१ थेसलोनिकी 5:14 - कोन्छ्‌योककी सुङ

¹⁴ अच्‍युनुपतिवा, ख्‍यिराङला ङ्‍यिराङ टोङ्‍गु तेरिन। छेर्शिक्‍पातिवाला येन्‍देन बिन, सेम्‍दुक कितुपतिवाला साङ टोङ्‍गु बिन, दाल्‍जा कि गोवुतिवाला दाल्‍जा किटे की, तेरीकी पर्ला कुसु ज्‍यम्‍बु क्‍यानी दे।

१ थेसलोनिकी 5:14 Iomraidhean Croise

मत्ती 12:20

ङे ठिम टेङ्‍बुकी ग्‍येला कितुप तुजे मालेपा सेक तीकी ककुप ङ्‍युङ्‍माला मोच्‍योकिवी, शितुछ्‍येप सलोक्‍टी मेसेवी।

लूका 22:32

यिने सिमोन, ख्‍योरो तेपा ति मोतोर्शी सिनी ङे मोपोर क्‍यायिन। ख्‍युरुङ येलुङ लोक्‍नी वुङ्‍गुप पेला ख्‍योरो तेपा कितुप अच्‍युनुपतिवाला रम्‍बु जोसा।”

लोमा छ्‍येतिवी लाका 20:27

च्‍यिलासिसिन कोन्‍छ्‍योककी नोवाला वोतुप ताम्‍ङेतिवा तेरी ङे ख्‍यिराङला लापिन।

लोमा छ्‍येतिवी लाका 20:31

तुक क्‍यानी ख्‍यिराङ च्‍याङ्‍से देता! लो सुम सेक ङ्‍यी ताङ नुप्‍ज्‍या ङुयी सिरा ङे ख्‍यिराङला टोङ्‍गु बिन्‍दुप ति नासाम तोङा।

लोमा छ्‍येतिवी लाका 20:35

ख्‍यिरा साङ टेमु क्‍यानी काङ मेतुपतिवाला चुक क्‍यानी दाल्‍जा कि गोकिवी सिनी ङे मिजी नेमा राङ छ्‍या तेन वे। चोवो येशूकी ‘लङ्‍गुप सिनाङ तेरुप ति मङ मोलाम वोतुप यिन।’ सिनी सुङ्‍गुप ति ख्‍यिरा नासाम तोङ।”

रोमी 12:1

तुक क्‍यानी अच्‍युनुपतिवा, च्‍यम्‍बा वोतुप कोन्‍छ्‍योक नेसुर ङ ख्‍यिराङला ठाकुरे सिरिन। ख्‍यिरा दाक दाक्‍पी मिजी ति कोन्‍छ्‍योकला गा लङ्‍गुप ताङ चाङ्‍मा वोतुप जिन्‍बा पुल। तुक क्‍यावु ति ख्‍यिरा सेमगी दिङ नेज्‍युनी खोला सोवा तेकुप यिन।

रोमी 14:1

तेपा रम्‍बु मेतुपतिवाला साङ नासाम तङ्‍नी ल्‍यामु की। तिवी ताम्‍ङेला क्‍येन ग्‍यकुप ति माकी।

१ कोरिन्‍थी 4:14

ख्‍यिराङला ङोछा लोङ्‍गुप सिनी दी यिकी टिवु मिन, ङे ङ्‍यिङ्‍ज्‍येवु आङातिवाला दोके क्‍यानी टोङ्‍गु तेरुपला टिवु यिनो।

१ कोरिन्‍थी 8:7

यिन्‍सिनाङ तेरी तेपा कितुप मीतिवाला साङ दी ताम्‍ङेकी कोर्ला ल्‍यामु क्‍यानी छ्‍या मेवी। माङ्‍शोक मीतिवा गोमाला कुला छ्‍यो तोङ्‍गुप बानी गलुप तप्‍की तरोङ साङ समा साप पेला कुला तेकुप समा राङ सयी वे सिरुप नासाम तोङ्‍यिन वे। तुक क्‍यानी तिवी ल्‍यामु मेलोवा हाक्‍माकोवु तप्‍की ती समा सोनी मेचेङ्‍गा गल वे सिरुप नासाम तोङ्‍गिवी।

गलाती 5:22

यिने चो पेला दाक्‍पु कोन्‍छ्‍योककी थु चाङ्‍माकी ओङला देकिवे, ती पेला दाक्‍पी मिजीला डेलु गरुप दोके ङ्‍यिङ्‍ज्‍ये ताङ गा ताङ लोदिमु ताङ हम क्‍या देतुप ताङ च्‍यम्‍बा कितुप ताङ मी यम्‍बी थोक्‍ला लाका ल्‍यामु कितुप ताङ लोतेर्मु कितुप ताङ

