१ तिमोथी 1:14 - कोन्छ्‌योककी सुङ

¹⁴ चोवोकी ङला नङ्‍गुप कटिन ति छासेकी ग्‍येर्पु वे। तोजो तिराङ मिन, खोकी ङला ख्रीष्‍ट येशूला वोतुप तेपा ताङ ङ्‍यिङ्‍ज्‍ये बङी क्‍या नाङ्‍सुङ।

१ तिमोथी 1:14 Iomraidhean Croise

मत्ती 20:9

गोमु छ्‍युजी ङ चोयीला लाका कितुपतिवा वानी तिवा रे रेला ङुलकी डप्‍बु रे रे ङ्‍येसुङ।

लोमा छ्‍येतिवी लाका 15:11

यिने चोवो येशूकी कटिन नेमा राङ दाक्‍पु दिक्‍पा ने थरुप दोके तिवा साङ चोवो येशूकी कटिन नेमा राङ दिक्‍पा ने थरुप यिन सिरुप ति ङ्‍यिराङला तेपा वे।”

रोमी 16:20

तमा लोदिमु नङ्‍गुप कोन्‍छ्‍योककी ङमु राङ शैतानला ख्‍यिरा काङ्‍बी वोक्‍ला लेप ज्‍यिकिवी। दाक्‍पी चोवो येशू ख्रीष्‍टकी कटिन ति ख्‍यिरा मुला नरी लुशिता।

१ कोरिन्‍थी 15:10

यिन्‍सिनाङ ङ तन्‍दा दुकै च्‍युङ्‍गुप ति कोन्‍छ्‍योककी कटिन नेसुर राङ च्‍युङ्‍गुप यिन। खोकी ङला नङ्‍गुप कटिन ति तेर्मेला मागल। ङे याङ यम्‍बा लोमा छ्‍येतिवा सिनाङ मङ टेमु क्‍यायिन। ती ति ङे राङ क्‍यावु मिन, यिने ङे मुला वोतुप कोन्‍छ्‍योककी कटिन नेमा क्‍यावु यिन।

१ कोरिन्‍थी 3:10

कोन्‍छ्‍योककी ङला नङ्‍गुप कटिनकी राङ ङ ति खाङ्‍बा जोप मी खामु दोके डम्‍ज्‍यी तिङ्‍यिन। तमा यम्‍बातिवी ती डम्‍ज्‍यी खला खाङ्‍बा जेवी। तमा खाङ्‍बा जोपतिवी चुक क्‍यानी जो गोकिवी सिनी नासाम ल्‍यामु तोङ गोकिवी।

२ कोरिन्थी 13:14

चोवो येशू ख्रीष्‍टकी कटिन ताङ कोन्‍छ्‍योककी ङ्‍यिङ्‍ज्‍ये ताङ खोकी थु चाङ्‍माकी डिक्‍जोम ति ख्‍यिराङ तेरीकी मुला नरी लुशिता।

२ कोरिन्थी 4:15

दी तेरी ताम्‍ङेतिवा ख्‍यिरा थोक्‍ला राङ च्‍युङ्‍गुप यिन। तुक क्‍यानी कोन्‍छ्‍योककी कटिन ति मी बङीला ङ्‍येकिवी, तमा तिवी कोन्‍छ्‍योकला थुचिछे पुल्‍नी मङ खोला मोवा किवी।

२ कोरिन्थी 8:9

दाक्‍पी चोवो येशू ख्रीष्‍टकी कटिन ति ख्‍यिराङला छ्‍या राङ वे। खो छ्‍युक्‍पु वे, यिन्‍सिनाङ ख्‍यिरा थोक्‍ला खो पेराङ्‍बु दोके च्‍युङ्‍सुङ। तीकी तेन्‍दोक ति खो पेराङ्‍बु च्‍युङ्‍गुप नेसुर ख्‍यिराङला छ्‍युक्‍पु च्‍युङ्‍शी सिनी यिन।

गलाती 1:13

गोमाला ङ यहूदी छ्‌योला तेन्‍दुप पेला येशूला तेपा कितुपतिवाला छेटाङ दुङल तेरुप मी यिन सिरुप ति ख्‍यिरा थोनी राङ वे।

१ थेसलोनिकी 1:3

च्‍यिलासिसिन दाक्‍पी पपा कोन्‍छ्‍योककी थोङ्‍दाङला ख्‍यिरा लाका खोङ्‍तेर्मु क्‍यावु ताङ मी यम्‍बाला ङ्‍यिङ्‍ज्‍ये क्‍यावु ताङ चोवो येशू ख्रीष्‍टला रेवा क्‍यानी गुन देतुप तप्‍की यिन।

