१ तिमोथी 1:15 - कोन्छ्‌योककी सुङ

¹⁵ दी सुङ ति मी तेरीकी यिन्‍ज्‍यिक मिन्‍ज्‍यिक सेमला लिङ गोकिवी। च्‍यिलासिसिन दी सुङ ति दिक्‍छेनतिवाला दिक्‍पा ने थर ज्‍यितुपला येशू ख्रीष्‍ट दी जम्‍बुलिङला फेपुपकी कोर्ला यिन। ती दिक्‍छेनतिवी नाङ्‍ला तेरी सिनाङ दिक्‍छेन ति ङ राङ यिन।

१ तिमोथी 1:15 Iomraidhean Croise

मत्ती 1:21

मरियमला पुज्‍युङ यी क्‍येकितो, ख्‍योरो तीकी मिङ ति येशू सिनी तोसा। च्‍यिलासिसिन खोकी खोरो मीतिवाला दिक्‍पा ने थर ज्‍यिकितो।”

मत्ती 18:10

“ख्‍यिरा दी छ्‍युङातिवी पर्ला च्‍यिकला साङ ङ्‍यप्‍च्‍ये माकिता। ङ ख्‍यिराङला सिरिन, तिवाला ल्‍हाटे कितुप देवाच्‍येनकी लेन क्‍योलुप थुतिवा देवाच्‍येनला ज्‍युनी वोतुप ङे पपी चिप्‍ला देनी खोकी शालला नरी ल्‍हेवी।

मत्ती 18:11

(ङ मी पुज्‍युङ ति तोरुपतिवाला र्‍होकुपला वावु यिन।)

मत्ती 20:28

ङ मी पुज्‍युङ ति मीतिवा नेमा शब्‍ज्‍यी ङ्‍येतुपला वावु मिन, यिने शब्‍ज्‍यी कितुपला ताङ मी बङीला दिक्‍पा ने थर ज्‍यितुपकी थोक्‍ला ङरा मिजी तेरुपला वावु यिन।”

मत्ती 9:13

ख्‍यिराङ गल्‍नी ‘ङला गोवु ति बुल्‍वा मिन, यिने च्‍यम्‍बा यिन।’ सिरुप सुङगी तेन्‍दोक ति काङ यिन सिनी ल्‍यामो लोप। ङ ति खुरुङ राङ मी टेङ्‍बु यिन सिरुपतिवी थोक्‍ला मिन, यिने खुरुङ दिक्‍छेन यिन सिरुपतिवाला कतोङ्‍गुपला वावु यिन।”

मर्कूस 2:17

दी थोनी येशूकी तिवाला सुङ्‍सुङ, “नेजु मेतुपतिवाला ति आम्‍ज्‍यी मोगोवी, यिने नेर्पुतिवाला याङ गोकिवी। ङ ति खुरुङ राङ मी टेङ्‍बु यिन सिरुपतिवी थोक्‍ला मिन, खुरुङ दिक्‍छेन यिन सिरुपतिवाला कतोङ्‍गुपला वावु यिन।”

लूका 15:2

यिने फरिसीतिवा ताङ यहूदी छ्‍योकी गेकेनतिवी मुक्‍तम देनिन सिरा दुक सिक्‍यासुङ, “दी मी तीकी याङ दिक्‍छेनतिवाला गा क्‍यानी तिवी मुला राङ देनी समा शेनोक।”

लूका 19:10

ङ मी पुज्‍युङ याङ तोरुपतिवाला छल्‍नी र्‍होकुपला वावु यिन।”

लूका 5:32

ङ ति खुरुङ राङ मी टेङ्‍बु यिन सिरुपतिवी थोक्‍ला मिन, यिने खुरुङ राङ दिक्‍छेन यिन सिरुपतिवाला कताङ्‍नी दिक्‍पा ने सेम ग्‍युर ज्‍यितुपकी थोक्‍ला वावु यिन।”

यूहन्‍ना 1:12

यिने सु सुकी खोला खोरो सेमला लानी खोला तेपा क्‍यावे, खोकी तिवाला कोन्‍छ्‍योककी पुज्‍युङपुम च्‍युङ्‍गुप ओङ्‍ज्‍येन नाङ्‍सुङ।

यूहन्‍ना 1:29

ती सला तीला यूहन्‍नाकी येशू खोरो चाला फेपिन कितुप थोङ्‍नी, “ल्‍हो ताङ, जम्‍बुलिङ तेरीकी मीतिवाला दिक्‍पा ने थर ज्‍यितुप कोन्‍छ्‍योककी लुक रुक!