एफिसी 4:2

नरी सेम बोल्‍मु ताङ च्‍यङ्‍च्‍यु सेम्‍बा च्‍युङ्‍नी हम क्‍यानी च्‍यिककी च्‍यिकला ङ्‍यिङ्‍ज्‍ये की।

एफिसी 4:32

बोरु चुक क्‍यानी येशू ख्रीष्‍टकी क्‍या नङ्‍गुप लाका नेसुर कोन्‍छ्‌योककी ख्‍यिरा दिक्‍पा माफ नङ वे, तुक राङ क्‍यानी ख्‍यिरा साङ च्‍यिककी च्‍यिकला सेम बोल्‍मु ताङ च्‍यम्‍बा क्‍यानी माफ बिन।

कलस्सी 1:28

ङ्‍यिराङ दी ख्रीष्‍टकी कोर्ला मीतिवा तेरीला ख्‍याप्‍टाक कितिन। तमा तेरीकी ख्रीष्‍टला तेपा रम्‍बु क्‍यानी कोन्‍छ्‍योककी थोङ्‍दाङला ल्‍यामु वोतुप जोपला ङ्‍यिराङला वोतुप तेरी रिक्‍पा नेसुर तिवा रे रेला टोङ्‍गु ताङ येन्‍देन तेर्किवी।

२ थेसलोनिकी 3:15

यिन्‍सिनाङ तिवाला डला माजो, यिने रङगी नुपला दोके क्‍यानी टोङ्‍गु बिन।

१ तिमोथी 3:3

तमा छ्‍याङ्‍गेले मिकिवु ताङ टिम्‍बु ङ्‍यिर्मु मिकिवु, यिने कुसु ज्‍यम्‍बु वोतुप ताङ थमु मग्‍यकुप ताङ नोरला देर्पा मिकिवु ताङ

१ तिमोथी 6:11

यिने ख्‍युरुङ ति कोन्‍छ्‍योककी गिपा यिन्‍दुप तप्‍की तुका ताम्‍ङे मेलोवातिवा नासाम माताङ्‍नी टेङ्‍बु ताङ मोवा ताङ तेपा ताङ ङ्‍यिङ्‍ज्‍ये ताङ हम क्‍यानी देतुप ताङ कुसु ज्‍यम्‍बु कितुप छोल।

२ तिमोथी 4:2

ख्‍युरुङ कोन्‍छ्‍योककी लेन ल्‍यामु ख्‍याप्‍टाक कितुप पेला मीतिवी ङ्‍येन्‍सिनाङ माङ्‍येन्‍सिनाङ चो पेला साङ टडिक क्‍यानी दे। ङ्‍येवु मीतिवाला ल्‍यामु जोप ताङ वोरु देन्‍दुप ताङ सेम सो। मीतिवाला येन्‍देन तेरुप पेला डेकला देनी ल्‍यामु क्‍यानी येन्‍देन बिन।

तीतस 1:10

च्‍यिलासिसिन क्रेटला वोतुप माङ्‍शोक मीतिवा ति ओङला मेदेवु, मी यम्‍बाला मेतुप ताङ जिनोक जोप लाका किवी। तिवा ति माङ्‍शोक यहूदी च्‍येतुप लुक्‍सु क्‍यावु मीतिवी नाङ्‍ला ख्‍येल्‍गिवी।

तीतस 1:6

गोमा कितुपला पेतुप मी छ्‍ये ति मीतिवी पर्ला लाका मेलोक्‍पा माक्‍यानी क्‍येन मेतुप वुङ गोकिवी। तीकी ति पेर्मी च्‍यिक राङ वोतुप ताङ तीकी पेजातिवा साङ तेपा कितुप ताङ च्‍योलाम ल्‍यामु वोतुप ताङ पपाआमी खला ङ्‍येन्‍दुप वुङ गोकिवी।

हिब्रू 12:12

तुक क्‍यानी ङार मेतुप लाक्‍पातिवा येर लोङ, तमा रम्‍बु मेतुप काङ्‍बी छिङ्‍गुरतिवा साङ रम्‍बु जोसा।

हिब्रू 13:3

ख्‍यिराङ खुरुङ साङ चोन्‍खाङला वोतुप दोके नासाम तङ्‍नी चोन्‍खाङला शोरुप तिवाला ङ्‍याम किसा। तमा मीतिवी पाङ्‍शर तङ्‍गुपतिवाला साङ नासाम तोङ, च्‍यिलासिसिन ख्‍यिराङ साङ जुला राङ वे।