१ थेसलोनिकी 5:23 - कोन्छ्‌योककी सुङ

²³ लोदिमु नङ्‍गुप कोन्‍छ्‍योककी राङ ख्‍यिराङला तेरी टेङ्‍बु जो नङ्‍शी, तमा दाक्‍पी चोवो येशू ख्रीष्‍ट फेपुप पेला सेक ख्‍यिरा थु ताङ सेम ताङ जु तेरी काङ साङ क्‍येन मेतुप च्‍युङ्‍शी।

१ थेसलोनिकी 5:23 Iomraidhean Croise

लूका 1:46

तमा मरियमकी सिक्‍यासुङ, “ङे मिजी ने चोवो कोन्‍छ्‍योकला सोवा देकिवी,

यूहन्‍ना 17:19

तिवी थोक्‍ला ङे ङरा राङ चाङ्‍मा जोयिन, ती ति तिवा साङ सुङ टेङ्‍बु नेसुर चाङ्‍मा च्‍युङ्‍शी सिनी यिन।”

लोमा छ्‍येतिवी लाका 20:32

त याङ ङ ख्‍यिराङला कोन्‍छ्‍योककी लकला ज्‍योकिनो। कोन्‍छ्‍योककी कटिन वोतुप सुङगी ख्‍यिराङला र्‍होकिवी। तमा ती सुङगी राङ ख्‍यिराङला रम्‍बु जेवी। खोकी पेतुपतिवा तेरीला खोकी मोलाम नङ्‍गिवी।

लोमा छ्‍येतिवी लाका 26:18

ख्‍युरुङ गल्‍नी ख्‍योरो गिपाकी मीतिवाला कोन्‍छ्‍योककी थाकाला ग्‍युर च्‍यी। तमा तिवा नक्‍तोमी वुङ नेसुर ठछ्‍येलीला ग्‍युर्नी शैतानकी ओङ नेसुर कोन्‍छ्‍योककी थाकाला वुङ्‍शी। तुक क्‍यासिन तिवी दिक्‍पा ताकिवी, तमा ङला तेपा क्‍यानी टेङ्‍बु गलुपतिवी पर्ला देतुप ङ्‍येकिवी।’ सिनी सुङ्‍सुङ।

रोमी 15:13

ख्‍यिराङला रेवा नङ्‍गुप कोन्‍छ्‍योककी ख्‍यिरा क्‍यावु तेपाकी थोक्‍ला गा ताङ लोदिमु तेरी नङ्‍शी। तमा ख्‍यिराङ खोकी थु चाङ्‍माकी ओङला मङ मङ रेवा क्‍यानी दे थुप्‍शी।

रोमी 15:33

सेमला लोदिमु नङ्‍गुप कोन्‍छ्‍योक ति ख्‍यिराङ तेरीकी मुला नरी ज्‍युशी। आमिन।

रोमी 15:5

ती दाक्‍पुला हम क्‍यानी दे थुपुप ताङ टोङ्‍गु नङ्‍गुप कोन्‍छ्‍योककी ख्‍यिराङ तेरीला येशू ख्रीष्‍टकी क्‍यावु दोके च्‍यिककी च्‍यिकला सेम थिन्‍नी मिजी क्‍योङ्‍गुपला दाल्‍जा किटे किशी।

रोमी 16:20

तमा लोदिमु नङ्‍गुप कोन्‍छ्‍योककी ङमु राङ शैतानला ख्‍यिरा काङ्‍बी वोक्‍ला लेप ज्‍यिकिवी। दाक्‍पी चोवो येशू ख्रीष्‍टकी कटिन ति ख्‍यिरा मुला नरी लुशिता।

१ कोरिन्‍थी 1:2

कोरिन्‍थला वोतुप कोन्‍छ्‍योककी चर्च ताङ येशू ख्रीष्‍ट नेसुर टेङ्‍बु च्‍युङ्‍गुप मीतिवा ताङ चाङ्‍मा वोतुप गिपा च्‍युङ्‍गुपला कोन्‍छ्‍योककी पेन नङ्‍गुपतिवा ताङ तेरी दासाला येशू ख्रीष्‍टला दाक्‍पी चोवो सिनी खोकी मिङला कतङ्‍गुप मीतिवा तेरीला टिवु यिनो।

१ कोरिन्‍थी 1:30

यिने कोन्‍छ्‍योककी ख्‍यिराङला येशू ख्रीष्‍ट ताङ मुला जु च्‍यिक राङ जो नङ्‍गुप यिन। खोकी ख्रीष्‍ट नेमा दाक्‍पुला खोकी रिक्‍पा नाङ्‍सुङ। तमा खोकी थोङ्‍दाङला दाक्‍पुला चाङ्‍मा ताङ टेङ्‍बु वोतुप जोनी दिक्‍पा ने थर च्‍यिसुङ।

