१ थेसलोनिकी 5:13 - कोन्छ्‌योककी सुङ

¹³ तमा तिवी क्‍यावु लाकाकी थोक्‍ला तिवाला ल्‍यामु क्‍यानी मङ ताङ्‍देन किसा। ख्‍यिराङ तेरीकी मुला थिन्‍नी देता।

१ थेसलोनिकी 5:13 Iomraidhean Croise

मत्ती 10:40

“सी ख्‍यिराङला सेमला लिङ्‍गिवे, तीकी ङला खोरो सेमला लावु यिन। सी ङला सेमला लिङ्‍गिवे, तीकी ङला तोङ्‍गुप तीला खोरो सेमला लावु यिन।

मर्कूस 9:50

छ ल्‍यामु यिन, यिने तीकी टोवा तोर्सुङ सिसिन चुक क्‍यानी तीला छटोक जेवी? ख्‍यिरा पर्ला छ वोतुप दोके क्‍यानी च्‍यिककी च्‍यिकला थिन्‍नी देता।”

यूहन्‍ना 15:17

दी ति ङे क यिन, ख्‍यिराङ च्‍यिककी च्‍यिकला ङ्‍यिङ्‍ज्‍ये की।”

२ कोरिन्थी 13:11

लो तमा, अच्‍युनुपतिवा, त याङ ङ दोजोयी राङ टिकिनो। ख्‍यिराङ येर्के गल्‍नी ल्‍यामु च्‍युङ्‍शिता। ङे सिक्‍यावु ताम्‍ङेला ल्‍यामु क्‍यानी ङ्‍येना। मी यम्‍बी मुला सेम च्‍यिक्‍पा राङ च्युङ्‍नी लोदिमु क्‍यानी देता। दाक्‍पुला ङ्‍यिङ्‍ज्‍ये ताङ लोदिमु नङ्‍गुप कोन्‍छ्‍योक ति ख्‍यिरा मुला ज्‍युकितो।

गलाती 4:14

ङ अमोछ्‍यो वोतुप ति ख्‍यिरा थोक्‍ला खोक्‍पा ल्‍हावु दोके गल्‍सिनाङ ख्‍यिरा ङला ङ्‍यिङ्‍मर माक्‍या, मारे साङ माताङ। यिने देवाच्‍येनकी लेन क्‍योलुप थु ताङ ख्रीष्‍ट येशूला दोके ताङ्‍देन क्‍यासुङ।

गलाती 5:22

यिने चो पेला दाक्‍पु कोन्‍छ्‍योककी थु चाङ्‍माकी ओङला देकिवे, ती पेला दाक्‍पी मिजीला डेलु गरुप दोके ङ्‍यिङ्‍ज्‍ये ताङ गा ताङ लोदिमु ताङ हम क्‍या देतुप ताङ च्‍यम्‍बा कितुप ताङ मी यम्‍बी थोक्‍ला लाका ल्‍यामु कितुप ताङ लोतेर्मु कितुप ताङ

गलाती 6:6

कोन्‍छ्‍योककी सुङ लापुपतिवी सुङ लाम तेरुप मी तीला खोरो मुला वोतुप च्‍यालक ल्‍यामुतिवा गोनी बिन।

एफिसी 4:3

खोकी थु चाङ्‍माकी ख्‍यिराङ तेरीला सेम च्‍यिक राङ जोवु तप्‍की ख्‍यिराङ सेम थिन्‍नी लोदिमु क्‍यानी दे थुपा की।

कलस्सी 3:15

ख्रीष्‍टकी ख्‍यिराङला लोदिमु नङ्‍गुप तप्‍की ख्‍यिराङ च्‍यिककी च्‍यिकला नरी ङ्‍यिङ्‍ज्‍ये की। च्‍यिलासिसिन ख्‍यिराङ च्‍यिककी च्‍यिकला लोदिमु क्‍यानी सेम थिन्‍नी देतुपला राङ कोन्‍छ्‍योककी ख्‍यिराङला कताङ नङ्‍गुप यिन। तीकी थोक्‍ला ख्‍यिरा खोला थुचिछे पुल।

१ थेसलोनिकी 5:14

अच्‍युनुपतिवा, ख्‍यिराङला ङ्‍यिराङ टोङ्‍गु तेरिन। छेर्शिक्‍पातिवाला येन्‍देन बिन, सेम्‍दुक कितुपतिवाला साङ टोङ्‍गु बिन, दाल्‍जा कि गोवुतिवाला दाल्‍जा किटे की, तेरीकी पर्ला कुसु ज्‍यम्‍बु क्‍यानी दे।

२ थेसलोनिकी 3:16

त लोदिमु वोतुप चोवोकी ख्‍यिराङला चो पेला कनी गल्‍सिनाङ नरी लोदिमु नङ्‍शी। तमा खो नरी ख्‍यिरा तेरीकी मुला राङ ज्‍युशी।

२ तिमोथी 2:22

ख्‍युरुङ नाज्‍युङ वोतुप पेला नासाम शरुप ताम्‍ङे मेलोवातिवा क्‍युर, तमा सेम टेङ्‍बु क्‍यानी कोन्‍छ्‍योकला तेपा कितुपतिवी मुला राङ टेङ्‍बु कितुप ताङ तेपा रम्‍बु कितुप ताङ मी यम्‍बाला ङ्‍यिङ्‍ज्‍ये कितुप ताङ लोदिमु कितुप छोल।

हिब्रू 12:14

तेरी मीतिवी मुला लोदिमु क्‍यानी थिन्‍नी दे थुपा की, तमा टेङ्‍बु क्‍यानी मिजी क्‍योङ थुपा की। टेङ्‍बु मेसिन सी साङ कोन्‍छ्‍योकला मोथोङ्‍गिवी।

याकूब 3:18

तमा नरी मीतिवाला डिङ तेरुप छोलुप मीतिवाला ज्‍युक्‍ला कोन्‍छ्‍योककी थोङ्‍दाङला टेङ्‍बु वोतुप च्‍युङ्‍गिवी।