१ थेसलोनिकी 5:8

यिने दाक्‍पु याङ ठछ्‍येलीला वोतुप कोन्‍छ्‍योककी गिपातिवा यिन्‍दुप तप्‍की च्‍याङ्‍से क्‍यानी देतुप। तमा मक ग्‍यकुप पेला मक्‍मीतिवी छेकोक र्‍होकुपला च्‍या ग्‍यपुप दोके क्‍यानी चोवो येशूला तेपा कितुप ताङ च्‍यिककी च्‍यिकला ङ्‍यिङ्‍ज्‍ये किसा। तमा मक्‍मीतिवी गो र्‍होकुपला च्‍याकी शमुङ कोन्‍दुप दोके क्‍यानी कोन्‍छ्‍योककी दाक्‍पुला थर ज्‍यितुप रेवा क्‍यानी देतुप।

१ तिमोथी 2:15

यिने पुम्‍पेजातिवी येशूला तेपा कितुप ताङ ङ्‍यिङ्‍ज्‍ये कितुप ताङ टेङ्‍बुकी मिजी क्‍याङ्‍सुङ सिसिन आङा क्‍येप पेला कोन्‍छ्‍योककी तिवाला र्‍होकिवी।

१ तिमोथी 4:12

ख्‍युरुङ नाज्‍युङ वे सिनी सी साङ ख्‍युरुङला मो मेबेप्‍शी, यिने मीतिवी थोङ्‍दाङला ताम्‍ङे लप्‍ताङ ताङ किताङ नालु ताङ ङ्‍यिङ्‍ज्‍ये ताङ तेपा ताङ टेङ्‍बु वोतुप पङ्‍बु छ्‍या तेन।

१ तिमोथी 6:11

यिने ख्‍युरुङ ति कोन्‍छ्‍योककी गिपा यिन्‍दुप तप्‍की तुका ताम्‍ङे मेलोवातिवा नासाम माताङ्‍नी टेङ्‍बु ताङ मोवा ताङ तेपा ताङ ङ्‍यिङ्‍ज्‍ये ताङ हम क्‍यानी देतुप ताङ कुसु ज्‍यम्‍बु कितुप छोल।

२ तिमोथी 1:13

येशू ख्रीष्‍ट नेसुर वुङ्‍गुप तेपा ताङ ङ्‍यिङ्‍ज्‍ये नेसुर ङे ख्‍युरुङला बिन्‍दुप येन्‍देन टेङ्‍बुला सिक्‍यावु दोके लुमु से।

२ तिमोथी 2:22

ख्‍युरुङ नाज्‍युङ वोतुप पेला नासाम शरुप ताम्‍ङे मेलोवातिवा क्‍युर, तमा सेम टेङ्‍बु क्‍यानी कोन्‍छ्‍योकला तेपा कितुपतिवी मुला राङ टेङ्‍बु कितुप ताङ तेपा रम्‍बु कितुप ताङ मी यम्‍बाला ङ्‍यिङ्‍ज्‍ये कितुप ताङ लोदिमु कितुप छोल।

तीतस 2:2

मी गावातिवाला कुसुमी देतुप ताङ ताङ्‍देन कि छ्‍योवु ताङ खुरुङला डेकला ज्‍योक थुपुप जो। तमा तिवाला तेपा रम्‍बु ताङ ङ्‍यिङ्‍ज्‍ये कितुप ताङ हम क्‍यानी दे थुपुप वुङ गोकिवी सिनी लोप।

१ पत्रुस 1:3

दाक्‍पी चोवो येशू ख्रीष्‍टकी पपा कोन्‍छ्‍योकला सोवा देकिन। च्‍यिलासिसिन खोकी येशू ख्रीष्‍टला शेप ने ङोसु लाङ्‍नी खोकी खोरे छासेकी कटिन नेमा दाक्‍पुला मिजी सम्‍बा नाङ्‍सुङ। तमा दाक्‍पु शिसिनाङ सेन्‍बु लुवु रेवा ङ्‍येन वे।

१ यूहन्‍ना 4:10

ङ्‍यिङ्‍ज्‍ये सिरुप ति काङ यिन सिसिन, कोन्‍छ्‍योकला दाक्‍पी ङ्‍यिङ्‍ज्‍ये क्‍यावु मिन, यिने खोकी दाक्‍पुला ङ्‍यिङ्‍ज्‍ये क्‍या नाङ्‍नी दाक्‍पी दिक्‍पी ठिलेन च्‍योलुपला खोकी सेवु येशू ख्रीष्‍ट ताङ्‍नी जिन्‍बा च्‍युङ च्‍यिसुङ।

ज्‍यल्‍का 22:21

चोवो येशूकी कटिन ति तेपा कितुपतिवा तेरीला थोप्‍शिता। आमिन।