख्‍येल माज्‍यी, यिने दुक्‍टा नेसुर र्‍होक्‍टे की। ग्‍येल्‍खाप ताङ ङार ताङ मोवा ति नरी पपा कोन्‍छ्‍योककी ति यिन। आमिन।’

यूहन्‍ना 1:18

सी साङ नाम्‍साङ कोन्‍छ्‍योकला माथोङ वे। यिने पपा कोन्‍छ्‍योककी मुला च्‍यिक राङ वोतुप खोकी सेवुकी कोन्‍छ्‍योक सु यिन सिरुप ति दाक्‍पुला छ्‍या तेन्‍सुङ।

यूहन्‍ना 5:44

ख्‍यिराङ च्‍यिककी च्‍यिक नेमा ताङ्‍देन ङ्‍येतुपला गा किवी, यिने च्‍यिक राङ वोतुप कोन्‍छ्‍योक नेमा वुङ्‍गुप मोवा ति मोछोली सिसिन ख्‍यिरा चुक क्‍यानी तेपा कि थुप्‍किवी रो?

रोमी 1:20

खोकी ज्‍ये नङ्‍गुप जम्‍बुलिङकी थल्‍मा नेज्‍युनी जम्‍बुलिङला वोतुप च्‍यालकतिवा नेसुर थोङ मुथुवु खोकी ओङ ताङ खो कोन्‍छ्‍योक यिन सिरुप ति मीतिवी ठछ्‍येली हाक्‍को थुप्‍किवी। ती तप्‍की मीतिवी ङ ति हाक्‍मोकोनोक सिनी काङ साङ सि मुथुपी।

रोमी 1:23

तिवी नाम्‍साङ ना मोडोवु कोन्‍छ्‍योकला मोवा माक्‍यानी ना डोप मी ताङ च्‍यच्‍युम ताङ ठेक्‍पा ज्‍यी चुनी युकुप छ्‍युङ्‍मा ताङ जु टिन युकुप सेम्‍ज्‍येन दोके कु जोनी तिवाला मोवा कितुप गल वे।

रोमी 11:36

जम्‍बुलिङला वोतुप तेरी च्‍यालकतिवा खोकी राङ ज्‍ये नङ्‍गुप यिन। ती तेरी खो नेसुर राङ खोकी थोक्‍ला यिन। तुक क्‍यानी खोला राङ नरीकी नरी मोवा वुङ्‍शी। आमिन।

रोमी 16:27

तुक क्‍यानी च्‍यिक राङ ज्‍यु वोतुप ताङ रिक्‍पाकी क्‍येङ्‍गुप दाक्‍पी कोन्‍छ्‍योकला येशू ख्रीष्‍ट नेसुर नरीकी नरी मोवा वुङ्‍शी। आमिन।

रोमी 2:10

यिने लाका ल्‍यामु कितुपतिवाला खोकी मोवा ताङ ताङ्‍देन ताङ लोदिमु नङ्‍गिवी। ती मोवा ताङ ताङ्‍देन ताङ लोदिमु ति गोमाला यहूदीतिवाला नङ्‍गिवी, ती ज्‍युक्‍ला यहूदी मिन्‍दुप मिरिक यम्‍बाकी मीतिवाला नङ्‍गिवी।

रोमी 2:7

छेटाङ ख्‍येल्‍सिनाङ हम क्‍यानी लाका ल्‍यामु कितुप ताङ कोन्‍छ्‍योककी थोक्‍ला मोवा ताङ ताङ्‍देन क्‍यानी खोकी मिङला नाम्‍साङ मिशिवु मिजी छोलुपतिवाला खोकी नाम्‍साङ मिशिवु मिजी नङ्‍गिवी।

कलस्सी 1:15

येशू ख्रीष्‍ट ति दाक्‍पी मिककी मोथोङ्‍गुप कोन्‍छ्‍योककी जुजमला वोतुप चोवो यिन। खो ति जम्‍बुलिङला वोतुप तेरी च्‍यालकतिवा सिनाङ थल्‍माला वोतुप कोन्‍छ्‍योककी सेवु यिन।

हिब्रू 11:27

तेपा नेसुर राङ मोशाकी मिश्रकी ग्‍येल्‍वु ङि्‍यर्मु लानी वोसिनाङ ज्‍यिवा माक्‍यानी ती लुङ्‍बा क्‍युर ज्‍याक्‍नी गाल्‍नोक। तमा तीकी मोथोङ्‍गुप कोन्‍छ्‍योकला साङ थोङ्‍गुप दोके हम क्‍यानी देसुङ।

हिब्रू 2:7

ख्‍योरे चेयी पर सेककी थोक्‍ला तीला देवाच्‍येनकी लेन क्‍योलुप थुतिवा सिनाङ छ्‍युङा जो नाङ्‍सुङ। तमा तीला ग्‍येल्‍वुला दोके मोवा ताङ ताङ्‍देन नाङ्‍सुङ।

