१ थेसलोनिकी 5:27 - कोन्छ्‌योककी सुङ

²⁷ चोवोकी मिङला ङ ख्‍यिराङला गोङ्‍बा शोयी, दी यिकी ति रानी तेरी अच्‍युनुपतिवाला ङ्‍येन्‍शिता।

१ थेसलोनिकी 5:27 Iomraidhean Croise

मत्ती 26:63

यिने येशू खरक्‍पा ज्‍युसुङ। येलुङ तेरी सिनाङ कोङ्‍यार छ्‍ये तीकी येशूला “ख्‍युरुङ ङोसु वोतुप कोन्‍छ्‍योकला न क्‍यल्‍नी ङ्‍यिराङला टेङ्बु सी। काङ ख्‍युरुङ कोन्‍छ्‍योककी सेवु ख्रीष्‍ट राङ यिन?” सिनी टिसुङ।

मर्कूस 5:7

तमा थोर ग्‍यप्‍नी, “ओ तेरी सिनाङ चोछ्‍येवु कोन्‍छ्‍योककी सेवु येशू, ख्‍योरे ति ङे मुला काङ तम्‍जी वे? ङला दुक्‍पा मातेर सिनी कोन्‍छ्‍योकला न क्‍योल।” सिनी सिक्‍यासुङ।

लोमा छ्‍येतिवी लाका 1:15

ती पेला ते तेपा कितुपतिवा मी मिरा सयी च्‍यिक ताङ खल ज्‍यिक चोयी जोम्‍नोक। तमा पत्रुसकी तिवी पर्ला टङी लानी सिक्‍यासुङ,

लोमा छ्‍येतिवी लाका 19:13

तमा ललाइ फार छुर युकुप यहूदी मिंदुङतिवी डेकी कुलुप मीतिवाला येशूकी मिङ तेन्‍नी, “पावलकी ख्‍याप्‍टाक क्‍यावु येशूकी मिङला ङ ख्‍युरुङला सिरिन, थेन ग्‍युक!” सिनी क तेर्किनोक।

कलस्सी 4:16

दी यिकी ति ख्‍यिरा रानी सिन्‍सिमा लाउडिकियाला वोतुप चर्चला साङ रोक च्‍यिता। तुक राङ क्‍यानी लाउडिकियाकी चर्च नेसुर वावु यिकी साङ ख्‍यिरा रोसा।

१ थेसलोनिकी 2:11

पपी खोरो पुज्‍युङपुमला क्‍यावु दोके ङ्‍यिरा ख्‍यिराङ रे रेला टोङ्‍गु ताङ ङाडेङ बिन्‍दुप ति ख्‍यिराङला राङ छ्‍या वे। तुका टोङ्‍गु बिन्‍दुप ति ख्‍यिरा किताङ नालु ति कोन्‍छ्‍योककी सेमला डो छ्‍योवु च्‍युङ्‍गुपला यिन। ती कोन्‍छ्‍योककी ख्‍यिराङला खोकी ग्‍येल्‍खाप ताङ खोकी मोवाला कताङ नाङ्‍सुङ।

२ थेसलोनिकी 3:14

सी दी ङ्‍यिरा तङ्‍गुप यिकीला टिवु ताम्‍ङे ति मेङ्‍येन्‍वे, तुका मीतिवा ल्‍यामो क्‍यानी ङो शेनी ज्‍योक। तिवी मुला तम्‍जी साङ माजो। तमा तिवा ङोछाला ख्‍येल्‍शी।

१ तिमोथी 1:18

ङे ङ्‍यिङ्‍ज्‍येवु आङ तिमोथी, गोमाला के कोन्‍छ्‍योककी लुङ्‍तेम्‍बातिवी ख्‍योरो थोक्‍ला नम्‍दर शेतुप ताम्‍ङे दोके ङ येलुङ क तेरिन। मक्‍मीतिवी ङाडेङ क्‍यानी थमु ग्‍यकुप दोके क्‍यानी चोवो कोन्‍छ्‍योककी थोक्‍ला लाका ल्‍यामु की।

१ तिमोथी 1:3

ङ माकेडोनिया डोप पेला ख्‍युरुङला ङे एफिससला राङ दे सिक्‍यावु तेन्‍दोक ति तेकी येन्‍देन मेटेङ्‍बु लोपुप मीतिवाला तुक माकी सिनी क तेरुपला यिन।

१ तिमोथी 5:21

कोन्‍छ्‍योक ताङ येशू ख्रीष्‍ट ताङ कोन्‍छ्‍योककी पेन नङ्‍गुप देवाच्‍येनकी मीतिवी थोङ्‍दाङला ङ ख्‍युरुङला क छ्‍येम्‍बु तेरिन। ख्‍ये मापेवा क्‍यानी ख्‍युरुङ ङे सिक्‍यावु ठिमला वोतुप दोके क्‍यानी किसा।

१ तिमोथी 5:7

तुक क्‍यानी तिवा क्‍येन मेतुप च्‍युङ्‍नी देशी सिनी तिवाला दी येन्‍देन बिन।

१ तिमोथी 6:13

मी तेरीला मिजी नङ्‍गुप कोन्‍छ्‍योक ताङ पन्‍तियस पिलातसकी दोङ्‍ला पङ्‍बु टेङ्‍बु नङ्‍गुप येशू ख्रीष्‍टकी थोङ्‍दाङला

१ तिमोथी 6:17

दी जम्‍बुलिङकी मी छ्‍युक्‍पुतिवाला दुक सिनी क बिन, “अम्‍बारङ्‍शिङ माकी, चेयी पर सेक तिराङ लुवु टोङ्‍बाला मिन, यिने दाक्‍पुला गोवु तेरी च्‍यालकतिवा लोदिमुकी थोक्‍ला ग्‍यक्‍चे क्‍यानी नङ्‍गुप कोन्‍छ्‍योकला तिराङ रेवा की।”

२ तिमोथी 4:1

येशू ख्रीष्‍ट ग्‍येला कितुपला फेपुप पेला सेन्‍बु वोतुप ताङ शेपतिवा तेरीला ठिम क्‍या नङ्‍गिवी। तुक क्‍यानी कोन्‍छ्‍योक ताङ ती येशू ख्रीष्‍टकी थोङ्‍दाङला ङ ख्‍युरुङला क छ्‍येम्‍बु बिन्‍नी सिरिन।

हिब्रू 3:1

तुक क्‍यानी कोन्‍छ्‍योककी कताङ नङ्‍गुप चाङ्‍मा वोतुप अच्‍युनुपतिवा, दाक्‍पी ख्‍याप्‍टाक क्‍यावु लोमा छ्‍ये ताङ कोङ्‍यार छ्‍ये यिन्‍दुप येशूला नासाम तोङ।