१ थेसलोनिकी 5:2 - कोन्छ्‌योककी सुङ

² च्‍यिलासिसिन चोवो येशू फेपुप तुजे याङ नुपला कुर्मेन वावु दोके हाक्‍माकोवा क्‍यानी गिवी सिरुप ति ख्‍यिराङला राङ छ्‍या वे।

१ थेसलोनिकी 5:2 Iomraidhean Croise

मत्ती 25:13

तुक क्‍यानी ख्‍यिराङ च्‍याङ्‍से देता, च्‍यिलासिसिन ती ङ्‍यिमा ताङ ती तुजे ति ख्‍यिराङला छ्‍या मे।”

लूका 21:34

“तुक क्‍यानी ख्‍यिराङ दाक दाक्‍पी थोक्‍ला च्‍याङ्‍से देता, सेम नोजु कितुप ताङ छ्‍याङ थुनी जेप ताङ मिजीकी थोक्‍ला पप कितुपला ख्‍यिरा सेम ख्‍येल माज्‍यी। मिसियाङ ती तुजे ति तर्वा दोके ख्‍यिरा हाक्‍माकोवा क्‍यानी ख्‍यिरा खला ख्‍येल्‍गिवी।

१ कोरिन्‍थी 1:8

तमा दाक्‍पी चोवो येशू ख्रीष्‍ट फेपुप तुजे सेक ख्‍यिराङ काङ साङ क्‍येन मेतुप जोपला खोकी ख्‍यिराङला रम्‍बु जो नङ्‍गिवी।

१ थेसलोनिकी 5:4

यिने अच्‍युनुपतिवा, ख्‍यिराङ याङ येशूला तेपा क्‍यानी नक्‍तोमीला युकुप मी मिन। ती तप्‍की ती कुर्मेन दोके हाक्‍माकोवा क्‍यानी वुङ्‍गुप छेटाङला मेख्‍येल्‍वी।

२ थेसलोनिकी 2:2

ललाइ लुङ्‍तेम्‍बा याङ्‍ना ताम्‍ङे याङ्‍ना ललाइ यिकी नेसुर चोवो फेपुप तुजे वा वे सिक्‍यासिन ख्‍यिराङ पप साङ माकी, यर्मिन मर्मिन साङ माडो।

२ पत्रुस 3:10

यिने चोवोकी तुजे ति कुर्मेन वावु दोके हाक्‍माकोवा क्‍यानी गिवी। ती पेला नाम ति वोरु गिर्पो यी तेन्‍नी ना डिवी, तमा ङ्‍यिमा उला ताङ कर्मातिवा मे रापकी तेरी शिनी डिवी। जम्‍बुलिङ ताङ जम्‍बुलिङला वोतुप तेरी शिनी डिवी।

ज्‍यल्‍का 16:15

“दी ताम्‍ङे ति ल्‍यामो ङ्‍येना। ङ कुर्मेन वावु दोके हाक्‍माकोवा क्‍यानी वुङ्‍गिनो। सु च्‍याङ्‍से क्‍यानी खोप्‍रे मज्‍या कोन्‍नी टडिक क्‍या देकिवे, ती ति मोलाम थोपुप यिनो। तुक क्‍यासिन तिवा मी मिङ्‍गाला पेर्तुङ्‍बा साङ मुलुवी, ङोछाला साङ मेख्‍येल्‍वी।”

ज्‍यल्‍का 3:3

ती तप्‍की गोमाला ख्‍योरो लापुप ताङ थोवु ताम्‍ङे ति नासाम तोङ। तमा तीला ङ्‍येन्‍नी दिक्‍पा ने ग्‍युर। ख्‍युरुङ मालासिन ङ ख्‍यिरा हाक्‍माकोवा क्‍यानी शार्क्येक वुङ्‍यिनो। ङ चो पेला गिवी सिरुप तुजे ति ख्‍यिरा हाक्‍मोकोतो।