१ कोरिन्‍थी 14:33

च्‍यिलासिसिन कोन्‍छ्‍योक ति थरा थुरा वोतुप कोन्‍छ्‍योक मिन, यिने लोदिमु नङ्‍गुप कोन्‍छ्‍योक यिन। कोन्‍छ्‍योकला तेपा कितुपतिवा चर्चला जोम्‍बुप पेला

२ कोरिन्थी 5:19

तीकी तेन्‍दोक ति येशू ख्रीष्‍ट नेसुर राङ कोन्‍छ्‍योककी तेरी मीतिवाला येलुङ खोकी मुला तम्‍जी ल्‍यामु जोवु यिन। तमा मीतिवी क्‍यावु दुक्‍चे क्‍येनकी लाकातिवाला खोकी काङ साङ छ्‍येर्पा माबिन्‍नी खोरे मुला तम्‍जी ल्‍यामु जोपला ख्‍याप्‍टाक कितुप लाका ति ङ्‍यिराङला चेक तेन नाङ्‍सुङ।

फिलिप्पी 1:10

तुक क्‍यानी चुका ताम्‍ङे ति खक्‍छ्‍येवु यिन ति ख्‍यिरा बे थुप्‍शी। तमा ख्रीष्‍ट फेवु तुजे सेक ख्‍यिराङ क्‍येन मेतुप ताङ टेङ्‍बु क्‍यानी दे थुप्‍शी।

फिलिप्पी 1:6

तमा ख्‍यिरा मिजीला लाका ल्‍यामु गो जुवु कोन्‍छ्‍योककी राङ येशू ख्रीष्‍ट फेवु तुजे सेक ख्‍यिरा मुला ज्‍युनी ती लाका ति सिन्‍दा किवी सिरुप ति ङला तेपा वे।

फिलिप्पी 4:9

ख्‍यिरा चुका ताम्‍ङे ति ङे नेसुर लाप्‍वे, चुका ताम्‍ङे ति सेमला लावे, चुका ताम्‍ङे ति ङे ख नेमा थोवे, चुका ताम्‍ङे ति ङे मिजीला थोङ्‍वे, ती दोके राङ की। तमा लोदिमु नङ्‍गुप कोन्‍छ्‍योक ख्‍यिरा मुला ज्‍युकितो।

कलस्सी 1:22

यिने त याङ खोकी थोङ्‍दाङला चाङ्‍मा ताङ मडी मेतुप ताङ क्‍येन मेतुप जोपला येशू ख्रीष्‍ट टुङ्‍नी खोकी ख्‍यिराङ ताङ मुला डिक्‍सुङ।

१ थेसलोनिकी 2:19

च्‍यिलासिसिन चोवो येशू फेपुप पेला खोकी दोङ्‍ला ङ्‍यिरा रेवा ताङ लोदिमु ताङ तेके क्‍यावु उशाक ति काङ ख्‍यिराङ राङ मिन रो?

१ थेसलोनिकी 3:11

त दाक्‍पी पपा कोन्‍छ्‍योक ताङ चोवो येशू ख्रीष्‍टकी ङ्‍यिराङला ख्‍यिरा चाला वुङ्‍गुप लाम ति पेन नङ्‍शी।

१ थेसलोनिकी 3:13

तमा चोवो येशू ख्रीष्‍टकी ख्‍यिरा तेपा रम्‍बु जो च्‍यिनी खो खोरे चाङ्‍मा वोतुप मीतिवी मुला फेपुप पेला दाक्‍पी पपा कोन्‍छ्‍योककी दोङ्‍ला ख्‍यिराङ चाङ्‍मा ताङ काङ साङ क्‍येन मेतुप जो नङ्‍शी।

१ थेसलोनिकी 4:3

च्‍यिलासिसिन कोन्‍छ्‍योककी नोवा ति ख्‍यिराङ चाङ्‍मा देशी सिरुप यिन। तीकी तेन्‍दोक ति ख्‍यिराङ शम्‍डेन माकी,

१ थेसलोनिकी 5:22

मेलोवा वोतुप तेरी ताम्‍ङे दुक्‍टा नेसुर कुतुक देता।

२ थेसलोनिकी 3:16

त लोदिमु वोतुप चोवोकी ख्‍यिराङला चो पेला कनी गल्‍सिनाङ नरी लोदिमु नङ्‍शी। तमा खो नरी ख्‍यिरा तेरीकी मुला राङ ज्‍युशी।

