१ थेसलोनिकी 5:6 - कोन्छ्‌योककी सुङ

⁶ तुक क्‍यानी दाक्‍पु ति नक्‍तोमीला ङ्‍यिलोकुप मी यम्‍बा दोके ङ्‍यिमालोक्‍नी च्‍याङ्‍से देतुप।

१ थेसलोनिकी 5:6 Iomraidhean Croise

मत्ती 13:25

यिने मीतिवा ङ्‍यी गलुप पेला ती मी तीकी ड वानी टेकी पर्ला ठिमा तम ज्‍याक्‍नी गाल।

मत्ती 24:42

ती तप्‍की च्‍याङ्‍से देता, च्‍यिलासिसिन ख्‍यिरा चोवो चुका छेर्मु फेप्‍किवी सिरुप ति ख्‍यिराङला छ्‍या मे।

मत्ती 25:13

तुक क्‍यानी ख्‍यिराङ च्‍याङ्‍से देता, च्‍यिलासिसिन ती ङ्‍यिमा ताङ ती तुजे ति ख्‍यिराङला छ्‍या मे।”

मत्ती 25:5

तमा माक्‍पा फिमु वावु तप्‍की तिवा तेरी ङि्‍यसोक ग्‍यप्‍नी ङ्‍यी गाल्‍नोक।

मत्ती 26:38

तमा खोकी तिवाला सुङ्‍सुङ, “ङला छासे सेम्‍दुक लानी शेप दोके छ्‍याता छ्‍यिता गल वे। तुक क्‍यानी ख्‍यिराङ ङे मुला ङ्‍यिमालोका क्‍यानी देता।”

मर्कूस 13:37

ङे ख्‍यिराङला सिक्‍यावु दी ताम्‍ङे ति मी तेरीला सिरुप ताम्‍ङे यिन। ख्‍यिराङ चेर्मु क्‍यानी देता।”

लूका 12:37

खोरो ज्‍यिन्‍दाक खाङ्‍बा वुङ्‍गुप पेला लावातिवा लानी देतुप ठेसिन ती लावातिवाला ल्‍यामु यिनो। ङ ख्‍यिराङला टेङ्‍बु सिरिन, ती ज्‍यिन्‍दाक तीकी केल्‍दाङ दम्‍नी खोरो लावातिवाला च्‍योक्‍चीला दे ज्‍यिकिवी, तमा तिवी चाला वानी तिवाला समा देनी शब्‍ज्‍यी किवी।

लूका 12:39

यिने ख्‍यिराङ दी हाक्‍कोवा की, खाङ्‍बी ज्‍यिन्‍दाककी कुर्मेन चो पेला गिवी सिनी छ्‍या वोतुप यिन्‍सिन तीकी खोरो खाङ्‍बाला कुर्मेन शुक मिज्‍यिवुजा।

लूका 21:36

तुक क्‍यानी ख्‍यिराङ च्‍याङ्‍से देता, त च्‍युङ्‍गुप दी तेरी ताम्‍ङेतिवा नेसुर र्‍होक्‍नी मी पुज्‍युङकी चिप्ला लङ थुप्‍शी सिनी नरी मोपोर किसा।”

लूका 22:46

तमा खोकी तिवाला सुङ्‍सुङ, “ख्‍यिराङ च्‍यिला ङ्‍यी लोक्‍नी देकिवी? लानी खोक्‍पा ल्‍हापला मेख्‍येल्‍शी सिनी मोपोर की।”

लोमा छ्‍येतिवी लाका 20:31

तुक क्‍यानी ख्‍यिराङ च्‍याङ्‍से देता! लो सुम सेक ङ्‍यी ताङ नुप्‍ज्‍या ङुयी सिरा ङे ख्‍यिराङला टोङ्‍गु बिन्‍दुप ति नासाम तोङा।

१ कोरिन्‍थी 15:34

च्‍याङ्‍से देता! तफेन्‍ला ख्‍यिराङ दिक्‍पा कितुप क्‍युर। च्‍यिलासिसिन मिरा चोला याङ कोन्‍छ्‍योककी कोर्ला छ्‍या राङ मे। दी ताम्‍ङे ति ङे ख्‍यिराङला ङोछा लोङ्‍गुपला सिक्‍यावु यिन।

