१ थेसलोनिकी 5:10 - कोन्छ्‌योककी सुङ

¹⁰ खो दाक्‍पी थोक्‍ला टुङ्‍सुङ। ती तप्‍की दाक्‍पु सेन्‍बु देसिनाङ शिसिनाङ नरी खोकी मुला राङ मिजी क्‍योङ्‍गुप।

१ थेसलोनिकी 5:10 Iomraidhean Croise

मत्ती 20:28

ङ मी पुज्‍युङ ति मीतिवा नेमा शब्‍ज्‍यी ङ्‍येतुपला वावु मिन, यिने शब्‍ज्‍यी कितुपला ताङ मी बङीला दिक्‍पा ने थर ज्‍यितुपकी थोक्‍ला ङरा मिजी तेरुपला वावु यिन।”

यूहन्‍ना 10:11

ङ गोठाला ल्‍यामु यिन। गोठाला ल्‍यामुकी खोरो लुकतिवा र्‍होकुपला खुरुङ शि राङ गोसिनाङ शिवी।

यूहन्‍ना 10:15

ती ति पपी ङला ङो शेवु ताङ ङे पपाला ङो शेवु दोके यिन। ङ रङगी लुकतिवी थोक्‍ला शि राङ गोसिनाङ शिवी।

यूहन्‍ना 10:17

पपी ङला ङ्‍यिङ्‍ज्‍ये क्‍या नङ्‍गिवी। च्‍यिलासिसिन ङ ङरा राङ शि ज्‍यितिन, तमा येलुङ ङे मिजी ति छुर लोकिन।

यूहन्‍ना 15:13

रङगी दाल्‍जी थोक्‍ला खोरुङ राङ शेप सिनाङ मङ ङ्‍यिङ्‍ज्‍ये छ्‍ये ति मे।

रोमी 8:34

तुक क्‍यानी सी तिवाला क्‍येन तेर्किवी? येशू ख्रीष्‍ट ति मीतिवी दिक्‍पी थोक्‍ला टुङ्‍सिमा ङोसु लानी तन्‍दा कोन्‍छ्‍योककी छ्‍याक यावी थाकाला ज्‍युनी दाक्‍पी छापला मोपोर कियी वे।

१ कोरिन्‍थी 15:3

ङला थोपुप तेरी सिनाङ खक्‍छ्‍येवु सुङ ति ङे ख्‍यिराङला ख्‍याप्‍टाक क्‍यावु यिन। ती सुङगी तेन्‍दोक ति कोन्‍छ्‍योककी सुङला सुङ्‍गुप दोके ख्रीष्‍ट दाक्‍पी दिक्‍पी थोक्‍ला टुङ्‍गुप यिन।

२ कोरिन्थी 5:15

खो दाक्‍पु तेरीकी थोक्‍ला टुङ्‍सुङ। तुक क्‍यानी सेन्‍बु लुवुतिवी रङगी थोक्‍ला तिराङ मिन, तेरीकी थोक्‍ला टुङ्‍नी ङोसु लङ्‍गुप खोकी थोक्‍ला मिजी क्‍योङ गोकिवी।

२ कोरिन्थी 5:21

ख्रीष्‍टला दिक्‍पा मे, यिन्‍सिनाङ कोन्‍छ्‍योककी दाक्‍पी क्‍यावु दिक्‍पी थोक्‍ला खोला पर्च्या नाङ्‍सुङ। तुक क्‍यानी ख्रीष्‍ट नेसुर दाक्‍पु ति खोकी थोङ्‍दाङला टेङ्‍बु च्‍युङ्‍सुङ।

एफिसी 5:2

येशू ख्रीष्‍टकी दाक्‍पुला ङ्‍यिङ्‍ज्‍ये क्‍या नङ्‍नी कोन्‍छ्‌योकला गा लङ्‍गुप बुल्‍वा ताङ जिन्‍बा च्‍युङ्‍नी दाक्‍पी दिक्‍पी थोक्‍ला टुङ्‍सुङ। तुक राङ क्‍यानी ख्‍यिराङ साङ च्‍यिककी च्‍यिकला ङ्‍यिङ्‍ज्‍ये की।