१ पत्रुस 5:11

खोला राङ ओङ ताङ ङार ति नरीकी नरी वुङ्‍शी। आमिन।

२ पत्रुस 3:18

तमा दाक्‍पुला दिक्‍पा ने थर ज्‍यितुप चोवो येशू ख्रीष्‍टकी कटिन ताङ खोकी रिक्‍पाला ख्‍यिराङ मङ मङ फरिन ग्‍युक। खोला तन्‍दा ताङ नरीकी नरी मोवा वुङ्‍शी। आमिन।

१ यूहन्‍ना 4:12

कोन्‍छ्‍योकला सी साङ नाम्‍साङ माथोङ वे। यिन्‍सिनाङ दाक्‍पी च्‍यिककी च्‍यिकला ङ्‍यिङ्‍ज्‍ये क्‍यासुङ सिसिन, खो दाक्‍पी मुला ज्‍युकिवी, तमा खोकी ङ्‍यिङ्‍ज्‍ये ति दाक्‍पी मिजीला छेकिवी।

यहूदा 1:25

खो ति च्‍यिक राङ ज्‍यु वोतुप कोन्‍छ्‍योक यिन, खो ति येशू ख्रीष्‍ट नेसुर दाक्‍पुला थर्वा नङ्‍गुप कोन्‍छ्‍योक यिन। खोला तेरी मोवा ताङ ताङ्‍देन ताङ ङार ताङ ओङ्‍ज्‍येन ति थल्‍मा नेज्‍यु तन्‍दा सेक तसाम नेज्‍यु तिङ्‍ला सेक नरीकी नरी वुङ्‍शी, आमिन।

ज्‍यल्‍का 15:3

तमा तिवा दुक सिनी कोन्‍छ्‍योकला शब्‍ज्‍यी कितुप मोशाकी लु ताङ लुक रुकला सोवा देकुप लु लङ्‍गिनोक। “ओ ङार छ्‍येवु चोवो कोन्‍छ्‍योक, चोवोकी क्‍या नङ्‍गुप लाकातिवा चोछ्‍येवु ताङ हलेवु वे। चोवोकी क्‍या नङ्‍गुप लाकातिवा तेरी टेके ताङ टेङ्बु वे। चोवो याङ नरी ग्‍येला कितुप ग्‍येल्‍वु यिन।

ज्‍यल्‍का 17:14

तिवा लुक रुक ताङ मुला थमु ग्‍यकिवी, यिने लुक रुककी तिवी मुला थमु ग्‍यप्‍नी तिवी खला ग्‍येल्‍गिवी। च्‍यिलासिसिन खो ति चोवो खकी चोवो, ग्‍येल्‍वी खकी ग्‍येल्‍वु यिन। तमा खोकी कताङ नङ्‍गुप ताङ खोकी पेतुप खोङ्‍तेर्मु वोतुप मीतिवा खोकी मुला राङ वे।” सिनी सिक्‍यासुङ।

ज्‍यल्‍का 19:1

ती ज्‍युक्‍ला येलुङ देवाच्‍येनला मी माङ्‍छ्‍योककी कशेन वोरु तेन्‍दुप दोके दुक सिक्‍यावु ति ङे थोसुङ। “हल्‍लेलूयाह! कोन्‍छ्‍योक दाक्‍पुला थर्वा नङ्‍गुप कोन्‍छ्‍योक यिन। खोला तिराङ मोवा ताङ ओङ्‍ज्‍येन वे।

ज्‍यल्‍का 19:16

खोकी मज्‍या ताङ खोकी फिली लोला “ग्‍येल्‍वी खकी ग्‍येल्‍वु” ताङ “चोवो खकी चोवो” सिरुप मिङ टि वे।

ज्‍यल्‍का 19:6

ती ज्‍युक्‍ला मी माङ्‍छ्‍योक च्‍यार ग्‍यप्‍नी वोरु तेन्‍दुप दोके ताङ छ्‍यु बङी ज्‍युङ्‍गुप वोरु ग्‍येर्पु दोके ताङ छासे सम्‍डुक ग्‍यपुप दोके वोरु ङे थोसुङ। ती वोरु तीकी “हल्‍लेलूयाह! च्‍यिलासिसिन चोछ्‍ये वोतुप दाक्‍पी चोवो कोन्‍छ्‍योककी दी जम्‍बुलिङला ग्‍येला क्‍या नङ्‍गिवी।

ज्‍यल्‍का 7:12

“आमिन! सोवा ताङ मोवा ताङ रिक्‍पा ताङ थुचिछे ताङ ताङ्‍देन ताङ ओङ ताङ ङार ति नरीकी नरी ज्‍युवु दाक्‍पी कोन्‍छ्‍योककी तिराङ यिन। आमिन!”