१ थेसलोनिकी 5:9 - कोन्छ्‌योककी सुङ

⁹ च्‍यिलासिसिन कोन्‍छ्‍योककी दाक्‍पुला छ्‍येर्पा तेरुपला मिन, यिने दाक्‍पी चोवो येशू ख्रीष्‍ट नेसुर दिक्‍पा ने थर थुपुपला तोङ्‍ला के पेन नङ्‍गुप यिन।

१ थेसलोनिकी 5:9 Iomraidhean Croise

मत्ती 26:24

ङ मी पुज्‍युङ याङ खोरो थोक्‍ला कोन्‍छ्‍योककी सुङला टि वोतुप दोके शि राङ गोकिवी, यिने ङ मी पुज्‍युङला जिम तेरुप तीला याङ मोताप सुकिवी। ती याङ क्‍येप तिरुङ माक्‍येसिन तीकी थोक्‍ला मङ ल्‍यामु वुङ्‍गुप्‍जा।”

लोमा छ्‍येतिवी लाका 1:20

येलुङ पत्रुसकी सिक्‍यासुङ, “भजनसंग्रहला दुक सिनी टि वे, ‘तीकी खाङ्‍बा ति तोङ्‍बा सिङी डोशी। तमा ते सु साङ मेदेशी। तीकी ओङ साङ मी यम्‍बी राङ ठोक्‍शी।’

लोमा छ्‍येतिवी लाका 1:25

तमा ती पेतुप मी ति लोमा छ्‍येकी छापला देनी शब्‍ज्‍यी कितुप लाका कि थुप्‍शी। च्‍यिलासिसिन ती शब्‍ज्‍यी बुलुप लाका ति यहूदाकी क्‍युर ज्‍याक्‍नी ती ति ङ्‍येलाला गाल।”

लोमा छ्‍येतिवी लाका 13:48

ती थोसिमा यहूदी मिन्‍दुप मिरिक यम्‍बाकी मीतिवा गा लानी कोन्‍छ्‍योककी सुङगी थोक्‍ला सोवा तेक्‍सुङ। तमा नाम्‍साङ मिशिवु मिजी थोपुपला कोन्‍छ्‍योककी पेतुप मीतिवा तेरीकी तेपा क्‍यासुङ।

रोमी 11:30

गोमाला याङ ख्‍यिराङ यहूदी मिन्‍दुप मिरिक यम्‍बाकी मीतिवा कोन्‍छ्‍योककी खला माङ्‍येन्‍दुप यिन, यिने त याङ यहूदीतिवी कोन्‍छ्‍योककी खला माङ्‍येन्‍दुप तप्‍की ख्‍यिराङला च्‍यम्‍बा ङ्‍येनी वे।

रोमी 11:7

त काङ सिरुप? इस्राएलकी मीतिवी कोन्‍छ्‍योककी थोङ्‍दाङला टेङ्‍बु च्‍युङ्‍गुप छाल्‍सिनाङ टेङ्‍बु च्‍युङ माथुप। यिने खोकी पेतुपतिवा तिराङ टेङ्‍बु वोतुप च्‍युङ्‍सुङ। तमा यम्‍बा लुवुतिवा ति तेरी सेम क्‍योङ्‍बु गाल्‍सुङ।

१ थेसलोनिकी 1:10

तोजो तिराङ मिन, टुङ्‍गुप ने ङोसु लानी दाक्‍पुला त ख्‍येल वुङ्‍गुप छ्‍येर्पा नेसुर र्‍होक ज्‍यितुप कोन्‍छ्‍योककी सेवु ति देवाच्‍येन नेमा फेवुला ख्‍यिराङ गुन देतुप ताम्‍ङे साङ तिवी खोप्‍रे राङ लप्‍किवी।

१ थेसलोनिकी 3:3

चुका छेटाङ ख्‍येल वासिनाङ ख्‍यिराङ सु साङ तेपा नेसुर फला छुला मोडोशी सिनी तीला ख्‍यिरा ते तङ्‍गुप यिन। तुका छेटाङ ति दाक्‍पु तेपा कितुपतिवा तेरीला गिवी सिरुप ति ख्‍यिराङला छ्‍या वे।

