१ थेसलोनिकी 5:15 - कोन्छ्‌योककी सुङ

¹⁵ ख्‍यिराङ सी साङ मेलोक्‍पाकी थोक्‍ला मेलोक्‍पा माकी, यिने च्‍यिककी च्‍यिकला ताङ तेरीला ल्‍यामु कितुप नासाम तोङा।

१ थेसलोनिकी 5:15 Iomraidhean Croise

मत्ती 5:39

यिने ङ ख्‍यिराङला सिरिन, ख्‍यिराङला मेलोक्‍पा कितुपतिवाला काङ साङ ङ्‍येन मालाङ। सी ख्‍योरो डम्‍बा यावाला बेप्‍किवे, तीला यम्‍बा थाकाकी डम्‍बा साङ जेनी बिन।

लूका 6:35

यिने ख्‍यिरे डतिवाला ङ्‍यिङ्‍ज्‍ये की, तिवाला ल्‍यामु की, येलुङ लोक्‍नी ङ्‍येतुप रेवा माक्‍यानी छ्‍यावा बिन। तुक क्‍यासिन ख्‍यिराङला छ्‍यक्‍तक ग्‍येर्पु थोप्‍कितो, तमा ख्‍यिराङ चोछ्‍येवु कोन्‍छ्‍योककी पुज्‍युङ च्‍युङ्‍गितो। च्‍यिलासिसिन कोन्‍छ्‍योककी टेन मासम्‍बुपतिवा ताङ दुक्‍टातिवाला साङ च्‍यम्‍बा क्‍या नङ्‍गिवी।

लोमा छ्‍येतिवी लाका 16:28

पावलकी ती थोङ्‍नी कशेन थोर ग्‍यप्‍नी, “ओ अच्‍यु, तुक माकी! ङ्‍यिराङ तेरी देराङ वे!” सिनी सिक्‍यासुङ।

रोमी 12:9

ख्‍यिराङ मी यम्‍बाला ङ्‍यिङ्‍ज्‍ये कितुप ति मीला छ्‍या देन्‍दुपला तिराङ माकी। चुका ति दुक्‍टा नोके तीला ति ङ्‍यिङ्‍मर की, चुका ति ल्‍यामु नोके तीला राङ शु।

रोमी 14:19

ती तप्‍की दाक्‍पु च्‍यिककी च्‍यिकला लोदिमु तेरुप ताङ च्‍यिककी च्‍यिकला रम्‍बु जोपला दाल्‍जा किटे कि गोकिवी।

१ कोरिन्‍थी 14:1

तुक क्‍यानी ख्‍यिराङ तेरी सिनाङ गोमाला ङ्‍यिङ्‍ज्‍ये कितुप तिराङ नासाम तोङ। तमा कोन्‍छ्‍योककी थु चाङ्‍मा नेमा नङ्‍गुप कटिनकी ङ्‍येम्‍बा थोपुपला छासे नो की। तमा खक्‍छ्‍येवुला ति कोन्‍छ्‍योककी नङ्‍गुप नम्‍दर शेतुप कटिनकी ङ्‍येम्‍बा थोपुप नो की।

१ कोरिन्‍थी 16:10

दोजो तिमोथी ख्‍यिरा ते वासिन ख्‍यिरा ते देतुप पर सेक ति तीला ख्‍यिरा मुला राङ जोल्‍हमु क्‍यानी दे च्‍यिता। च्‍यिलासिसिन ती साङ ङ दोके कोन्‍छ्‍योककी थोक्‍ला लाका कितुप मी यिन।

१ कोरिन्‍थी 6:7

ख्‍यिराङ च्‍यिककी च्‍यिकला शुवा ग्‍यकुप ति ल्‍हासिन ख्‍यिराङ कोन्‍छ्‍योकला तेपा मिकिवु मीतिवा दोके यिन सिनी हाक्‍कोकिवी। काङ ख्‍यिराङला ङ्‍यप्‍च्‍ये क्‍यासिनाङ हम क्‍यानी दे मुथुवी? ख्‍यिराङला मी यम्‍बी क्‍येन्‍सिनाङ हम क्‍या देसिन मेवी रो?

गलाती 6:10

तुक क्‍यानी च्‍यु वोतुप पेला राङ मी तेरीला लाका ल्‍यामु की। खक्‍छ्‍येवुला तेपा कितुपतिवी मिछाङतिवाला मङ ल्‍यामु कि गोकिवी।

एफिसी 5:15

तुक क्‍यानी ख्‍यिरा किताङ नालु ति चुकै वे, ल्‍यामो क्‍यानी नासाम तोङ! रिक्‍पा मेतुप मी दोके मिन, यिने रिक्‍पा वोतुप मी दोके क्‍यानी युसा।

एफिसी 5:33

काङ यिन्‍सिनाङ ख्‍यिराङ तेरीकी दाक दाक्‍पी पेर्मीला रङला दोके ङ्‍यिङ्‍ज्‍ये किशी, पेर्मीतिवी साङ रङगी ख्‍योवाला ताङ्‍देन किशी।

