१ तिमोथी 1:13 - कोन्छ्‌योककी सुङ

¹³ गोमाला याङ ङे खोला मारे तङ्‍नी तेपा कितुपतिवाला दुक्‍पा बिन्‍नी ङ्‍यप्‍च्‍ये क्‍यायिन। ती ति ङे खोला तेपा माक्‍यावु पेला हाक्‍माकोनी क्‍यावु तप्‍की तन्‍दा खोकी ङला च्‍यम्‍बा नाङ्‍सुङ।

१ तिमोथी 1:13 Iomraidhean Croise

लूका 12:47

खोरो ज्‍यिन्‍दाककी नोवा हाक्‍कोनी साङ टडिक मिकिवु याङ्‍ना ज्‍यिन्‍दाककी नोवु दोके मिकिवु लावाला बङी दुङ्‍गिवी।

लूका 23:34

ती पेला येशूकी सुङ्‍सुङ, “ओ पपा, दिवाला माफ नङ्‍डे की, च्‍यिलासिसिन दिवी काङ कियी वे, ती ति दिवाला छ्‍या मे।” तमा मक्‍मीतिवी खोकी नम्‍सा ति ग्‍येन ग्‍यप्‍नी गोसुङ।

लोमा छ्‍येतिवी लाका 22:4

ती पेला ङे येशूला ल्‍यामो क्‍यानी हाक्‍माकोवु तप्‍की खोला तेपा कितुप मीतिवाला छेटाङ बिन्‍नी सेतिन। तमा ख्‍योक्‍पेजा पुम्‍पेजातिवाला टानी चोन्‍खाङला उपिन।

लोमा छ्‍येतिवी लाका 3:17

ओ अच्‍युनुपतिवा, ख्‍यिराङ ताङ ख्‍यिरा ठिम कितुपतिवी खो सु यिन सिरुप ति हाक्‍माकोनी येशूला सेतुप यिन सिरुप ति ङला छ्‍या वे।

लोमा छ्‍येतिवी लाका 8:3

यिने शाऊलकी ते वोतुप चर्चतिवा ना तोङ्‍गुप छाल्‍सुङ। तमा खाङ्‍बा खाङ्‍बाला शुनी तेपा कितुप ख्‍योक्‍पेजा ताङ पुम्‍पेजातिवा तेरीला टिनी वुङ्‍यिन ताङ चोन्‍खाङला उपिन क्‍यासुङ।

लोमा छ्‍येतिवी लाका 9:1

यिने शाऊल ति चोवो येशूला तेपा कितुप लोमातिवाला सेन क्‍युरिन सिनी ज्‍यिवा कुयिन नोक। तमा ती ति तेरी सिनाङ कोङ्‍यार छ्‍येकी चाला गल्‍नी

लोमा छ्‍येतिवी लाका 9:13

तमा हननियाकी सिक्‍यासुङ, “चोवो, ती मी तीकी याङ यरूशलेमला देतुप तेपा कितुप मीतिवाला छासे मेलोक्‍पा किनोक सिरुप ति मी बङीकी ख नेसुर ङे थोसुङ।

लोमा छ्‍येतिवी लाका 9:5

तमा शाऊलकी सिक्‍यासुङ, “चोवो ख्‍युरुङ सु यिन?” तमा ते दुक सिरुप वोरु यी शाऊलकी थोसुङ, “ङ येशू यिन, ख्‍योरो ङला छेटाङ तेरिन वे।

१ कोरिन्‍थी 15:9

ङ ति लोमा छ्‍येतिवी पर्ला छासे छ्‍युङा यिन। ङ ति लोमा छ्‍ये वुङ छ्‍योवु साङ मे, च्‍यिलासिसिन कोन्‍छ्‍योकला तेपा कितुप खोकी चर्चकी मीतिवाला ङे कशेन छेटाङ बिन्‍दुप यिन।

१ कोरिन्‍थी 7:25

त जेन्‍दी माक्‍यावु मीतिवी कोर्ला याङ चोवो येशू नेमा काङ साङ क मे। यिने कोन्‍छ्‍योककी च्‍यम्‍बाकी ङला खोङ्‍तेर्मु जो नङ्‍गुप तप्‍की ङ ख्‍यिराङला टोङ्‍गु तेरिन।

गलाती 1:13

गोमाला ङ यहूदी छ्‌योला तेन्‍दुप पेला येशूला तेपा कितुपतिवाला छेटाङ दुङल तेरुप मी यिन सिरुप ति ख्‍यिरा थोनी राङ वे।

फिलिप्पी 3:6

तमा टेमुकी कोर्ला सि गोवु यिन्‍सिन येशूला तेपा कितुप मीतिवाला ङे छेटाङ बिन्‍दुप यिन, तमा यहूदी ठिमला वोतुप टेङ्‍बुकी कोर्ला सि गोवु यिन्‍सिन ङ ति क्‍येन मेतुप मी यिन।

१ तिमोथी 1:16

यिन्‍सिनाङ कोन्‍छ्‍योककी ङला च्‍यम्‍बा नाङ्‍सुङ। च्‍यिलासिसिन ङ दिक्‍छेन यिन्‍सिनाङ ङे मिजी नेसुर येशू ख्रीष्‍टकी छासेकी हम क्‍या देतुप ओङ छ्‍या तेन्‍नी खोला तेपा क्‍यानी नाम्‍साङ मिशिवु मिजी थोपुपकी थोक्‍ला ङ ति पङ्‍बु च्‍युङ्‍गुप यिन।

हिब्रू 4:16

तुक क्‍यानी दाक्‍पु ज्‍यिवा माक्‍यानी कटिन वोतुप कोन्‍छ्‍योककी ग्‍येल्‍ठिककी चिप्‍ला डोप। तमा कतुकार ख्‍येलुप पेला दाक्‍पुला कटिन ताङ च्‍यम्‍बा थोप्‍किवी।

१ पत्रुस 2:10

गोमाला ख्‍यिराङ सी गिपा साङ मिनोक, यिने त याङ ख्‍यिराङ खोकी गिपा च्‍युङ वे। गोमाला याङ ख्‍यिराङला खोकी च्‍यम्‍बा माथोप वे, यिने त याङ ख्‍यिराङला खोकी च्‍यम्‍बा थोप्‍नी वे।