यूहन्‍ना 12:47

चुका मी तीकी ङे सुङ थोनी ती सुङला माङ्‍येन्‍सिनाङ ङ तीला ठिम मोतोङ। च्‍यिलासिसिन ङ जम्‍बुलिङकी मीतिवाला ठिम तोङ्‍गुपला वोवु मिन, यिने र्‍होकुपला वावु यिन।

यूहन्‍ना 3:36

सी कोन्‍छ्‍योककी सेवुला तेपा किवे, तीला नाम्‍साङ मिशिवु मिजी थोप्‍किवी। यिने सी कोन्‍छ्‍योककी सेवुला तेपा मिकिवे, तीला ती मिजी मोथोपिवी, बोरु कोन्‍छ्‍योककी पर्च्या तीकी खला ख्‍येल्‍गिवी।”

लोमा छ्‍येतिवी लाका 11:1

तमा यहूदी मिन्‍दुप मिरिक यम्‍बाकी मीतिवी साङ कोन्‍छ्‍योककी सुङ ङ्‍येन्‍नी तेपा क्‍यानोक सिरुप ताम्‍ङे ति लोमा छ्‍येतिवा ताङ यहूदियाला वोतुप तेपा कितुपतिवी थोनोक।

लोमा छ्‍येतिवी लाका 11:18

ती थोसिमा पत्रुसला क्‍येन तेरुपतिवा खरक्‍पा देसुङ। तमा “त याङ कोन्‍छ्‍योककी यहूदी मिन्‍दुप मिरिक यम्‍बाकी मीतिवाला साङ सेम ग्‍युर्नी नाम्‍साङ मिशिवु मिजी थोपुप लाम नाङ्‍सुङ।” सियी कोन्‍छ्‍योकला सोवा देकुप छाल्‍सुङ।

लोमा छ्‍येतिवी लाका 3:26

ख्‍यिराङ रे रेला ख्‍यिरा क्‍यावु लाका दुक्‍टा नेमा ग्‍युर च्‍यिनी मोलाम नङ्‍गुपला कोन्‍छ्‍योककी खोरुङला शब्‍ज्‍यी बुलुप मी यी पेसुङ। पेसिमा तेरी सिनाङ गोमाला तीला ख्‍यिरा ते ताङ्‍सुङ।”

रोमी 11:14

मिरिक यम्‍बाकी मीतिवी थोक्‍ला यहूदीतिवी पर्ने मी ललाइ ठतोक लानी कोन्‍छ्‍योककी थाकाला लोक्‍नी थर्वा ङ्‍येशी सिरुप ति ङे रेवा यिन।

रोमी 5:6

तुक क्‍यानी दाक्‍पु दिक्‍पी ओङला शोर्नी काङ साङ कि मुथुपुप पेला राङ येशू ख्रीष्‍ट दाक्‍पी दिक्‍पी थोक्‍ला टेके तुजेला टुङ्‍सुङ।

१ कोरिन्‍थी 15:9

ङ ति लोमा छ्‍येतिवी पर्ला छासे छ्‍युङा यिन। ङ ति लोमा छ्‍ये वुङ छ्‍योवु साङ मे, च्‍यिलासिसिन कोन्‍छ्‍योकला तेपा कितुप खोकी चर्चकी मीतिवाला ङे कशेन छेटाङ बिन्‍दुप यिन।

एफिसी 3:8

खोला तेपा कितुप मीतिवा तेरीकी पर्ला ङ ति तेरी सिनाङ छ्‍युङा यिन्‍सिनाङ ख्रीष्‍टकी मोलाम नङ्‍गुप ग्‍यक्‍चेकी लेन ल्‍यामु ति यहूदी मिन्‍दुप मिरिक यम्‍बातिवाला ख्‍याप्‍टाक कितुपला ङला दी कटिन ति नङ्‍गुप यिन।

१ तिमोथी 1:13

गोमाला याङ ङे खोला मारे तङ्‍नी तेपा कितुपतिवाला दुक्‍पा बिन्‍नी ङ्‍यप्‍च्‍ये क्‍यायिन। ती ति ङे खोला तेपा माक्‍यावु पेला हाक्‍माकोनी क्‍यावु तप्‍की तन्‍दा खोकी ङला च्‍यम्‍बा नाङ्‍सुङ।

१ तिमोथी 1:19

तमा येशू ख्रीष्‍टला तेपा कितुप ताङ सेम टेङ्‍बु क्‍यानी दे। ललाइ ललाइकी सेम टेङ्‍बु माक्‍यानी खोरो क्‍यावु तेपा साङ ना गाल्‍सुङ।

१ तिमोथी 3:1

दी ताम्‍ङे ति लो तेन गोवु यिन। चुका मी तीकी चर्चला गोमा कितुप नो किवे, तीकी ल्‍यामु राङ कितुप नो क्‍यावु यिन।