१ थेसलोनिकी 5:21

तेरी ताम्‍ङेतिवा ल्‍यामु वोतुप मेतुप ल्‍होसा। तमा चुका ताम्‍ङे ति ल्‍यामु नोके, तीला राङ युसा।

१ तिमोथी 6:11

यिने ख्‍युरुङ ति कोन्‍छ्‍योककी गिपा यिन्‍दुप तप्‍की तुका ताम्‍ङे मेलोवातिवा नासाम माताङ्‍नी टेङ्‍बु ताङ मोवा ताङ तेपा ताङ ङ्‍यिङ्‍ज्‍ये ताङ हम क्‍यानी देतुप ताङ कुसु ज्‍यम्‍बु कितुप छोल।

२ तिमोथी 2:24

कोन्‍छ्‍योककी थोक्‍ला शब्‍ज्‍यी कितुप मी तीकी थमु ग्‍यकुप मेवी, यिने तेरी मीतिवाला च्‍यङ्‍च्‍यु कितुप ताङ तिवाला ल्‍यामु क्‍यानी येन्‍देन तेरुप ताङ हम क्‍या देतुप ताङ

तीतस 3:2

तमा तिवा सी तेन्‍दोकला साङ मालङ्‍शी, खाँदा मिकिशी, सेम बोल्‍मु ताङ मी तेरीकी मुला कुसु ज्‍यम्‍बु वुङ गोकिवी सिनी तिवाला टेन्‍सो कि च्‍यी।

हिब्रू 12:14

तेरी मीतिवी मुला लोदिमु क्‍यानी थिन्‍नी दे थुपा की, तमा टेङ्‍बु क्‍यानी मिजी क्‍योङ थुपा की। टेङ्‍बु मेसिन सी साङ कोन्‍छ्‍योकला मोथोङ्‍गिवी।

१ पत्रुस 1:22

त ख्‍यिराङ खोकी सुङ टेङ्‍बुला युनी ख्‍यिरा मिजी ति टेङ्‍बु च्‍युङ्‍गुप तप्‍की रङगी अच्‍युनुपतिवाला खोनक्‍पा माक्‍यानी ङ्‍यिङ्‍ज्‍ये कियी वे, तरोङ साङ सेमगी दिङ नेज्‍यु च्‍यिककी च्‍यिकला छासे ङ्‍यिङ्‍ज्‍ये की।

१ पत्रुस 2:17

मी तेरीला ताङ्‍देन की, तेपा कितुप अच्‍युनुपतिवाला ङ्‍यिङ्‍ज्‍ये की, कोन्‍छ्‍योककी थोक्‍ला ज्‍यिवा की, चोछ्‍येवु ग्‍येल्‍वुला ताङ्‍देन की।

१ पत्रुस 3:9

ख्‍यिराङला मेलोक्‍पा कितुपतिवाला मेलोक्‍पा माकी, याङ्‍ना मारे तोङ्‍गुपतिवाला ङ्‍येन मालाङ, यिने तिवाला मोलाम बिन। च्‍यिलासिसिन तीकी थोक्‍ला राङ कोन्‍छ्‍योककी ख्‍यिराङला पेन नङ्‍गुप यिन। तुक क्‍यासिन खोकी ख्‍यिराङला मोलाम नङ्‍गिवी।

३ यूहन्‍ना 1:11

ङे ङ्‍यिङ्‍ज्‍येवु नुपो, मेलोवा कितुप लुमु मासे, ल्‍यामु तिराङ की। सी ल्‍यामु किवे, ती ति कोन्‍छ्‍योककी मी यिन। सी मेलोवा किवे, ती ति कोन्‍छ्‍योकला माथोङ्‍गुप मी यिन।

ज्‍यल्‍का 19:10

ती पेला ती देवाच्‍येनकी लेन क्‍योलुप थु तीला शावा कितुपला ङ तीकी काङ्‍बी चिप्‍ला खवुतुङ्‍मा देतिन। यिने तीकी ङला “ख्‍योरो शावा माकी। ङ याङ येशूकी थोक्‍ला पङ्‍बु तेरुप ख्‍युरुङ ताङ ख्‍योरो अच्‍युनुपतिवा दोके कोन्‍छ्‍योककी लावा तिराङ यिन। ख्‍योरो कोन्‍छ्‍योकला तिराङ शावा की। च्‍यिलासिसिन येशूकी थोक्‍ला पङ्‍बु तेरुप मी तेरीकी कोन्‍छ्‍योककी थु चाङ्‍मा नेमा वुङ्‍गुप ओङला पङ्‍बु तेर्किवी।”

ज्‍यल्‍का 22:9

यिने तीकी ङला “ख्‍योरो ङला दुक क्‍यानी शावा कितुप मेवी। ङ साङ ख्‍युरुङ ताङ ख्‍योरो अच्‍युनुप लुङ्‍तेम्‍बातिवा ताङ दी थेपला वोतुप सुङला युकुपतिवा दोके कोन्‍छ्‍योककी लावा तिराङ यिन। तुक क्‍यानी कोन्‍छ्‍योकला तिराङ शावा की।” सिनी सिक्‍यासुङ।