हिब्रू 13:20

चोवो येशूकी ग्‍यङ्‍शिङला ठक तेन्‍नी कोन्‍छ्‍योक ताङ मीतिवी पर्ला थाक्‍छ्‍येवु ताम्‍ङे क्‍या नङ्‍गुप तप्‍की खो दाक्‍पुला गोमा कितुप गोठाला छ्‍ये च्‍युङ्‍सुङ। तमा कोन्‍छ्‍योक ति खोला टुङ्‍गुप ने ङोसु लोङ्‍गुप लोदिमु वोतुप कोन्‍छ्‍योक यिन।

हिब्रू 2:11

मीला दिक्‍पा नेसुर टेङ्‍बु जो नङ्‍गुप येशू ताङ खोकी टेङ्‍बु जोवु मी तेरीकी पपा ति च्‍यिक राङ वे। तुक क्‍यानी खोकी खोरे राङ टेङ्‍बु जो नङ्‍गुप मीतिवाला ङे नुपतिवा सिरुपला खो ङोछा मिकिवी।

हिब्रू 4:12

च्‍यिलासिसिन कोन्‍छ्‍योककी सुङ ति ङोसु ताङ ङार छ्‍येवु वे। ती सुङ ति ख ङ्‍यी वोतुप खुर्पा सिनाङ नेन्‍बु वे। तुक क्‍यानी तीकी मी सेम ताङ थुकी नाङ्‍ला शुकुप ताङ जुकी थिन्‍जाम ताङ रुकककी काङ काङला शुनी कुतुक कुतुक मागल्‍वा सेक तीकी तुप्‍किवी। तमा सेमगी नासाम ताङ नोवा ति काङ नोक सिनी छ्‍या देन्‍गिवी।

याकूब 1:4

ख्‍यिराङ हम क्‍यानी देतुप ति मङ ल्‍हक्‍पा गल्‍सिमा तेपा रम्‍बु च्‍युङ्‍नी ख्‍यिरा मिजीला काङ साङ ङ्‍युङ्‍मु मेवी।

१ पत्रुस 1:2

पपा कोन्‍छ्‍योककी थल्‍माला ख्‍यिराङला ल्‍यामो हाक्‍कोनी पेन नङ्‍सुङ, तमा खोकी थु चाङ्‍मा नेसुर ख्‍यिराङ चाङ्‍मा च्‍युङ्‍सुङ। तुक क्‍यानी ख्‍यिरा येशू ख्रीष्‍टकी सुङला ङ्‍येन्‍नी तेपा क्‍यासिमा खोकी ठक नेसुर चाङ्‍मा च्‍युङ्‍सुङ। ख्‍यिराङ तेरीला कोन्‍छ्‍योककी कटिन ताङ लोदिमु वुङ्‍शी।

१ पत्रुस 5:10

कोन्‍छ्‍योक ति ख्‍यिराङला तेरी कटिन नङ्‍गुप कोन्‍छ्‍योक यिन। खोकी येशू ख्रीष्‍ट ताङ मुला नाम्‍साङ ना मोडोवु मोवाला ख्‍यिराङला कताङ नङ वे। तमा चेयी पर सेक ति ख्‍यिरा छेटाङ खुर्सिनाङ खोकी ख्‍यिरा क्‍यावु दुक्‍पा नेसुर ख्‍यिराङला छ्‍ये जो नङ्‍गिवी। तमा ख्‍यिराङला फार छुर मोयोम्‍बुप ताङ ङार छ्‍येवु जोनी ख्‍यिरा तेपा ति डम्‍ज्‍यी रम्‍बु तिङ्‍गुप दोके जो नङ्‍गिवी।

२ पत्रुस 3:14

ती तप्‍की ङे ङ्‍यिङ्‍ज्‍येवु अच्‍युनुपतिवा, ख्‍यिराङ ती तुजेला गुनी देतुप तप्‍की खोकी थोङ्‍दाङला ख्‍यिराङ मङ टेङ्‍बु ताङ क्‍येन मेतुप ताङ खोकी मुला तम्‍जी ल्‍यामु वोतुप मिजी क्‍योङ।

यहूदा 1:1

टसी देलेक! ङ यहूदा ति याकूबकी नुप ताङ येशू ख्रीष्‍टला शब्‍ज्‍यी कितुप मी यिन। ङे छ्‍योक नेसुर कोन्‍छ्‍योककी कताङ नङ्‍नी ङ्‍यिङ्‍ज्‍ये क्‍या नङ्‍गुप ताङ येशू ख्रीष्‍टकी र्‍होकुप मीतिवाला दी यिकी ति टिवु यिनो।

यहूदा 1:24

दाक्‍पी कोन्‍छ्‍योककी ख्‍यिराङला दिक्‍पा ने र्‍होकुप ताङ क्‍येन मेतुप जोनी खोकी मोवाकी चिप्‍ला लोदिमु क्‍यानी टिनी डिवी।