१ थेसलोनिकी 4:13

अच्‍युनुपतिवा शेपतिवी कोर्ला ख्‍यिराङ हाक्‍माकोवा क्‍यानी मेदेशी, तमा रेवा मेतुप मीतिवा दोके सेम्‍दुक क्‍यानी साङ मेदेशी सिरुप ति ङ्‍यिरा नोवा वे।

१ थेसलोनिकी 4:15

चोवो येशू दी जम्‍बुलिङला ज्‍युवु पेला नङ्‍गुप सुङ नेसुर राङ ङ्‍यिराङ ख्‍यिराङला सिरिन। ती शेपतिवा ति चोवो येशू लोङ दी जम्‍बुलिङला फेपुप पेला सेक सेन्‍बु वोतुपतिवा सिनाङ गोमाला के येशूला ठेकिवी।

१ थेसलोनिकी 4:17

ती ज्‍युक्‍ला दाक्‍पु तेपा क्‍यानी ती पेला सेक सेन्‍बु लुवुतिवा तिवा ताङ मुला राङ नाम ने केला मुक्‍पी पर्ने चोवोला ठेतुपला तेक्‍नी डिवी। तमा दाक्‍पु नरी खोकी मुला राङ देतुप ङ्‍येकिवी।

१ थेसलोनिकी 5:6

तुक क्‍यानी दाक्‍पु ति नक्‍तोमीला ङ्‍यिलोकुप मी यम्‍बा दोके ङ्‍यिमालोक्‍नी च्‍याङ्‍से देतुप।

१ तिमोथी 2:6

खोकी तेरी मीतिवाला दिक्‍पा ने थर ज्‍यितुपला खोरे मिजी साङ मी थोक्‍ला जिन्‍बा च्‍युङ्‍सुङ। तीकी कोर्ला पङ्‍बु छ्‍या देन्‍दुप टेके तुजे ति तन्‍दा राङ यिन।

२ तिमोथी 2:11

दी ताम्‍ङे ति टेङ्‍बु यिन। दोजो दाक्‍पु खो ताङ मुला राङ शिसुङ सिसिन खो ताङ मुला राङ सेन्‍बु साङ लङ्‍गिवी।

तीतस 2:14

ती ख्रीष्‍टकी राङ दाक्‍पुला रङगी तेरी दुक्‍टातिवा नेसुर थर ज्‍यितुपला खोरे मिजी साङ दाक्‍पी थोक्‍ला नाङ्‍सुङ। तमा लाका ल्‍यामु कितुप खक्‍छ्‍येवु मिरिक जोपला सेम टेङ्‍बु जो नाङ्‍सुङ।

१ पत्रुस 2:24

तमा दाक्‍पी दिक्‍पातिवा तेरी क्‍युर्नी कोन्‍छ्‍योककी थोङ्‍दाङला टेङ्‍बु वोतुप मिजी क्‍योङ्‍शी सिनी दाक्‍पी दिक्‍पा खोकी जुला खुर्नी ग्‍यङ्‍शिङला टुङ्‍सुङ। खोकी जुला म थेन्‍दुप तप्‍की ख्‍यिरा नेजु टेक्‍सुङ।

१ पत्रुस 3:18

च्‍यिलासिसिन चोवो येशू ख्रीष्‍ट साङ दिक्‍पातिवी तेन्‍दोकला थेङ्‍मा च्‍यिक टुङ्‍सुङ, खो दिक्‍पा मेसिनाङ मेटेङ्‍बुतिवाला कोन्‍छ्‍योककी मुला तम्‍जी ल्‍यामु जोपला टुङ्‍गुप यिन। खोकी जु ति टुङ सिनाङ खोकी थु ति कोन्‍छ्‍योककी ङोसु लाङ्‍सुङ।