१ कोरिन्‍थी 16:13

ख्‍यिराङ च्‍याङ्‍से देता, तमा तेपा रम्‍बु क्‍यानी ङाडेङ ताङ ङार छ्‍येवु क्‍यानी देता।

एफिसी 2:3

ती दोके तोङ्‍ला दाक्‍पी साङ सेमला शरुप तेरी लाका मेलोक्‍पातिवा क्‍यानी मिजी क्‍योङ्‍गुप ताङ रङगी जु ताङ सेमगी नोवाला युवुजा। तुक क्‍यानी दाक्‍पु साङ मी यम्‍बा दोके कोन्‍छ्‌योककी पर्च्या फोकुप गिपा च्‍युङ्‍गुप यिन।

एफिसी 5:14

च्‍यिलासिसिन तेरी ताम्‍ङेतिवा थोङ ज्‍यितुप ति ठछ्‍येली यिन। ती तप्‍की मीतिवी दुक सिनी सिवी, “ओ ङ्‍यिलोकुपतिवा लो! तमा ख्‍यिराङ शेपतिवा शेप नेमा येर खोक लो! ख्रीष्‍टकी ख्‍यिराङला वोसिर नङ्‍गिवी।”

एफिसी 6:18

नरी खोकी थु चाङ्‍माकी क्‍येङ्‍नी तेरीकी थोक्‍ला मोपोर ताङ गोङ्‍बा पुल। तोजो तिराङ मिन, टेमु ताङ च्‍याङ्‍से क्‍यानी कोन्‍छ्‌योकला तेपा कितुपतिवा तेरीकी थोक्‍ला नरी मोपोर किसा।

फिलिप्पी 4:5

ख्‍यिराङ च्‍यङ्‍च्‍यु सेम्‍बा वोतुप ति तेरी मीतिवाला छ्‍या तेन। नासाम तोङा, चोवो ङमु राङ फेपिन वोतो।

कलस्सी 4:2

ख्‍यिराङ नरी मोपोर क्‍या क्‍यावा देता। मोपोर कितुप पेला चेर्मु क्‍यानी थुचिछे पुल्‍नी मोपोर किसा।

१ थेसलोनिकी 4:13

अच्‍युनुपतिवा शेपतिवी कोर्ला ख्‍यिराङ हाक्‍माकोवा क्‍यानी मेदेशी, तमा रेवा मेतुप मीतिवा दोके सेम्‍दुक क्‍यानी साङ मेदेशी सिरुप ति ङ्‍यिरा नोवा वे।

१ थेसलोनिकी 5:10

खो दाक्‍पी थोक्‍ला टुङ्‍सुङ। ती तप्‍की दाक्‍पु सेन्‍बु देसिनाङ शिसिनाङ नरी खोकी मुला राङ मिजी क्‍योङ्‍गुप।

१ थेसलोनिकी 5:8

यिने दाक्‍पु याङ ठछ्‍येलीला वोतुप कोन्‍छ्‍योककी गिपातिवा यिन्‍दुप तप्‍की च्‍याङ्‍से क्‍यानी देतुप। तमा मक ग्‍यकुप पेला मक्‍मीतिवी छेकोक र्‍होकुपला च्‍या ग्‍यपुप दोके क्‍यानी चोवो येशूला तेपा कितुप ताङ च्‍यिककी च्‍यिकला ङ्‍यिङ्‍ज्‍ये किसा। तमा मक्‍मीतिवी गो र्‍होकुपला च्‍याकी शमुङ कोन्‍दुप दोके क्‍यानी कोन्‍छ्‍योककी दाक्‍पुला थर ज्‍यितुप रेवा क्‍यानी देतुप।

१ तिमोथी 2:15

यिने पुम्‍पेजातिवी येशूला तेपा कितुप ताङ ङ्‍यिङ्‍ज्‍ये कितुप ताङ टेङ्‍बुकी मिजी क्‍याङ्‍सुङ सिसिन आङा क्‍येप पेला कोन्‍छ्‍योककी तिवाला र्‍होकिवी।

१ तिमोथी 2:9

तुक राङ क्‍यानी पुम्‍पेजातिवी साङ छ्‍येजु कितुप मिन, कुसु ज्‍यम्‍बु क्‍यानी दाक दाक्‍पुला पोमु वुङ्‍गुप मज्‍यातिवा कोन्‍शी। र्‍ह ल्हामा ल्हानी मज्‍या ल्‍यामु कोन्‍नी छ्‍यानी सेर ताङ मोती ताङ गोङ नावु मज्‍यातिवा कोन्‍नी मिन,