१ तिमोथी 4:9

दी ताम्‍ङे ति टेङ्‍बु वोतुप ताङ तेरीकी सेमला लिङ गोवु वे।

१ तिमोथी 6:13

मी तेरीला मिजी नङ्‍गुप कोन्‍छ्‍योक ताङ पन्‍तियस पिलातसकी दोङ्‍ला पङ्‍बु टेङ्‍बु नङ्‍गुप येशू ख्रीष्‍टकी थोङ्‍दाङला

२ तिमोथी 2:11

दी ताम्‍ङे ति टेङ्‍बु यिन। दोजो दाक्‍पु खो ताङ मुला राङ शिसुङ सिसिन खो ताङ मुला राङ सेन्‍बु साङ लङ्‍गिवी।

तीतस 3:8

दी ताम्‍ङे ति टेङ्‍बु यिन, ख्‍यिराङ दी ताम्‍ङेला ङार की सिनी ङ नो कितिन। तुक क्‍यानी सी कोन्‍छ्‍योकला तेपा किवे, तिवी लाका ल्‍यामु कितुपला ङ्‍याम्‍ले किशी। तुक कितुप ति मीतिवी थोक्‍ला छासे ल्‍यामु ताङ ख्‍येप्‍साङ वोतुप यिन।

हिब्रू 7:25

तुक क्‍यानी खोला तेपा क्‍यानी कोन्‍छ्‍योककी चिप्‍ला वुङ्‍गुपतिवा तेरीला खोकी वुतुङ के दिक्‍पा ने थर ज्‍यिकिवी। च्‍यिलासिसिन तेपा कितुपतिवी थोक्‍ला कोन्‍छ्‍योकला मोपोर ताङ गोङ्‍बा शोपला खो नरी ङोसु ज्‍युकिवी।

१ यूहन्‍ना 3:5

दाक्‍पी दिक्‍पा ता ज्‍यितुपला राङ येशू ख्रीष्‍ट फेपुप यिन सिरुप ति ख्‍यिराङला साङ छ्‍या वे। तमा खोला काङ साङ दिक्‍पा मे।

१ यूहन्‍ना 3:8

सी दिक्‍पा किवे, ती ति डेकी ति यिन। च्‍यिलासिसिन डेकी गोमा नेज्‍यु दिक्‍पा कियी वे। तुक क्‍यानी डेकी लाकातिवा ना तोङ्‍गुपला राङ कोन्‍छ्‍योककी सेवु येशू ख्रीष्‍ट फेवु यिन।

१ यूहन्‍ना 5:11

पङ्‍बु ति दी राङ यिन, कोन्‍छ्‍योककी दाक्‍पुला नाम्‍साङ मिशिवु मिजी नाङ्‍सुङ। ती मिजी ति खोकी सेवु येशूकी मुला वे।

ज्‍यल्‍का 21:5

तमा ग्‍येल्‍ठिकला ज्‍यु वोतुप तीकी ङला सुङ्‍सुङ। “ल्‍होसा, त याङ ङ देवाच्‍येन ताङ जम्‍बुलिङला वोतुपतिवा तेरी सम्‍बा जोयिनो।” येलुङ खोकी ङला सुङ्‍सुङ, “दी ताम्‍ङेतिवा टिसा। दिवा छासे खोङ्‍तेर्मु ताङ टेङ्‍बु वे।”

ज्‍यल्‍का 22:6

ती ज्‍युक्‍ला देवाच्‍येनकी लेन क्‍योलुप थु तीकी ङला दुक सिक्‍यासुङ, “वुतुङ के ख्‍योरो थोवु सुङतिवा तेरी खोङ्‍तेर्मु ताङ टेङ्‍बु वे। लुङ्‍तेम्‍बातिवाला खोरे थु नङ्‍गुप चोवो कोन्‍छ्‍योककी खोरुङला शब्‍ज्‍यी कितुपतिवाला ङमु राङ तेन्‍तेन च्‍युङ्‍गुप ताम्‍ङेकी कोर्ला हाक्‍को ज्‍यितुपला खोरे लेन क्‍योलुप थुतिवा ताङ्‍सुङ।”

ज्‍यल्‍का 5:9

तिवा दुक सियी लु सम्‍बा यी लङ्‍गिनोक, “ख्‍युरुङ दी शुकी बिटप लङ्‍गुप ताङ तीकी लज्‍युरतिवा तोल छ्‍योवु वे। ख्‍युरुङ सेतुप यिन, यिन्‍सिनाङ शेप ने ङोसु लानी ख्‍योरे ठककी गोङ तेनी कोन्‍छ्‍योककी थोक्‍ला तेरी गिपा ताङ ग्‍येताम ताङ मिरिककी मीतिवा ताङ लुङ्‍बाला ङ्‍योसुङ।