१ तिमोथी 1:13

गोमाला याङ ङे खोला मारे तङ्‍नी तेपा कितुपतिवाला दुक्‍पा बिन्‍नी ङ्‍यप्‍च्‍ये क्‍यायिन। ती ति ङे खोला तेपा माक्‍यावु पेला हाक्‍माकोनी क्‍यावु तप्‍की तन्‍दा खोकी ङला च्‍यम्‍बा नाङ्‍सुङ।

१ तिमोथी 1:16

यिन्‍सिनाङ कोन्‍छ्‍योककी ङला च्‍यम्‍बा नाङ्‍सुङ। च्‍यिलासिसिन ङ दिक्‍छेन यिन्‍सिनाङ ङे मिजी नेसुर येशू ख्रीष्‍टकी छासेकी हम क्‍या देतुप ओङ छ्‍या तेन्‍नी खोला तेपा क्‍यानी नाम्‍साङ मिशिवु मिजी थोपुपकी थोक्‍ला ङ ति पङ्‍बु च्‍युङ्‍गुप यिन।

२ तिमोथी 2:10

तुक क्‍यानी कोन्‍छ्‍योककी पेतुपतिवी थोक्‍ला ङ हम क्‍यानी देतिन। ती ति तिवाला साङ येशू ख्रीष्‍टकी नङ्‍गुप थर्वा ताङ नाम्‍साङ मिशिवु मोवा ङ्‍ये थुप्‍शी सिनी यिन।

१ पत्रुस 2:10

गोमाला ख्‍यिराङ सी गिपा साङ मिनोक, यिने त याङ ख्‍यिराङ खोकी गिपा च्‍युङ वे। गोमाला याङ ख्‍यिराङला खोकी च्‍यम्‍बा माथोप वे, यिने त याङ ख्‍यिराङला खोकी च्‍यम्‍बा थोप्‍नी वे।

१ पत्रुस 2:8

तमा यम्‍बा सुङला दुक सिनी टि वे, “दो च्‍यिककी मीतिवाला नर्तुक ग्‍यक ज्‍यिकिवी, तमा टक च्‍यिककी मीतिवाला तला ग्‍यक ज्‍यिकिवी।” ती दोके क्‍यानी मीतिवा तला ग्‍यकिवी, च्‍यिलासिसिन तिवी कोन्‍छ्‍योककी सुङ माङ्‍येन्‍दुप तप्‍की यिन। तिवी थोक्‍ला तुकै च्‍युङ्‍गुप ति कोन्‍छ्‍योककी गोमाला राङ सुङ्‍गुप सुङगी मुला डिकिवी।

२ पत्रुस 1:1

येशू ख्रीष्‍टकी थोक्‍ला शब्‍ज्‍यी कितुप लोमा छ्‍ये ङ सिमोन पत्रुसकी छ्‍योक नेमा टसी देलेक! दी यिकी ति टेङ्‍बु वोतुप दाक्‍पी कोन्‍छ्‍योक ताङ दिक्‍पा ने थर ज्‍यितुप येशू ख्रीष्‍ट नेमा ङ्‍यिरा दोके खक्‍छ्‍येवु तेपा कितुप मीतिवाला टिवु यिनो।

२ पत्रुस 2:3

तिवा देर्पाला ख्‍येल्‍नी ख्‍यिराङला ताम्‍ङे जिनोक जोनी ख्‍यिरा नेसुर ख्‍येप्‍साङ लङ्‍गितो, यिने तिवी खुर गोवु छ्‍येर्पाकी कोर्ला गोमाला के तेन्‍तेन क्‍या वे। तुक क्‍यानी तिवा वुतुङ के ना डिवी।

यहूदा 1:4

च्‍यिलासिसिन ललाइ ललाइ मीतिवा ख्‍यिरा पर्ला खरक्‍पा सोक शुनी वे। तिवी कोन्‍छ्‍योकला मेतेन्‍वी। तमा खोकी दाक्‍पुला कटिन नङ्‍नी दाक्‍पु चाङ्‍मा जोवु तप्‍की दाक्‍पी लाका मेलोवा क्‍यासिनाङ गिवी सिनी मीतिवाला लोप्‍किवी। तोजो तिराङ मिन, येशू ख्रीष्‍टला च्‍यिक राङ वोतुप चोवो ताङ ज्‍यिन्‍दाक सिनी तेपा साङ मिकिवी। तुका मीतिवाला क्‍येन फोकुप कोर्ला गोमाला के कोन्‍छ्‍योककी सुङगी नाङ्‍ला टिनी नोक।