१ तिमोथी 3:11

तुक राङ क्‍यानी तिवी पेर्मीतिवा साङ किताङ नालु ल्‍यामु वोतुप ताङ मीला मारे मोतोङ्‍गुप ताङ डेकला देतुप ताङ तेरी ताम्‍ङेला खोङ्‍तेर्मु वुङ गोकिवी।

१ तिमोथी 3:2

यिने तुका चर्चला गोमा कितुप मीतिवा ति क्‍येन मेतुप ताङ पेर्मी च्‍यिक राङ वोतुप ताङ काङ किसिनाङ छे क्‍यानी कितुप ताङ सेम थिला ज्‍योकुप ताङ मीतिवी ताङ्‍देन क्‍यावु ताङ डेन्‍बुला ताङ्‍देन कितुप ताङ येन्‍देन लोप थुपुप वुङ गोकिवी।

२ तिमोथी 4:5

यिने ख्‍युरुङ ति चो पेला साङ सेम थिला ज्‍याक्‍नी चो दुक्‍पा वोसिनाङ लेन ल्‍यामु ख्‍याप्‍टाक कितुप ताङ खोला शब्‍ज्‍यी कितुप लाका ति तेरी किसा।

तीतस 2:12

ती कटिनकी राङ दाक्‍पु ति कोन्‍छ्‍योकला गा मलङ्‍गुप लाका ताङ तेपा मिकिवु मीतिवी दोके जम्‍बुलिङकी च्‍यालकतिवाला ङ्‍यिङ्‍ज्‍ये कितुप क्‍युर्नी दी जम्‍बुलिङला देतुप पेला खुरुङला डेकला ज्‍योकुप ताङ टेङ्‍बु वोतुप कोन्‍छ्‍योकला गा लङ्‍गुप मिजी क्‍योङ्‍गुपला येन्‍देन नङ्‍गिवी।

तीतस 2:6

तुक राङ क्‍यानी ख्‍योक्‍पेजा ज्‍येन्‍दातिवाला साङ डेकला दे सिनी टोङ्‍गु बिन।

१ पत्रुस 1:13

तुक क्‍यानी रङगी सेम ति थिला ज्‍याक्‍नी डेकला दे। तमा येशू ख्रीष्‍ट फेवु पेला खोकी ख्‍यिराङला नङ्‍गुप कटिन थोपुपला ख्‍यिराङ रेवा की।

१ पत्रुस 4:7

दी जम्‍बुलिङकी तिङ्‍मी तुजे वुङ्‍यिन वे। तुक क्‍यानी ख्‍यिराङ मोपोर ल्‍यामु कितुपला सेम थिला ज्‍याक्‍नी च्‍याङ्‍से देता।

१ पत्रुस 5:8

च्‍याङ्‍से देता, ङ्‍यी मालोक्‍नी देता! च्‍यिलासिसिन ख्‍यिरा ड शैतान ति सुला थेप्‍किवे, तीला साप सिनी वोरुप सेङ्‍गी दोके वोरिन वोतो।

ज्‍यल्‍का 16:15

“दी ताम्‍ङे ति ल्‍यामो ङ्‍येना। ङ कुर्मेन वावु दोके हाक्‍माकोवा क्‍यानी वुङ्‍गिनो। सु च्‍याङ्‍से क्‍यानी खोप्‍रे मज्‍या कोन्‍नी टडिक क्‍या देकिवे, ती ति मोलाम थोपुप यिनो। तुक क्‍यासिन तिवा मी मिङ्‍गाला पेर्तुङ्‍बा साङ मुलुवी, ङोछाला साङ मेख्‍येल्‍वी।”

ज्‍यल्‍का 3:2

तुक क्‍यानी ख्‍यिराङ लोसा, तमा ख्‍यिरा मुला तेपा चेयी तिराङ लुनी शेप दोके गलुप तेपा ति रम्‍बु जो। च्‍यिलासिसिन ख्‍योरो क्‍यावु लाकातिवा ति ङे कोन्‍छ्‍योककी थोङ्‍दाङला तेरी माछेवे।