१ थेसलोनिकी 5:24 - कोन्छ्‌योककी सुङ

²⁴ ख्‍यिराङला कताङ नङ्‍गुप कोन्‍छ्‍योक ति खोङ्‍तेर्मु वे, खोकी राङ ख्‍यिराङला ती तेरी ताम्‍ङेतिवा नङ्‍गिवी।

१ थेसलोनिकी 5:24 Iomraidhean Croise

मत्ती 24:35

स ताङ नाम ति तोर्नी डिवी, यिने ङे सिक्‍यावु ताम्‍ङेतिवा ति नाम्‍साङ तोर्नी मोडोवी।”

यूहन्‍ना 1:17

कोन्‍छ्‍योककी ठिम ति मोशा नेमा राङ ङ्‍येतुप यिन, यिने कटिन ताङ टेङ्‍बु ति येशू ख्रीष्‍ट नेमा वावु यिन।

यूहन्‍ना 3:33

यिने सी खोकी पङ्‍बुला तेपा किवे, तीकी कोन्‍छ्‍योक ति टेङ्‍बु वे सिनी तेन्‍तेन किवी।

रोमी 8:30

सु सुला खोकी गोमाला के पेन नङ वे, पेन नङ्‍गुपतिवाला खोकी कताङ नाङ्‍सुङ। तमा कतङ्‍गुपतिवाला खोकी थोङ्‍दाङला टेङ्‍बु जो नाङ्‍सुङ। तमा टेङ्‍बु जो नङ्‍गुपतिवाला खोकी मोवा साङ नाङ्‍सुङ।

रोमी 9:24

खोकी दाक्‍पुला पेन नङ्‍गुप पेला यहूदीतिवा नेसुर तिराङ मिन, यिने यहूदी मिन्‍दुप मिरिक यम्‍बाकी मीतिवा नेसुर साङ पेन नङ्‍गुप यिन।

१ कोरिन्‍थी 1:9

कोन्‍छ्‍योक ति खोङ्‍तेर्मु वे। खोकी खोरे सेवु दाक्‍पी चोवो येशू ख्रीष्‍टकी मुला डिक्‍जोम कितुपला ख्‍यिराङला कताङ नङ वे।

१ कोरिन्‍थी 10:13

ख्‍यिरा मिजीला खोक्‍पा ल्‍हाप ताम्‍ङेतिवा ख्‍येलुप पेला ती खोक्‍पा ल्‍हाप ताम्‍ङेतिवा ति मी यम्‍बाला साङ ख्‍येल्‍गिवी सिनी नासाम तोङ। कोन्‍छ्‍योक ति खोङ्‍तेर्मु वे, खोकी ख्‍यिराङला ख्‍यिरा अछ्‍योवु सिनाङ ल्‍हक्‍पा खोक्‍पा ल्‍हाप ताम्‍ङेला ख्‍येल मिज्‍यिवी। यिने खोक्‍पा ल्‍हाप ताम्‍ङे ख्‍येल वासिनाङ ती नेसुर थरुप लाम साङ नङ्‍गिवी। तुक क्‍यानी ख्‍यिराङ खोक्‍पा ल्‍हापला ख्‍येलुप पेला हम क्‍यानी दे थुप्‍किवी।

गलाती 1:15

यिने ङ क्‍येप सिनाङ गोमाला के कोन्‍छ्‍योककी ङला पेनी खोकी कटिनला कताङ नङ्‍नी

२ थेसलोनिकी 2:14

तीकी थोक्‍ला राङ ङ्‍यिरा ख्‍यिराङला ख्‍याप्‍टाक क्‍यावु लेन ल्‍यामु नेसुर दाक्‍पी येशू ख्रीष्‍टकी मोवा थोपुपला खोकी ख्‍यिराङला कताङ नङ्‍गुप यिन।

२ थेसलोनिकी 3:3

यिने चोवो याङ खोङ्‍तेर्मु वोतुप चोवो यिन्‍दुप तप्‍की खोकी ख्‍यिराङला नरी रम्‍बु जो नङ्‍गिवी, तमा दुक्‍टा नेसुर र्‍होकिवी।

२ तिमोथी 1:9

खोकी दाक्‍पुला दिक्‍पा ने थर च्‍यिनी दाक्‍पु टेङ्‍बु च्‍युङ्‍गुपला कताङ नाङ्‍सुङ। ती ति दाक्‍पी लाका ल्‍यामु क्‍यावु तप्‍की मिन, यिने खोकी नोवा ताङ कटिनकी जोसालेन्‍सिन यिन। ती कटिन ति जम्‍बुलिङ ज्‍येङ्‍गुप पेला नेज्‍युनी येशू ख्रीष्‍ट नेसुर खोकी दाक्‍पुला नङ वे।

२ तिमोथी 2:13

दाक्‍पु खोङ्‍तेर्मु मेसिनाङ खो खोङ्‍तेर्मु वे, च्‍यिलासिसिन खोकी सुङ्‍गुप ति नाम्‍साङ मोफोवी।

तीतस 1:2

तुक क्‍यानी तिवा ति नाम्‍साङ मिशिवु मिजी ङ्‍येतुपला रेन्‍नी देन वे। ती मिजी ति जिनोक जो मनङ्‍गुप कोन्‍छ्‍योककी थल्‍मा नेज्‍युनी थाक्‍छ्‍येन नङ्‍गुप यिन।

१ पत्रुस 5:10

कोन्‍छ्‍योक ति ख्‍यिराङला तेरी कटिन नङ्‍गुप कोन्‍छ्‍योक यिन। खोकी येशू ख्रीष्‍ट ताङ मुला नाम्‍साङ ना मोडोवु मोवाला ख्‍यिराङला कताङ नङ वे। तमा चेयी पर सेक ति ख्‍यिरा छेटाङ खुर्सिनाङ खोकी ख्‍यिरा क्‍यावु दुक्‍पा नेसुर ख्‍यिराङला छ्‍ये जो नङ्‍गिवी। तमा ख्‍यिराङला फार छुर मोयोम्‍बुप ताङ ङार छ्‍येवु जोनी ख्‍यिरा तेपा ति डम्‍ज्‍यी रम्‍बु तिङ्‍गुप दोके जो नङ्‍गिवी।

२ पत्रुस 1:3

ओङ छ्‍येवु वोतुप कोन्‍छ्‍योककी दाक्‍पुला मिजी टेङ्‍बु क्‍योङ्‍गुपला गोवु ति तेरी नाङ्‍सुङ। ती मोलाम ति कोन्‍छ्‍योककी मोवा ताङ च्‍यङ्‍च्‍यु सेम्‍बा नेसुर थल्‍माला दाक्‍पुला कताङ नङ्‍गुप यिन सिनी दाक्‍पी हाक्‍कोसिमा खोकी दाक्‍पुला नङ्‍गुप यिन।

ज्‍यल्‍का 17:14

तिवा लुक रुक ताङ मुला थमु ग्‍यकिवी, यिने लुक रुककी तिवी मुला थमु ग्‍यप्‍नी तिवी खला ग्‍येल्‍गिवी। च्‍यिलासिसिन खो ति चोवो खकी चोवो, ग्‍येल्‍वी खकी ग्‍येल्‍वु यिन। तमा खोकी कताङ नङ्‍गुप ताङ खोकी पेतुप खोङ्‍तेर्मु वोतुप मीतिवा खोकी मुला राङ वे।” सिनी सिक्‍यासुङ।